ພູເຂົາໄຟຕາອັນພົ່ນຄວັນສູງ ເຮັດໃຫ້ປະຊາຊົນ 8ພັນຄົນໃນມະນີລາຕ້ອງໜີຈາກພື້ນທີ່ດ່ວນ!

ພູເຂົາໄຟຕາອັນພົ່ນຄວັນສູງ ເຮັດໃຫ້ປະຊາຊົນ 8ພັນຄົນໃນມະນີລາຕ້ອງໜີຈາກພື້ນທີ່ດ່ວນ!

13th January 2020 0 By Education

ເພຈ ຂ່າວສົດ(ປະເທດໄທ) ລາຍງານ ວັນທີ 13 ມັງກອນ 2020 ໃຫ້ຮູ້ເຖິງສະຖານະການວິຕົກກັງວົນ ໃນຟີລິບປິນ ຫຼັງຈາກພູເຂົາໄຟຕາອັນ ເທິງເກາະລູຊອນ ທີ່ຢູ່ຫ່າງຈາກກຸງມະນີລາໄປທາງໃຕ້ປະມານ 50ກິໂລແມັດ ເກີດພົ່າຄວັນພ້ອມເທົ້າຖ່ານໜາຂຶ້ນສູ່ທ້ອງຟ້າ ມີໄລຍະທາງເໜືອປາກປ່ອງພູເຂົາໄຟປະມານ 10-15ກິໂລແມັດຕັ້ງແຕ່ວັນອາທິດ ທີ່ຜ່ານມາ ສົ່ງຜົນໃຫ້ປະຊາຊົນ 8.000ຄົນ ໃນ 3ຕົວເມືອງສ່ຽງໄພໃກ້ພູເຂົາໄຟຕາອັນ ແລະ ປະກາດເຕືອນໄພເຝົ້າລະວັງ ລະດັບ 2.


ດ້ານສະຖາບັນແຜ່ນດິນໄຫວ ແລະ ພູເຂົາໄຟວິທະຍາຟີລິບປິນ ລະບຸວ່າ ມີແຜ່ນດິນໄຫວຂະໜາດນ້ອຍເກີດຂຶ້ນຫຼາຍຄັ້ງ ພ້ອມເຕືອນວ່າອາດເກີດສຶນາມິຈາກພູເຂົາໄຟໄດ້.


ຂະນະດຽວກັນ ທ່າອາກາດຍານຟີລິບປິນກໍ່ຍົກເລີກຖ້ຽວບິນທັງຂາເຂົ້າ ແລະ ຂາອອກຈາກສະໜາມບິນນານາຊາດນິນອຍ, ອາກິໂນ ໃນກຸງມະນີລາ ເນື່ອງຈາກມີກຸ່ມຄວັນໜາແໜ້ນຈົນບັງການເບິ່ງເຫັນເຊິ່ງເປັນອັນຕະລາຍຕໍ່ການບິນ.

ທັງນີ້, ພູເຂົາໄຟຕາອັນ ເປັນໜຶ່ງໃນພູເຂົາໄຟທີ່ມີຂະໜາດນ້ອຍທີ່ສຸດໃນໂລກ ແຕ່ກໍ່ເປັນໜຶ່ງໃນພູເຂົາໄຟທີ່ມີການເກີດພົ່ນຄວັນຮຸນແຮງຢູ່ຕະຫຼອດ ໂດຍໃນຊ່ວງ 450ປີຜ່ານມາ ມີການພົ່ນຄວັນຢ່າງໜ້ອຍ 34ຄັ້ງ ການພົ່ນຄວັນທີ່ຮຸນແຮງທີ່ສຸດເກີດຂຶ້ນໃນປີ 1754 ແລະ ປີ 1911 ເຊິ່ງມີຜູ້ເສຍຊີວິດ 1.335 ຄົນ ສ່ວນການປະທຸກ່ອນໜ້ານີ້ເກີດເມື່ອ 1977 ຫຼື ເມື່ອ 43 ປີກ່ອນ