ດັບຊີວິດຕົນເອງໜີບັນຫາ ມີມາຢູ່ຕະຫຼອດ ຫຼ້າສຸດເກີດຢູ່ບໍ່ແກ້ວ ຊາຍໜຸ່ມອາຍຸພຽງ 21ປີເປັນຜູ້ກໍ່ເຫດ

ດັບຊີວິດຕົນເອງໜີບັນຫາ ມີມາຢູ່ຕະຫຼອດ ຫຼ້າສຸດເກີດຢູ່ບໍ່ແກ້ວ ຊາຍໜຸ່ມອາຍຸພຽງ 21ປີເປັນຜູ້ກໍ່ເຫດ

13th August 2020 0 By Education

ສັງຄົມ​ຢູ່ຍາກຂຶ້ນນັບມື້ ມີປະກົດການຫຍໍ້ທໍ້ ແລະ ເຫດສະເທືອນເກີດຂື້ນຢູ່ຕະຫຼອດ ເຊິ່ງເປັນເລື່ອງລາວທີ່ສ້າງຄວາມສະເທືອນໃຈໃຫ້ກັບສັງຄົມຢູ່ບໍ່ໜ້ອຍ ບາງຄັ້ງມັນກໍ່ກາຍເປັນເລື່ອງທີ່ຜູ້ພົບເຫັນນໍາມາຮຽນແບບ ຫຼື ໃຊ້ເປັນທາງອອກດຽວກັນເມື່ອພົບບັນຫາ, ຫຼ້າສຸດ ເກີດເຫດເສົ້າອີກ ເມື່ອໜຸ່ມອາຍຸ 21ປີ ກໍ່ເຫດແຂວນຄໍດັບຊີວິດຕົນເອງໜີບັນຫາຢູ່ແຂວງບໍ່ແກ້ວ.

ຕາອິຕົນເດ

ໜ່ວຍກູ້ຊີບອົງການກາແດງແຂວງບໍ່ແກ້ວ ລາຍງານໃຫ້ຮູ້ວ່າ: ໃນວັນທີ 11 ສິງຫາ 2020 ເວລາ 14:30ນາທີ ໜ່ວຍກູ້ຊີບອົງການກາແດງແຂວງບໍ່ແກ້ວໄດ້ຮັບແຈ້ງເຫດຜ່ານເບີ 084 1625 ວ່າມີຄົນແຂວນຄໍເສຍຊີວິດ ຢູ່ໃນປ່າ ບ້ານ ດອນຄູນ(ຄຸ້ມພູຫຼວງ)ເມືອງຫ້ວຍຊາຍ ແຂວງບໍ່ແກ້ວ
ເມື່ອໜ່ວຍກູ້ຊີບອົງການກາແດງແຂວງບໍ່ແກ້ວໄປຮອດສະຖານທີ່ເກີດເຫດພົບເຫັນຜູ້ເສຍຊີວິດ 01ຄົນ, ເປັນເພດຊາຍ , ອາຍຸ21ປີ. (ສ່ວນສາເຫດຂອງການແຂນຄໍເສຍຊີວິດແມ່ນຢູ່ໃນລະຫວ່າງການສັນນະສູດຂອງເຈົ້າໜ້າທີຕຳຫຼວດ).

ຄຽດຫຍັງໃຫ້ໃຜນໍ້

ດັ່ງນັ້ນ, ໜ່ວຍກູ້ຊີບອົງການກາແດງແຂວງບໍ່ແກ້ວຈື່ງໄດ້ທຳການຫໍ່-ມ້ຽນສົບຜູ້ເສຍຊີວິດ ແລ້ວນຳສົ່ງໃຫ້ພີ່ນ້ອງເພື່ອປະກອບພິທີທາງສາສະໜາ.
ຂໍສະແດງຄວາມເສຍໃຈນຳຍາດພີ່ນ້ອງຜູ້ເສຍຊີວິດ ແລະ ຂໍໃຫ້ດວງວິນຍານຂອງຜູ້ເສຍຊີວິດໄປສູ່ສຸຂະຕິດ້ວຍເທີ້ນ.