ຖາມຫາຄວາມຈິງ! ເຮັດເກີນໄປບໍ່? ລັອກກະແຈວັດ ພ້ອມມີກອງຫຼອນບ້ານ ແລະ ທະຫານເຝົ້າບໍ່ຫ່າງ

ຖາມຫາຄວາມຈິງ! ເຮັດເກີນໄປບໍ່? ລັອກກະແຈວັດ ພ້ອມມີກອງຫຼອນບ້ານ ແລະ ທະຫານເຝົ້າບໍ່ຫ່າງ

2nd September 2020 0 By Education

ໃນຕອນເຊົ້າຂອງມື້ນີ້ ວັນທີ 2 ກັນຍາ 2020 ໃນໂລກອອນລາຍ ໄດ້ມີການແຊຄຫຼິບເຫດການທີ່ວັດແຫ່ງໜຶ່ງ ຖືກລັອກປະຕູ ບໍ່ໃຫ້ມີການເຂົ້າອອກ ພ້ອມໜ້າວັດມີກອງຫຼອນບ້ານ, ເຈົ້າໜ້າທີ່ ແລະ ທະຫານຢືນເຝົ້າ ຈໍານວນຫຼາຍ, ເຊິ່ງຫຼັງຈາກຄລິບນີ້ກະຈາຍອອກໄປກໍ່ມີສຽງວິພາກວິຈານຈາກຊາວເນັດໄປຕ່າງໆນາໆ ເຊິ່ງທຸກຄົນລ້ວນຖາມຫາຄວາມຈິງຈາກເລື່ອງນີ້ ວ່າມັນເກີດຫຍັງຂຶ້ນແທ້.

ໃນຄລິບທີ່ມີການແຊນັ້ນ ຜູ້ໂພສຄລິບໃສ່ຊື່ວ່າ ທໍາດີຊີວິດກໍ່ດີ ອິທິປັນໂຢ ໂດຍຜູ້ກ່ຽວໄດ້ລະບຸກ່ຽວກັບເຫດການໄວ້ວ່າ: ແຈ້ງເດີເຖິງບັນທ່ານພໍ່ແມ່ປະຊາຊົນທຸກຄົນເລື່ອງການກະທຳທີ່ບໍ່ໍເໝາະສົມໃນສັງຄົມລາວທີການຈັດຕັ້ງບ້ານເມືອງອ້າງອຳນາດຂັ້ນເທິງມາປິດວັດໃຫຍ່ໜອງພະຍາໂດຍໃສ່ກະແຈປິດປະຕູວັດບໍ່ໃຫ້ພໍ່ແມ່ປະຊາຊົນເຮັດບຸນແລະກັກຂັງພຣະເນນພາຍໃນວັດບໍ່ໃຫ້ໄດ້ກິນເຂົ້າກິນນຳ້ກັນແລ້ວເຮັດແນວໃດນໍ ຄັນວ່າຂັ້ນເທິງສູງສຸດໃຜກໍ່ຕາມຖ້າມີຄວາມຖືກຕ້ອງຢູ່ໃນປະເທດຊາດ ຫຼື ຕ່າງປະເທດກໍ່ໃຫ້ຄວາມເປັນທຳກັບເລື່ອງສິດທິມະນຸດໃຫ້ແດ່ ດຽວນີ້ວັດໃຫຍ່ໜອງພະຍາບໍ່ແມ່ນວັດແລ້ວເປັນຄຸກແລ້ວເດີພີ່ນ້ອງເອີຍຕາຍໆພຣະເນນແລະປະຊາຊົນເຮົາ.

ຕໍ່ກັບເລື່ອງລາວດັ່ງກ່າວ ແອັດກໍ່ບໍ່ລໍຊ້າ ໄດ້ໄປຫາຂໍ້ມູນເພື່ອໄຂຂໍ້ຂ້ອງໃຈໃຫ້ກັບທຸກທ່ານ ເຊິ່ງສິ່ງທີ່ແອັດໄດ້ມາແມ່ນ ຂໍ້ຕົກລົງຂອງເຈົ້າຄະນະນະຄອນຫຼວງ ສະບັບເລກທີ 028/ອພສ.ນວ, ລົງວັນທີ 24 ສິງຫາ 2020 ໂດຍໄດ້ຕົກລົງເຫັນດີໃຫ້ ພະອາຈານ ສົມປອງ ທອງພຽນ ຍ້າຍອອກຈາກວັດນອງພະຍາຢ່າງຊ້າບໍ່ເກີນ 30 ສິງຫາ 2020; ໃຫ້ອົງການພຸດທະສາສະໜາສໍາພັນລາວ ເມືອງໄຊທານີ ສົມທົບກັບຫ້ອງວ່າການເມືອງ ແນວລາວສ້າງຊາດເມືອງ, ຫ້ອງການພາຍໃນເມືອງ ແລະ ອົງການປົກຄອງບ້ານໜອງພະຍາ ພ້ອມກັນກວດກາເຄື່ອງໃຊ້ທີ່ເປັນສ່ວນຕົວ ພ້ອມເຮັດບົດບັນທຶກ ມອບໃຫ້ຄະນະສົງວັດໜອງພະຍາ ແລະ ຜູ້ກ່ຽວໄວ້ເພື່ອເປັນຫຼັກຖານ.

ຖ້າພະອາຈານ ສົມປອງ ທອງພຽນ ຍັງບໍ່ປະຕິບັດຕາມ ຖືວ່າບໍ່ໃຫ້ຄວາມເຄົາລົບອົງການຈັດຕັ້ງຂອງຄະນະສົງ ຈຶ່ງຂໍມອບໃຫ້ອໍານາດການປົກຄອງ, ເຈົ້າໜ້າທີ່ຝ່າຍບ້ານເມືອງ ແລະ ການຈັດຕັ້ງທີ່ກ່ຽວຂ້ອງໄດ້ດໍາເນີນໄປຕາມລະບຽບກົດໝາຍ. ພ້ອມນີ້ ກອງປະຊຸມຕົກລົງເຫັນດີໃຫ້ວັດໜອງພະຍາຢູ່ໃນການຄຸ້ມຄອງຂອງຄະນະ ອພສ ນະຄອນຫຼວງວຽງຈັນ ໄປຈົນກວ່າຈະມີການແຕ່ງຕັ້ງເຈົ້າອະທິການວັດຢ່າງເປັນທາງການ ພາຍໃຕ້ການຕົກລົງເຫັນດີ ເປັນເອກະພາບຂອງພາກສ່ວນທີ່ກ່ຽວຂ້ອງ.

ແນວໃດກໍ່ຕາມ ເລື່ອງລາວດັ່ງກ່າວຍັງບໍ່ມີຂໍ້ມູນຊັດເຈນ ວ່າເກີດຫຍັງຂຶ້ນກັບວັດແຫ່ງນີ້ກັນແທ້ ເປັນຫຍັງຈຶ່ງຕ້ອງມີການຍ້າຍພະອອກຈາກວັດໜອງພະຍາ ແລະ ມື້ນີ້ເປັນຫຍັງຕ້ອງມີການໃສ່ກະແຈລັອກປະຕູວັດ ພ້ອມມີກອງຫຼອນມາຍາມ ມັນຍັງເປັນຄໍາຖາມທີ່ບໍ່ມີຄໍາຕອບເທື່ອ.

ມີຄລິບ