ອຸທາຫອນ! ໜຸ່ມນ້ອຍຢູ່ສາລະວັນອົດເຂົ້າອົດນອນເພື່ອຫຼິ້ນເກມ ເປັນເຫດໃຫ້ເສຍຊີວິດກະທັນຫັນ

ອຸທາຫອນ! ໜຸ່ມນ້ອຍຢູ່ສາລະວັນອົດເຂົ້າອົດນອນເພື່ອຫຼິ້ນເກມ ເປັນເຫດໃຫ້ເສຍຊີວິດກະທັນຫັນ

17th July 2020 0 By Education

ກ່ອນໜ້ານີ້ ແອັດມິນເຄີຍນໍາສະເໜີຂ່າວ ເຫດການເຕືອນສະຕິ ຫຼື ເປັນອຸທາຫອນໄປແລ້ວບໍ່ໜ້ອຍ ບໍ່ວ່າຈະເປັນການເຕືອນໃຫ້ພໍ່ແມ່ເບິ່ງແຍງລູກນ້ອຍຕົນເອງຢ່າຮັກ ຫຼື ຕາມໃຈລູກໄປໃນທາງທີ່ຜິດ ໂດຍສະເພາະແມ່ນການປ່ອຍໃຫ້ຫຼິ້ນໂທລະສັບແບບດົນເກີນໄປ, ດັ່ງກໍລະນີທີ່ແອັດຈະນໍາສະເໜີໃນມື້ນີ້ແມ່ນເດັກຊາຍໜຸ່ເກີດອາການເຈັບທ້ອງ, ວິນຫົວປວດຮາກ ແລະ ມີອາການຊັອກ ໄປຮອດໂຮງໝໍ ຜູ້ກ່ຽວກໍ່ເສຍຊີວິດ ໂດຍມີສື່ອອນລາຍນໍາເລື່ອງລາວດັ່ງກ່າວມາໂພສ ແລະ ອ້າງວ່າຍ້ອນໜຸ່ມນ້ອຍຄົນນີ້ອົດເຂົ້າອົດນອນ ຫຼິ້ນເກມຢ່າງດຽວ ຈຶ່ງພາໃຫ້ມີອາການດັ່ງກ່າວມາຂ້າງເທິງ.

ໂດຍເພຈ ບ້ານດົງມອນ ເມືອງວາປີ ແຂວງສາລະວັນ ໄດ້ເຜີຍແຜ່ພາບ ພ້ອມຂໍ້ຄວາມລະບຸວ່າ: ສະແດງຄວາມເສນໃຈຕໍ່ການຈາກໄປຂອງ ທ້າວປໍ ລູກທ່ານຫຼອມກັບນາງຂຽດ; ເຊິ່ງສາເຫດເສຍຊີວິດຫຼິ້ນເກມອົດເຂົ້າອົດນອນ, ຕໍ່ມາມີອາການເຈັບທ້ອງວິນຫົວຮາກ, ໄປໂຮງໝໍສົ່ງນ້ຳເກີດມີອາການຊ໊ອກ ແລ້ວກໍ່ເສຍຊີວິດມາແຕ່ໂຮງໝໍສາລະວັນ.


ໂດຍຜູ້ກ່ຽວເສຍຊີວິດປະມານເວລາ19:00 ຂອງວັນທີ 16 ກໍລະກົດ 2020 ຢູ່ໂຮງໝໍແຂວງສາລະວັນ, ແນວໃດກໍ່ຕາມ ທີມງາມ central ຂໍສະແດງຄວາມເສຍໃຈຕໍ່ຄອບຄົວຜູ້ເສຍຊີວິດດ້ວຍ