ສົ່ງເສີມການສຶກສາ! ນໍ້າໃຈຈາກ ສປ.ຈີນ ມອບກະດານເອເລັກໂຕຣນິກ ແກ່ໂຮງຮຽນອະນຸບານ ມຊ

ສົ່ງເສີມການສຶກສາ! ນໍ້າໃຈຈາກ ສປ.ຈີນ ມອບກະດານເອເລັກໂຕຣນິກ ແກ່ໂຮງຮຽນອະນຸບານ ມຊ

25th July 2020 0 By Education

ນໍ້າໃຈຈາກ ສປ ຈີນ ໃນການຊ່ວຍເຫຼືອລາວເຮົາແມ່ນມີມາໃຫ້ເຫັນຢູ່ຕະຫຼອດມາ ທັງການຊ່ວຍເຫຼືອເປັນວັດຖຸອຸປະກອນ ຫຼື ເງິນ, ຫຼ້າສຸດ ສະຖານເອກອັກຄະລັດຖະທູດແຫ່ງ ສປ ຈີນ ປະຈໍາ ສປປ ລາວ ມອບກະດານເອເລັກໂຕຣນິກ ໃຫ້ໂຮງຮຽນອະນຸບານ ມຊ.

ວັນທີ 23 ກໍລະກົດ 2020 ທີ່ຜ່ານມານີ້, ສະຖານເອກອັກຄະລັດຖະທູດແຫ່ງ ສປ. ຈີນ ປະຈຳ ສປປ ລາວ ໄດ້ນຳເອົາກະດານດໍານ້ອຍຫັດຂຽນ (ກະດານເອເລັກໂຕຣນິກ) ມາມອບໃຫ້ເຮືອນລ້ຽງເດັກ-ໂຮງຮຽນອະນຸບານສາທິດ ຄະນະສຶກສາສາດ ມຊ.

ໂດຍການກ່າວມອບຂອງທ່ານ ສິນເສີນ ຫຼື ແສງອາລຸນ ທີ່ເປິກສາຂອງສະຖານເອກອັກຄະລັດຖະທູດແຫ່ງ ສປ. ຈີນ ປະຈຳ ສປປ ລາວ ແລະກ່າວຮັບໂດຍທ່ານ ນາງ ພາວັນນາ ບຸນມີອາໄພ ຜູ້ອໍານວຍການເຮືອນລ້ຽງເດັກ-ໂຮງຮຽນອະນຸບານສາທິດ ຄະນະສຶກສາສາດ ມຊ, ມີທ່ານ ປອ. ນາງ ກົງສີ ຈຸນລະມະນີ ຮອງຄະນະບໍດີ ຄະນະສຶກສາສາດ ມຊ, ມີທ່ານຜູ້ຕາງໜ້າຈາກຫ້ອງການພົວພັນຕາງປະເທດ ມຊ, ບັນດາພະນັກງານ, ຄູ-ອາຈານທີ່ກ່ຽວຂ້ອງທັງສອງຝ່າຍເຂົ້າຮ່ວມ.

ກະດານດໍານ້ອຍຫັດຂຽນ(ກະດານເອເລັກໂຕຣນິກ)ທີ່ສະຖານເອກອັກຄະລັດຖະທູດແຫ່ງ ສປ. ຈີນ ປະຈຳ ສປປ ລາວ ນຳມາມອບໃຫ້ໃນຄັ້ງນີ້, ມີຈໍານວນ 500 ແຜ່ນ. ເພື່ອນໍາໃຊ້ເຂົ້າໃນການຮຽນ-ການສອນ ເປັນຕົ້ນແມ່ນການຫັດຂຽນ, ການແຕ້ມຂອງເດັກເພື່ອໃຫ້ເດັກເຂົ້າໃຈ ແລະສາມາດຂຽນໄດ້ໄວຂຶ້ນກວ່າເກົ່າ.

ຂໍ້ມູນ: ເວັບໄຊ ມຊ