ສຸດສະເທືອນໃຈ! ຊື້ເຂົ້າໜຽວໝູປີ້ງໃຫ້ແມ່ກິນ ຈົນເປັນເຫດໃຫ້ເສຍຊີວິດ

ສຸດສະເທືອນໃຈ! ຊື້ເຂົ້າໜຽວໝູປີ້ງໃຫ້ແມ່ກິນ ຈົນເປັນເຫດໃຫ້ເສຍຊີວິດ

17th August 2020 0 By Education

ຫວັງວ່າຫຼາຍທ່ານຈະຈື່ໄດ້ກ່ຽວກັບເຫດການເຂົ້າໜຽວຄາຄໍເປັນເຫດໃຫ້ເສຍຊີວິດ ທີ່ແອັດມິນເຄີຍນໍາມາເຕືອນເປັນອຸທາຫອນໄປກ່ອນໜ້ານີ້ບໍ່ດົນ ຍ້ອນຄວາມຟ້າວຟັ່ງ ແລະ ຫິວໂຫຍ ເຮັດໃຫ້ກິນເຂົ້າຢ່າງໄວ ຈົນນໍາມາສູ່ເຫດໂສກ ແຕ່ຫຼ້າສຸດ ມີອີກແລ້ວ ລູກຊາຍຊື້ເຂົ້າໜຽວໝູປິ້ງມາໃຫ້ແມ່ກິນ ແຕ່ສຸດທ້າຍເຂົ້າໜຽວຕິດຄໍຫາຍໃຈບໍ່ໄດ້ ເຮັດໃຫ້ແມ່ເສຍຊີວິດ.

ເຮັດພາເຂົ້າໃຫ້

ເຫດການທີ່ແອັດມິນກ່າວມາຂ້າງເທິງແມ່ນເກີດຂຶ້ນເມື່ອວັນທີ  15 ສິງຫາ 2020 ທີ່ຜ່ານມາ, ຢູ່ຈັງຫວັດບູລີລໍາ ປະເທດໄທ ໂດຍແຫຼ່ງຂ່າວໃຫ້ຮູ້ວ່າ ມີຜູ້ເສຍຊີວິດ ເນື່ອງຈາກກິນເຂົ້າໜຽວແລ້ວຕິດຄໍ ເຊິ່ງເລື່ອງລາວດັ່ງກ່າວຂໍໃຫ້ເປັນອຸທາຫອນສໍາລັບຜູ້ທີ່ເບິ່ງແຍງດູແລຜູ້ສູງຕ້ອງລະມັດລະວັງໃຫ້ຫຼາຍ.

ຈາກການກວດສອບຂໍ້ມູນໃຫ້ຮູ້ຕື່ມວ່າ: ຜູ້ເສຍຊີວິດຊື່ນາງມົນທາ ອັນດີ ອາຍຸ 63 ປີ ອາດີດພະຍາບານໂຮງໝໍແຫ່ງໜຶ່ງ. ກ່ອນເກີດເຫດລູກຊາຍເລົ່າວ່າ ຕົນເອງຈະພາແມ່ໄປຮັບຢາປິ່ນປົວໂລກປະຈໍາຕົວຂອງແມ່ທີ່ໂຮງໝໍແຫ່ງໜຶ່ງໃນຈັງຫວັດບູລີລໍາ ເຊິ່ງມີໄລຍະທາງໄກເຖິງ 55 ກິໂລແມັດ, ດັ່ງນັ້ນ ຈຶ່ງພາກັນອອກເດີນທາງແຕ່ 6ໂມງເຊົ້າ.

ເຊິ່ງກ່ອນຈະອອກຈາກຕົວເມືອງ ໄດ້ແວ່ຊື້ເຂົ້າໜຽວໝູປີ້ງເພື່ອເປັນອາຫານເຊົ້າໃຫ້ແມ່ ຫຼັງຈາກນັ້ນແມ່ກໍ່ເລີ່ມກິນ ທັງກິນທັງລົມກັນໄປນໍາ ເຊິ່ງຈາກຕົນສັງເກດແມ່ກໍ່ກິນຄໍານ້ອຍ ແຕ່ເມື່ອອອກຈາກຕົວເມືອງປະມານ 5 ກິໂລແມັດ ແມ່ຕົນເລີ່ມຮາກ ຈຶ່ງແວ່ເອົານໍ້າໃຫ້ແມ່ດື່ມແລ້ວຂັບລົດຕໍ່ໄປອີກ.

ແຕ່ເມື່ອຂັບລົດໄປອີກປະມານ 3 ກິໂລແມັດ ແມ່ກໍ່ເລີ່ມມີເຂົ້າພຸ່ງອອກຈາກປາກ ຄືຈະໝົດແຮງ ຈຶ່ງຈອດລົດພະຍາຍາມເອົາເສດອາຫານອອກຈາກປາກແມ່ແຕ່ກໍ່ບໍ່ມີ ທັນໃດນັ້ນປມ່ກໍ່ໝົດສະຕິ ຈຶ່ງຍົກເອົາແມ່ມານອນໄວ້ແຄມທາງ ແລ້ວໂທເອົາລົດມາຮັບຕົວແມ່ໄປສົ່ງໂຮງໝໍ ກ່ອນແພດຈະອອກມາບອກວ່າແມ່ເສຍຊີວິດແລ້ວ ໂດຍແພດລະບຸວ່າສາເຫດການເສຍຊີວິດແມ່ນ ເກີດຈາກເສດອາຫານຕິດຫຼອດລົມ ເຮັດໃຫ້ຫາຍໃຈບໍ່ໄດ້ ຈຶ່ງຢາກຈະຝາກເຕືອນຜູ້ທີ່ມີຜູ້ສູງອາຍຸຢູ່ໃນບ້ານ ໃຫ້ລະວັງເລື່ອງອາຫານໃຫ້ດີ ເພາະເຮົາບໍ່ຮູ້ວ່າເຫດຮ້າຍແບບນີ້ມັນຈະເກີດຂື້ນເມື່ອໃດ ຫຼື ເກີດກັບໃຜອີກ.