ຢ່າເຊື່ອຄລິບຈາກອອນລາຍຫຼາຍ! ໃຊ້ເຜິ້ງດຽດປາກເພື່ອຫວັງປາກກະຈັບ ລະວັງສິ້ນລົມຫາຍໃຈບໍ່ຮູ້ໂຕ

ຢ່າເຊື່ອຄລິບຈາກອອນລາຍຫຼາຍ! ໃຊ້ເຜິ້ງດຽດປາກເພື່ອຫວັງປາກກະຈັບ ລະວັງສິ້ນລົມຫາຍໃຈບໍ່ຮູ້ໂຕ

17th August 2020 0 By Education

ເອົາແຕ່ຊິເປັນໄປເນາະຄົນສະໄໝນີ້ ເມື່ອມີຄວາມຢາກ ສິ່ງໃດກໍ່ກ້າເຮັດໄປໝົດ ບໍ່ເວັ້ນແມ້ແຕ່ແນວທີ່ມັນອັນຕະລາຍຕໍ່ຊີວິດຂອງຕົນເອງ ດັ່ງກໍລະນີທີ່ແອັດກໍາລັງນໍາມາເຕືອນເປັນອຸທາຫອນນີ້ ສາວຫວັງຢາກງາມ ບໍ່ຮູ້ວ່າຍ້ອນຄວາມບໍ່ຮູ້ຫຼື ຮູ້ປຕ່ຍອມສ່ຽງເພື່ອຄວາມງາມ ຈັບເຜິ້ງມາດຽດປາກໃຫ້ເປັນປາກກະຈັບ ສຸດທ້າຍກະຈັບສົມໃຈອີຫຼີສົບພອງຈົນເຫວີ.

ຢາກງາມຕ້ອງສຶກສາໃຫ້ດີ(ພາບນີ້ເປັນພຽງພາບປະກອບຂ່າວເທົ່ານັ້ນ)

ເລື່ອງທີ່ແອັດກ່າວມາຂ້າງເທິງແມ່ນມາຈາກເຟສບຸກໝໍແລັບແພນດ້າ ໝໍດັງໃນໂລກອອນລາຍຂອງປະເທດໄທທີ່ໄດ້ໂພສເຕືອນ ຫຼັງມີຄລິບສອນເຮັດປາກກະຈັບ ດ້ວຍການເອົາເຜີ້ງມາດຽດປາກ ໂດຍລະບຸວ່າ ຢ່າເຮັເນື່ອງຈາກເຫຼັກໃນຂອງເຜິ້ງມີພິດ ເປັນພວກໂປຣຕີນ ແລະ ສານອິນຊີຫຼາຍຊະນິດ ດຽດປຸບຈະເຮັດໃຫ້ເຈັບປວດ ເກີດການແພ້ ປວດ, ບວມບໍລິເວນທີ່ຖືກດຽດ, ຖ້າຖືກດຽດຄວນຮີບເອົາເຫຼັກໃນອອກໃຫ້ໄວທີ່ສຸດ ເພາະກ້າມເນື້ອທີ່ຢູ່ຕິດກັບເຫຼັກໃນມັນຈະຍັງບີບຕົວຢູ່ ເຮັດໃຫ້ຂັບຜິດເຂົ້າສູ່ຜິວໜັງຢ່າງຕໍ່ເນື່ອງ.

ໝໍແລັບແພນດ້າ ໝໍຊື່ດັງ ຊາວເນັດຮູ້ຈັກກັນດີກັບໝໍທີ່ມີຂອບຕາດໍາຄືແພນດ້າ

ແລະ ທີ່ສໍາຄັນແຕ່ລະຄົນມີອາການບໍ່ຄືກັນ ບາງຄົນອາດຈະແພ້ຮຸນແຮງ ເປັນລົມພິດທັງຕົວ ປາກບວມ ເປັນຮູບກະຈັບຄືກັນ ແຕ່ເປັນກະຈັບນັກມວຍ ນອກຈາກປາກບວມແລ້ວ ຍັງຫາຍໃຈຕິດຂັດ ອາດເສຍຊີວິດໄດ້ເລີຍ, ຖ້າໃຜມີອາການຮຸນແຮງແບບນີ້ ໃຫ້ຮີບໄປພົບທ່ານໝໍໂດຍດ່ວນ ບໍ່ດັ່ງນັ້ນທ່ານອາດໂຊກຮ້າຍເຖິງຂັ້ນເສຍຊີວິດໄດ້.

ແນວໃດກໍ່ຕາມ ແອັດມິນ ຂໍເປັນກະບອກສຽງບອກຕໍ່ ໃຫ້ທຸກຄົນນໍາເລື່ອງລາວດັ່ງກ່າວແຊບອກຕໍ່ໝູ່ເພື່ອນ ຫຼື ສັງຄົມກໍ່ໄດ້ ຢ່າຫວັງງາມທາງລັດ ເພາະມັນຈະນໍາໂທດມາສູ່ຕົວທ່ານເອງ.