ພາກສ່ວນກ່ຽວຂ້ອງເລັ່ງທໍາລາຍຖິ້ມ ລະເບີດບໍ່ທັນແຕກ 100ກວ່າລູກຢູ່ພູເຂົາຄວາຍ ເຄລຍພື້ນທີ່ໃຫ້ປະຊາຊົນທໍາມາຫາກິນ

ພາກສ່ວນກ່ຽວຂ້ອງເລັ່ງທໍາລາຍຖິ້ມ ລະເບີດບໍ່ທັນແຕກ 100ກວ່າລູກຢູ່ພູເຂົາຄວາຍ ເຄລຍພື້ນທີ່ໃຫ້ປະຊາຊົນທໍາມາຫາກິນ

3rd August 2020 0 By Education

ລະເບີດບໍ່ທັນແຕກ ຝັນຮ້າຍຄວັນຫຼົງຈາກສະໄໝສົງຄາມຍັງຫຼົງເຫຼືອຫຼອກຫຼອນ ສ້າງຄວາມຢ້ານກົວໃຫ້ກັບພໍ່ແມ່ປະຊາຊົນຄົນລາວມາໂດຍຕະຫຼອດ ແຕ່ທີ່ພົບເຫັນຢູ່ສ່ວນຫຼາຍແມ່ນເຂດພາກເໜືອຂອງລາວພ້ອມທໍາລາຍຖິ້ມແລ້ວຈໍານວນບໍ່ໜ້ອຍ ແຕ່ກໍ່ຍັງບໍ່ໝົດໄປ, ຫຼ້າສຸດ ພາກສ່ວນກ່ຽວຂ້ອງພົບລະເບີດບໍ່ທັນແຕກຈໍານວນ 100 ກວ່າລູກ ຢູ່ເຂດສາຍຫ້ວຍຫ້ອມຕີນພູເຂົາຄວາຍ.

ອຳນາດການປົກຄອງເມືອງປາກງື່ມ ນະຄອນຫຼວງວຽງຈັນ ສົມທົບກັບອຳນາດການປົກຄອງບ້ານທ່າກົກໄຮ ແລະ ພາກສ່ວນກ່ຽວຂ້ອງໄດ້ທຳລາຍລະເບີດທີ່ບໍ່ທັນແຕກໃນປາງສົງຄາມທີ່ຍັງຕົກຄ້າງ ແລະ ຖືກຄົ້ນພົບໃນຂອບເຂດເມືອງປາກງື່ມ.

ການທຳລາຍລະເບີດໃນຄັ້ງນີ້ລວມທັງໝົດ 116 ລູກ ກວມເອົາເນື້ອທີ່ 25 ເຮັກຕາເຂດປຸງເມີຍເລາະລຽບຕາມສາຍຫ້ວຍຫ້ອມຕີນພູເຂົາຄວາຍ ພາຍຫຼັງທຳລາຍສຳເລັດປະຊາຊົນຈະສາມາດເຂົ້າໃນທຳການຜະລິດໃນເຂດດັ່ງກ່າວເຊິ່ງຈະມີ 532 ຄົວເຮືອນ ແລະ 3.537 ຄົນຈະໄດ້ຮັບຜົນປະໂຫຍດ ນອກຈາກນີ້ພາກສ່ວນກ່ຽວຂ້ອງຈະສືບຕໍ່ທຳລາຍລະເບີດຕາມເຂດອື່ນໆຖ້າຍັງພົບເຫັນ.

ລະເບີດຈໍານວນດັ່ງກ່າວແມ່ນຖືກຄົ້ນພົບ ໃນເຂດປຸງເມີຍເລາະລຽບຕາມສາຍຫ້ວຍຫ້ອມຕີນພູເຂົາຄວາຍເຊິ່ງເປັນເຂດທຳການຜະລິດຂອງພໍ່ແມ່ປະຊາຊົນຊາວບ້ານທ່າກົກໄຮ່.