ວອນພາກສ່ວນກ່ຽວຂ້ອງກວດສອບ! ທາງຂາດບໍ່ມີປ້າຍເຕືອນ ປະຊາຊົນເດືອດຮ້ອນ ເກືອບເອົາຊີວິດມາຖິ້ມ

ວອນພາກສ່ວນກ່ຽວຂ້ອງກວດສອບ! ທາງຂາດບໍ່ມີປ້າຍເຕືອນ ປະຊາຊົນເດືອດຮ້ອນ ເກືອບເອົາຊີວິດມາຖິ້ມ

13th July 2020 0 By Education

ໃນໄລຍະນີ້ ຟ້າຝົນບໍ່ປົກກະຕິ ແຕ່ທີ່ແນ່ນອນຄືມັນມັກມາພ້ອມກັບໄພອັນຕະລາຍຕ່າງໆ ບໍ່ວ່າຈະເປັນນໍ້າຖ້ວມ, ດິນຖະຫຼົ່ມ ແລະ ອື່ນໆ ອັນເປັນອັນຕະລາຍຕໍ່ຊີວິດຂອງມວນມະນຸດ ແຕ່ທັງນີ້ທັງນັ້ນ ການມີສະຕິລະວັງຕົວ ພ້ອມຕິດຕາມຂ່າວສານບ້ານເມືອງເປັນສິ່ງສໍາຄັນ ເພື່ອລະມັດລະວັງໃນການເດີນທາງ.

ແຕ່ທັງນີ້ທັງນັ້ນ ພາກສ່ວນກ່ຽວຂ້ອງກໍ່ຕ້ອງເຂົ້າມາມີສ່ວນຮ່ວມສໍາຄັນ ໂດຍສະເພາະໃນລະດູຝົນແບບນີ້ ໄພທໍາມະຊາດມັນມາໄດ້ຕະຫຼອດ ດັ່ງເຫດການນີ້ ນໍ້າຊຸທາງຂາດ ແຕ່ບໍ່ມີປ້າຍເຕືອນ ເປັນເຫດເຮັດໃຫ້ຜູ້ນໍາໃຊ້ເສັ້ນທາງປະສົບອຸບັດເຫດ ເກືອບເອົາຊີວິດບໍ່ລອດ.

ລາຍງານຈາກປະຊາຊົນໃຫ້ຮູ້ວ່າ ໃນວັນທີ 12 ກໍລະກົດ 2020 ມີເຫດລົດໃຫ່ຍຕົກລົງທາງ ໂຊກດີທີ່ບໍ່ມີຄົນເສຍຊີວິດ, ເຕືອນໃຫ້ຜູ້ສັນຈອນໄປມາລະວັງແນ່ເດິ້ເສັ້ນທາງຕັດໃຫມ່ແຄມຂອງ ບ້ານເກົ້າລ້ຽວ ຊອດໄປທາງເມືອງເກົ່າ ແຂວງຄຳມ່ວນ ແຖວປາກຫ້ວຍ ທາງຂາດ. ແນວໃດກໍ່ຕາມ ຕໍ່ກັບເຫດການດັ່ງກ່າວ ພາກສ່ວນກ່ຽວຂ້ອງອາດຍັງບໍ່ທັນຮັບຮູ້ ຫຼື ໄປບໍ່ທັນຮອດ ຈຶ່ງເຮັດໃຫ້ບໍ່ມີປ້າຍບອກເຕືອນຢູ່ເຂດດັ່ງກ່າວ ເຊິ່ງມັນເປັນສິ່ງທີ່ກໍ່ໃຫ້ເກີດອັນຕະລາຍຕໍ່ຊີວິດຂອງປະຊາຊົນຫຼາຍ, ວອນມີການເຂົ້າກວດສອບໂດຍໄວ.