ດ່ວນ! ເຈົ້າແຂວງວຽງຈັນ ສັ່ງປິດຖາວອນຮ້ານອາຫານຄຮາດຊິກ(ຮ້ານຟຸ່ຍ) ຫຼັງລະເມີດລະບຽບຮ້າຍແຮງ

ດ່ວນ! ເຈົ້າແຂວງວຽງຈັນ ສັ່ງປິດຖາວອນຮ້ານອາຫານຄຮາດຊິກ(ຮ້ານຟຸ່ຍ) ຫຼັງລະເມີດລະບຽບຮ້າຍແຮງ

1st September 2020 0 By Education

ຖືເປັນອີກບົດຮຽນອັນໃຫຍ່ ໃຫ້ກັບບັນດາຮ້ານອາຫານ ຫຼື ຮ້ານກິນດື່ມຕ່າງໆ ການເຮັດທຸລະກິດໃດໜຶ່ງຕ້ອງມີຄວາມຖືກຕ້ອງ ສອດຄ່ອງກັບລະບຽບກົດໝາຍທີ່ພາກສ່ວນກ່ຽວຂ້ອງໄດ້ກໍານົດ ຫຼື ຕັ້ງໄວ້ ບໍ່ດັ່ງນັ້ນ ອະນາຄົດດ້ານທຸລະກິດຂອງທ່ານອາດບໍ່ສົດໃສດັ່ງຮ້ານອາຫານແຫ່ງນີ້.

ສັ່ງປິດທັນທີ ຫຼັງລະເມີດລະບຽບ

ຮ້ານອາຫານທີ່ແອັດກ່າວມາຂ້າງເທິງ ແມ່ນຊື່ວ່າຮ້ານຄຣາດຊິກ ຫຼື ຮ້ານຟຸ່ຍ ເຊິ່ງຖືກສັ່ງປິດແບບຖາວອນ ເນື່ອງຈາກເຄື່ອນໄຫວບໍ່ສອດຄ່ອງກັບລະບຽບການຂອງຂະແໜງການກ່ຽວຂ້ອງ.

ເບິ່ງໄວ້ເປັນບົດຮຽນ

ອີງຕາມຄໍາສັ່ງຂອງເຈົ້າແຂວງວຽງຈັນ ວ່າດ້ວຍການປິດກິດຈະການຮ້ານອາຫານຄຣາດຊິກ(ຮ້ານຟຸ່ຍ) ຢູ່ບ້ານນາຍາງ ເມືອງໂພນໂຮງແຂວງວຽງຈັນ; ສະບັບເລກທີ 010/ຈຂວຈ, ລົງວັນທີ 14 ສິງຫາ 2020 ໄດ້ມີຄໍາສັ່ງໃຫ້ ປິດກິດຈະການຂອງຮ້ານອາຫານ ຄຣາດຊິກ (ຮ້ານຟຸ່ຍ)ຢູ່ບ້ານນາຍາງເມືອງໂພນໂຮງແຂວງວຽງຈັນຢ່າງຖາວອນ ເນື່ອງຈາກວ່າຮ້ານດັ່ງກ່າວເຄື່ອນໄຫວບໍ່ສອດຄ່ອງກັບລະບຽບການ ຂອງຂະແໜງການທີ່ກ່ຽວຂ້ອງ. ດັ່ງນັ້ນ ມອບໃຫ້ພະແນກ ຖວທ, ເມືອງໂພນໂຮງ, ເຈົ້າໜ້າທີ່ ປກສ ແລະ ພາກສ່ວນທີ່ກ່ຽວຂ້ອງຈັດຕັ້ງປະຕິບັດຕາມຄໍາສັ່ງນີ້ ຢ່າງເຂັ້ມງວດ.