ນໍ້າອັດລົມ ກັບປະໂຫຍດຫຼາຍໆຢ່າງທີ່ທ່ານຍັງບໍ່ຮູ້ ! ສາມາດທໍາຄວາມສະອາດຫ້ອງນ້ຳໄດ້

ນໍ້າອັດລົມ ກັບປະໂຫຍດຫຼາຍໆຢ່າງທີ່ທ່ານຍັງບໍ່ຮູ້ ! ສາມາດທໍາຄວາມສະອາດຫ້ອງນ້ຳໄດ້

14th January 2020 0 By Entertain

ນໍ້າອັດລົມ ເປັນເຄື່ອງດື່ມທີ່ຫຼາຍໆຄົນມັກດື່ມກິນ ເຊິ່ງກໍມີຫຼາຍລົດຊາດ ແລະ ຫຼາຍຜະລິດຕະພັນແຕກຕ່າງກັນໄປ ຮູ້ບໍ່ວ່ານອກຈາກຈະໃຊ້ດື່ມກິນແຊບແລ້ວ ນໍ້າອັດລົມຍັງມີປະໂຫຍດຫຼາຍຢ່າງທີ່ເຮົາເອງກໍບໍ່ເຄີຍຮູ້ມາກ່ອນເຊັ່ນ:

1 ຊ່ວຍເຮັດຄວາມສະອາດຄາບໄຂມັນຢູ່ເສື້ອຜ້າໄດ້ ຫຼາກຊຸດເສື້ອຜ້າຂອງເຮົາຫາກເປື້ອນຄາບໄຂມັນ ສາມາດປະສົມແຟັບ ຫຼື ສະບູຝຸ່ນ ປົນກັບນ້ຳອັດລົມ 1 ປ໋ອງ ແລ້ວຊັກດ້ວຍເຄື່ອງຊັກຜ້າ ຫຼື ມືຕາມປົກກະຕິ, ນ້ຳອັດລົມຈະຊ່ວຍສະຫລາຍຄາບມັນຢູ່ເສື້ອຜ້າເຮົາໄດ້, ທີ່ສຳຄັນຢ່າລືມໃສ່ນ້ຳຢາປັບຜ້ານຸ້ມໃຫ້ເສື້ອຜ້າຂອງທ່ານຈະໄດ້ມີກິ່ນຫອມໆ.

2 ຊ່ວຍທໍາຄວາມສະອາດຫ້ອງນ້ຳໄດ້ ພຽງແຕ່ໃຊ້ນ້ຳອັດລົມ ສູດປາສະຈາກນ້ຳຕານ ເທໄວ້ໃຫ້ທົ່ວພື້ນຫ້ອງນ້ຳ ແລະ ເຄື່ອງໃຊ້ຕ່າງໆໃນຫ້ອງນໍ້າ ຖິ້ມໄວ້ປະມານ 1 ຊົ່ວໂມງ ຫລັງຈາກນັ້ນໃຊ້ແປງຂັດຫ້ອງນ້ຳຂັດຖູແລ້ວລ້າງດ້ວຍນ້ຳສະອາດອີກເທື່ອໜຶ່ງ ພຽງແຕ່ເທົ່ານີ້ຫ້ອງນໍ້າ ແລະ ເຄື່ອງໃຊ້ຕ່າງໆໃນຫ້ອງນໍ້າຂອງທ່ານກໍຈະສະອາດແລ້ວ.

3 ສາມາດກໍາຈັດຄາບຂີ້ໝ້ຽງໄດ້ ຕົວຢ່າງ ກັນຊົນລົດໃຫຍ່, ແມັກ ແລະອື່ນໆ ຂອງທ່ານເກີດ ເປັນຈຸດຂີ້ໝ້ຽງຂຶ້ນມາເມື່ອໃດ ຢ່າປ່ອຍໃຫ້ມັນລຸກລາມໄປໄດ້ ຮີບເອົາອາລູມິນຽມຟຣອຍ ຈຸ່ມນ້ຳອັດລົມ ແລະ ຂັດຄ່ອຍໆບ່ອນທີ່ເປັນຈຸດທີ່ ຂີ້ໝ້ຽງຄາບຈະຫລຸດອອກມາແບບງ່າຍດາຍ.

4 ຊ່ວຍຄາຍນັອດທີ່ຂຶ້ນຂີ້ໝ້ຽງຈົນໄຂບໍ່ອອກໄດ້ ຖ້າທ່ານຕ້ອງການຈະໄຂນັອດອອກຈາກຊິ້ນສ່ວນອຸປະກອນຕ່າງໆ ແຕ່ນັອດໂຕນັ້ນເຕັມໄປດ້ວຍຂີ້ໝ້ຽງໃຫ້ທ່ານເອົາຜ້າຈຸ່ມນ້ຳອັດລົມໃຫ້ຊຸ່ມ ແລ້ວຖູນັອດໂຕນັ້ນໄວ້ຈັກໄລຍະໜຶ່ງ ນ້ຳອັດລົມຈະຊ່ວຍກັດຂີ້ໝ້ຽງບໍລິເວນນັ້ນໃຫ້ໄຂນັອດອອກໄດ້ຢ່າງງ່າຍດາຍ.

5. ເພີ່ມລົດຊາດໃຫ້ກັບແຮມ : ຖ້າຫາກທ່ານຢາກໃຫ້ການທອດແຮມ ນັ້ນແຊບຍິ່ງຂຶ້ນ ລອງເທນ້ຳອັດລົມລົງໃນໝໍ້ ແທນນ້ຳມັນແລ້ວຫໍ່ແຮມດ້ວຍເຈ້ຍກັນຄວາມຮ້ອນລົງໃນໝໍ້ຕົ້ມໃນນ້ຳອັດລົມຖິ້ມໄວ້ປະມານ 30 ນາທີ ແລ້ວຈຶ່ງເອົາເຈ້ຍກັນຄວາມຮ້ອນອອກເພື່ອໃຫ້ແຮມ ໄດ້ປະສົມກັບນ້ຳອັດລົມທີ່ຍັງເຫລືອຢູ່ໃນໝໍ້ ແຮມຂອງທ່ານຈະມີລົດຊາດທີ່ແຊບຊ້ອຍຍິ່ງຂຶ້ນກວ່າເກົ່າ ອັນນີ້ໜ້າລອງ.

ນັ້ນກໍເປັນຄຸນປະໂຫຍດຂອງນໍ້າອັດລົມຕໍ່ສິ່ງຕ່າງໆ ເຊິ່ງຍັງບໍ່ພົບວ່າມີປະໂຫຍດຕໍ່ຮ່າງກາຍຂອງຄົນເຮົາຫຼືບໍ່ ສະນັ້ນບໍ່ຄວນທີ່ຈະຕື່ມກິນຫຼາຍຈົນເກີນໄປ ເພາະຄຸນປະໂຫຍດໃນການກັດລ້າງສານຕ່າງໆຂອງວັດຖຸຍັງເຮັດໜ້າທີ່ໄດ້ດີຂະໜາກນັ້ນ ຕໍ່ຮ່າງກາຍຂອງຄົນເຮົາຈະສໍ່າໃດ ເຊິ່ງຜູ້ຊ່ຽວຊານ ແລະ ແພດໝໍ ກໍບໍ່ແນະນໍາໃຫ້ກິນຫຼາຍເພາະ ມັນຈະເຮັດໃຫ້ກະດູກເຮົາຜ່ອຍໄດ້.