ລັກຢູ່ລັກກິນບໍ່ກຸ້ມດົນ! ເຈົ້າໜ້າທີ່ສົ່ງຄົນໄທກັບປະເທດ ຫຼັງລັກລອບສ້າງຄອບຄົວກັບຄົນລາວແບບຜິດກົດໝາຍ

ລັກຢູ່ລັກກິນບໍ່ກຸ້ມດົນ! ເຈົ້າໜ້າທີ່ສົ່ງຄົນໄທກັບປະເທດ ຫຼັງລັກລອບສ້າງຄອບຄົວກັບຄົນລາວແບບຜິດກົດໝາຍ

1st September 2020 1 By Education

ເວົ້າເລື່ອງຄວາມຮັກ ມັນເປັນເລື່ອງທີ່ບໍ່ສາມາດບັງຄັບ ຫຼື ຄວບຄຸມໄດ້ ທີ່ສໍາຄັນຕອນນີ້ໂລກເປີດກ້ວາງບໍ່ຈໍາກັດເພດໄວ ຫຼື ເຊື້ອຊາດໃດໆ ແຕ່ທັງໝົດທັງມວນກໍຕ້ອງຢູ່ພາຍໃຕ້ກົດໝາຍບ້ານເມືອງຂອງປະເທດນັ້ນໆ ເຮັດທຸກຢ່າງໃຫ້ຖືກຕ້ອງຕາມປະເພນີແລ້ວ ສິ່ ສໍາຄັນ ກໍ່ຕ້ອງໃຫ້ຖືກຕ້ອງຕາມກົດໝາຍ ບໍ່ແມ່ນລັກຢູ່ລັກກິນ ບໍ່ດັ່ງນັ້ນ ຜົນສຸດທ້າຍອາດຕ້ອງແຍກທາງຕ່າງຝ່າຍຕ່າງເສຍໃຈ ຄືກັບກໍລະນີຕົວຢ່າງທີ່ແອັດມິນກໍາລັງຈະກ່າວເຖິງນີ້.

ສົ່ງກັບປະເທດກ່ອນ

ກໍລະນີທີ່ແອັດກໍາລັງຈະເວົ້າເຖິງນີ້ແມ່ນ ບ່າວຄົນໄທ ລັກລອບມາສ້າງຄອບຄົວກັບສາວລາວແບບຜິດກົດໝາຍ ຫຼ້າສຸດເຈົ້າໜ້າທີ່ຈັບຕົວໄດ້ ພ້ອມຈັດສົ່ງກັບຄືນປະເທດ ໂດຍຕອນເຊົ້າ​ ວັນທີ​ 31 ​ສິງຫາ​ 2020 ນີ້,​ ພະແນກຄຸ້ມຄອງຄົນຕ່າງປະເທດ ຫ້ອງສັນຕິບານ​ ​ປກສ​ ແຂວງ​ ສົມທົບກັບ​ ດ່ານ​ຕມ​ ສາກົນປາກຊັນ ຈັດພິທີມອບ-ຮັບ​ ຜູ້ຖືກຫາ​ ກັບຄືນປະເທດ​​ຊື່​ ທ້າວ ມາລຸດ ສິດທິຍາ ອາຍຸ​ 38 ປີ,​ ອາຊີບ​ ຊາວນາ, ​ປັດຈຸບັນຢູ່ບ້ານ​ ໂພນແພງ,​ ເມືອງ​ ວານອນ ແຂວງ​ ສະກົນນະຄອນ,​ ເປັນຄົນເຊື້ອຊາດ-ສັນຊາດ​ ​ໄທ,​ ກັບຄືນປະເທດ.

ໃນຂໍ້ຫາລັກສ້າງຄອບຄົວກັບຄົນລາວທີ່ຜິດຕໍ່ດໍາລັດ​ ເລກທີ​ 198/ນຍ ລົງວັນທີ 19​ ທັນວາ 1994 ວ່າດ້ວຍການແຕ່ງດອງລະຫວ່າງພົນລະເມືອງລາວກັບຄົນຕ່າງປະເທດ ເພື່ອມອບໃຫ້ເຈົ້າໜ້າທີ່ດ່ານ ຕມ​ ສາກົນ​ບືງການ​ ນໍາຕົວຜູ້ກ່ຽວໄປສືກສາອົບຮົມ ແລະ​ ປະກອບເອກະສານຂໍແຕ່ງດອງໃຫ້ຖືກຕ້ອງຕາມລະບຽບກົດໝາຍຂອງສອງປະເທດ.​

ທີ່ມາ: ປກສ ບໍລິຄໍາໄຊ