ສຸດສະເທືອນໃຈ! ນ້ອງໄຂ່ມຸກອາຍຸປີປາຍປ່ວຍແຂນຂາລີບພໍ່ແມ່ບໍ່ມີເງິນປິ່ນປົວ ວອນສັງຄົມຊ່ວຍເຫຼືອ

ສຸດສະເທືອນໃຈ! ນ້ອງໄຂ່ມຸກອາຍຸປີປາຍປ່ວຍແຂນຂາລີບພໍ່ແມ່ບໍ່ມີເງິນປິ່ນປົວ ວອນສັງຄົມຊ່ວຍເຫຼືອ

14th July 2020 0 By Education

ເລື່ອງລາວທີ່ແອັດຈະນໍາສະເໜີຕໍ່ໄປນີ້ ເຊື່ອວ່າຫຼາຍທ່ານ ຖ້າຫາກໄດ້ເຫັນພາບແລ້ວຈະສະເທືອນໃຈ ແລະ ເກີດຄວາມສົງສານຂຶ້ນໃນໃຈບໍ່ໜ້ອຍ ສໍາລັບກໍລະນີນ້ອງໄຂ່ມຸກ ທີ່ອາຍຸພຽງ 1ປີປາຍ ຜູ້ເກີດໃນຄອບຄົວທຸກຍາກ ຕອນນີ້ເຈັບປ່ວຍນອນຢູ່ໂຮງໝໍແຂວງຄໍາມ່ວນ, ຮ່າງກາຍຊຸດໂຊມ ແຂນຂາຈ່ອຍລີບ ພໍ່ແມ່ບໍ່ມີເງິນປິ່ນປົວ ວອນສັງຄົມຊ່ວຍເຫຼືອ.

ເລື່ອງລາວດັ່ງກ່າວຖືກນໍາມາເຜີຍແຜ່ພ້ອມຮ້ອງຂໍຄວາມຊ່ວຍເຫຼືອຈາກຊາວເນັດຜ່ານຜູ້ໃຊ້ເຟສບຸກຊື່ ຕາໂລ້ ໂດຍຜູ້ກ່ຽວໂພສພາບ ພ້ອມຂໍ້ຄວາມລະບຸວ່າ: ຂໍວອນສັງຄົມຊ່ວຍເຫລືອຫລານນ້ອຍແນ່ຕອນນີ້ຫລານນ້ອຍຢູ່ໂຮງຫມໍແຂວງຄໍາມ່ວນ, ຊື່ນ້ອງໄຂ່ມຸກແມ່ຊື່ຕັອກແຕັກ ເນື່ອງຈາກທາງຄອບຄົວກໍ່ທຸກຍາກ, ວອນຜູ້ເຈົ້າບຸນ, ຫມູ່ຄູ່ທາງເຟສຊ່ວຍເຫລືອຜູ້ລະເລັກຜູ້ລະໜ້ອຍຊ່ວຍເຫລືອຫລານນ້ອຍຄົນນີ້ດ້ວຍເທີ້ນ.

/>

ສ່ວນສາເຫດການເຈັບປ່ວຍຂອງນ້ອງໄຂ່ມຸກແມ່ນຍ້ອນຄອບຄົວລາວທຸກຍາກລ້ຽງຕາມມີຕາມເກີດ, ຜູ້ເປັນແມ່ກໍ່ຍັງເປັນເດັກນ້ອຍ, ຕອນເກີດມາກໍ່ເປັນຕຸ່ມເຕັມຕົນໂຕເຊິ່ງໄດ້ປິ່ນປົວ ແລະ ພາໄປໂຮງຫມໍຢູ່ເລື້ອຍໆແລ້ວຕໍ່ມາອາການຂອງນ້ອງກໍ່ເລີ່ມຈ່ອຍ ແລະ ຊຸດໂຊມລົງຈົນຮ່າງກາຍຈ່ອຍຜອມແຂນຂາລີບດັ່ງພາບທີ່ເຫັນເປັນ ແລະ ຕອນນີ້ເພີ່ນຢູ່ຕຶກເດັກທີ່ໂຮງຫມໍແຂວງຄຳມ່ວນ ທັງນີ້ ບ້ານເກີດເມືອງນອນຂອງນ້ອງໄຂ່ມຸກແມ່ນຢູ່ບ້ານ ປາກດົງ ເມືອງທ່າແຂກ ແຂວງຄໍາມ່ວນ.

ແນວໃດກໍ່ຕາມ ໃນໂພສດັ່ງກ່າວຍັງໄດ້ຝາກເລກບັນຊີເພື່ອຂໍຄວາມຊ່ວຍເຫຼືອຈາກສັງຄົມ ໂດຍອອກຊື່ລັດຕະນາ ເຊິ່ງເປັນຜູ້ເບີ່ງແຍງຫລານນ້ອຍ, ແຕ່ຖ້າຫາກທ່ານໃດຕ້ອງການຂໍ້ມູນເພີ່ມເຕີມກ່ຽວກັບໂຕນ້ອງໄຂ່ມັກແມ່ນສາມາດຕິດຕໍ່ໄປທີ່ເບີໂທແມ່ຂອງນ້ອງເອກຕາມເບີນີ້: 020 9109 1315.