ອັບເດດສາວລາວໃນເມກາຕາມຫາພໍ່! ຕອນນີ້ພົບເພິ່ນແລ້ວ ຂອບໃຈທຸກຄົນທີ່ຊ່ວຍເຫຼືອ

ອັບເດດສາວລາວໃນເມກາຕາມຫາພໍ່! ຕອນນີ້ພົບເພິ່ນແລ້ວ ຂອບໃຈທຸກຄົນທີ່ຊ່ວຍເຫຼືອ

16th August 2020 0 By Education

ຈາກທີ່ແອັດມິນເຄີຍນໍາສະເໜີ້ໄປກ່ອນໜ້ານີ້ ກ່ຽວກັບສາວລາວທີ່ໄປເຕີບໂຕຢູ່ສະຫະລັດອາເມລິກາ ໄດ້ປະກາດຕາມຫາພໍ່ຜູ້ພັດພາກຈາກກັນມາເປັນເວລາຫຼາຍສິບປີ.

ເຊິ່ງຕໍ່ກັບປະເດັນດັ່ງກ່າວກໍ່ບໍ່ມີພຽງແຕ່ແອັດມິນ Central update ເທົ່ານັ້ນ ທີ່ນໍາເລື່ອງລາວດັ່ງກ່າວມາບອກຕໍ່ເພື່ອຊ່ວຍຕາມຫາ ແຕ່ຍັງມີຊາວເນັດແີກຈໍານວນຫຼາຍທີ່ຮ່ວມແຮງຮ່ວມໃຈກັນບອກຕໍ່ ໂດຍສະເພາະ ແມ່ນ ກິວ ເຂີຍລາວ ຝຣັ່ງຫົວໃຈລາວ ທີ່ມາສ້າງຄອບຄົວກັບສາວລາວ ກໍ່ໄດ້ໂພສຊ່ວຍຕາມຫາ ແລະ ອັບເດດຂໍ້ມູນຫຼ້າສຸດໃຫ້ຮູ້ວ່າພົບ ພໍ່ຄໍາແພງ ແສງອາທິດແລ້ວ.

ໂດຍ ກີວ ເຂີຍລາວ ໄດ່້ໂພສພາບພ້ອມຂໍ້ຄວາມລະບຸວ່າ:  ຫລັງຈາກທີ່ກີວ ໂພດຮູບທີ່ເພີ່ນຊອກຫາພໍ່ ທີ່ພັດພາກມາຫຼາຍກວ່າ 20ປີ ມາມື້ນີ້ມີຂ່າວດີໄດ້ພົບຄອບຄົວເພີ່ນເເລ້ວເດີ; ຂ້ອຍເອງຮູ້ສຶກດີໃຈຫລາຍທີ່ໄດ້ເປັນສ່ວນຫນື່ງໃນການຊອກຫາຄອບຄົວເພີ່ນສຳເລັດ, ທີ່ສໍາຄັນ ຕອນນີ້ກຳລັງເດີນທາງໄປຫາຜູ້ເປັນພໍ່.

ພົບພໍ່ແລ້ວ

ແນວໃດກໍ່ຕາມແອັດເອງໃນນາມທີ່ເປັນສ່ວນໜຶ່ງໄດ້ເປັນກະບອກສຽງຊ່ວຍເຫຼືອຕາມຫາພໍ່ຄໍາແພງໃນຄັ້ງນີ້ ຂໍສະແດງຄວາ່ມດີໃຈຕໍ່ກັບເຈນນີ ລູກສາວຂອງເພິ່ນ ທີ່ຕອນນນີ້ຫາກັນພົບແລ້ວ.