ໂອ໊ຍຟ້າ! ແຈ້ງເຫດຄົນຕາຍຟູນໍ້າ ກູ້ໄພຟ້າວໄປຫາ ຮອດຮ່ອງນໍ້າໜຸ່ມລຸກຂຶ້ນບອກນອນແຊ່ນໍ້າຊື່ໆ

ໂອ໊ຍຟ້າ! ແຈ້ງເຫດຄົນຕາຍຟູນໍ້າ ກູ້ໄພຟ້າວໄປຫາ ຮອດຮ່ອງນໍ້າໜຸ່ມລຸກຂຶ້ນບອກນອນແຊ່ນໍ້າຊື່ໆ

14th July 2020 0 By Education

ເອົາແຕ່ຊິເປັນໄປນໍ້ຄົນເຮົາ ຫຼື ເປັນຍ້ອນສະພາບອາກາດອັນຮ້ອນອົບເອົ້າເຮັດໃຫ້ຄົນຕ້ອງຫາວິທີຄາຍຄວາມຮ້ອນດ້ວຍການລົງແຊນໍ້າ ດັ່ງໜຸ່ມຄົນນີ້ທີ່ຕັ້ງໃຈລົງນອນແຊ່ນໍ້າຢູ່ຄອງ ແຕ່ຄົນພົບເຫັນຄິດວ່າຄົນເສຍຊີວິດແລ້ວຟູນໍ້າ ແຈ້ງກູ້ໄພມາກວດສອບ ເມື່ອມາຮອດ ບໍ່ລໍຊ້າລົງຮ່ອງນໍ້າທັນທີ ແຕ່ຫົວໃຈຊິວາຍ ເຂົ້າໃກ້ປະຊິດໂຕໜຸ່ມຄົນນີ້ພັດໂງຫົວຂຶ້ນມາບອກວ່ານອນແຊ່ນໍ້າຫຼິ້ນຊື່ໆ.


ໂດຍທີມສະມາຄົມອາສາ ກູ້ໄພ ນະຄອນຫຼວງວຽງຈັນ ແຈ້ງເຫດສຸກເສີນ ໂທ 1624 ລາຍງານໃຫ້ຮູ້ວ່າ: ໃນວັນທີ 14 ກໍລະກົດ 2020 ເວລາ 16:11 ນາທີ ໄດ້ຮັບແຈ້ງເຫດເຂົ້າໝາຍເລກສຸກເສີນ 1624 ວ່າ ມີເຫດຄົນນອນຟູນຳ້ ຢູ່ບ້ານ ຮ່ອງໄກ່ແກ້ວ ເມືອງ ຈັນທະບູລີ ນະຄອນຫຼວງວຽງຈັນ.

ດັ່ງນັ້ນ, ທີມກູ້ຊີບກູ້ໄພນະຄອນຫຼວງ (ສູນສັ່ງການ) ຈຶ່ງໄດ້ອອກກວດສອບເຫດພົບເຫັນຊາຍນອນນິ້ງຢູ່ຮ່ອງລະບາຍນ້ຳ ທາງໜ່ວຍກູ້ໄພນະຄອນຫຼວງຈີ່ງໄດ້ລົງໄປກວດສອບ ປາກົດວ່າຊາຍຄົນນັ້ນຍັງມີຊີວິດຢູ່ ໂດຍບໍ່ມີການເສຍຊີວິດແຕ່ຢ່າງໃດ. ຈາກການສອບຖາມຊາຍຄົນດັ່ງກ່າວໄດ້ໃຫ້ເຫດຜົນວ່າ ຕ້ອງການນອນພັກຜ່ອນເນື່ອງຈາກອິດເມື່ອຍ ແລະ ອາກາດຮ້ອນ ລາວຈື່ງໄດ້ນອນແຊ່ນຳ້ຢູ່ທີ່ນັ້ນເປັນເວລາເກືອບສາມຊົ່ວໂມງ.


ແຕ່ແນວໃດກໍ່ຕາມ, ທີມກູ້ຊີບ-ກູ້ໄພນະຄອນຫຼວງກໍ່ໄດ້ນຳຕົວຊາຍຄົນດັ່ງກ່າວຂຶ້ນມາ ແລະ ລ້າງໂຕໃຫ້ສະອາດກ່ອນທີ່ຜູ້ກ່ຽວຈະກັບບ້ານເອງຢ່າງປອດໄພ.