ໜ້າສົງສານ! ແມ່ຕູ້ສູນເສຍລູກຊາຍ ສັງຄົມແຫ່ຊ່ວຍເຫຼືອ ແຕ່ບໍ່ທັນໄດ້ໃຊ້ເງິນກໍ່ເສຍຊີວິດຕາມລູກໄປກ່ອນ

ໜ້າສົງສານ! ແມ່ຕູ້ສູນເສຍລູກຊາຍ ສັງຄົມແຫ່ຊ່ວຍເຫຼືອ ແຕ່ບໍ່ທັນໄດ້ໃຊ້ເງິນກໍ່ເສຍຊີວິດຕາມລູກໄປກ່ອນ

2nd September 2020 0 By Education

ເວົ້າເລື່ອງເງິນຄໍາກໍາແກ້ວ ມັນບໍ່ເຂົ້າໃຜອອກໃຜອີຫຼີ ບາງຄົນເສຍຄົນຮັກຄົນແພງຍ້ອນທຸກຍາກ ບາງຄົນໄດ້ພີ່ນ້ອງປ້ອງປາຍເພື່ອນຝູງຍ້ອນຄວາມຮັ່ງມີ, ບາງຄົນຕອນທຸກໃຜກໍເບິ່ງຂ້າມ ບໍ່ໃຫ້ຄວາມຊ່ວຍເຫຼືອ ແມ້ກະທັ້ງຍາດພີ່ນ້ອງຮ່ວມສາຍເລືອດ ແຕ່ພໍມີເງິນກໍ່ມີຄົນຫຼັ່ງໄຫຼເຂົ້າຫາບໍ່ຂາດສາຍ.

ດັ່ງແມ່ຕູ້ຄົນນີ້ທີ່ທຸກຍາກຂາດເຂີນ ໃຊ້ຊີວິດຢູ່ຕູບນ້ອຍໆ 2 ຄົນກັບລູກຊາຍພິການ ຕ້ອງອົດມື້ກິນມື້ ຈົນເກີດອຸບັດເຫດໃຫ້ສູນເສຍຜູ້ເປັນລູກ, ສັງຄົມສຸດສົງສານ ແຫ່ໃຫ້ຄວາມຊ່ວຍເຫຼືອ ໄດ້ເງິນບໍລິຈາກເຖິງ 2ລ້ານບາດ, ແຕ່ແມ່ຕູ້ຂວັນຍັງບໍ່ທັນໄດ້ໃຊ້ເງິນພໍກີບ ກໍ່ສິ້ນໃຈດ່ວນຈາກໄປກ່ອນ, ຫຼັງຈາກນັ້ນບໍ່ດົນກໍ່ມີພີ່ນ້ອງມາຖາມທວງຫາຈໍານວນຫຼາຍ ອ້າງເປັນຄົນໃນຄອບຄົວເພື່ອຈະມາດູແລຊັບສົມບັດກໍ່ຄືເງິນ 2ລ້ານບາດທີ່ແມ່ຕູ້ໄດ້ຮັບ.

ເລື່ອງລາວດັ່ງກ່າວແມ່ນເກີດຂຶ້ນຢູ່ປະເທດໄທ ອໍາເພີ ນາງຣອງ ຈັງຫວັດບຸຣີຣຳ ໂດຍກູ້ໄພຈັງຫວັດດັ່ງກ່າວເຜີຍໃຫ້ຮູ້ວ່າ: ແມ່ຕູ້ມີລູກຊາຍພິການ ຍອດກະຕັນຍູ ຍອມອົດເຂົ້າ 3 ມື້ເພື່ອໃຫ້ແມ່ຜູ້ແກ່ຊະລາແລ້ວໄດ້ອີ່ທ້ອງ ຈົນຕົນເອງໝົດແຮງເປັນລົມຈົມຖັງນໍ້າໃຫ້ຫ້ອງນໍ້າ ເສຍຊີວິດໄປເມື່ອເດືອນຕຸລາ 2019 ເຊິ່ງຜູ້ເປັນແມ່ບໍ່ມີເງິນພໍກີບທີ່ຈະຊື້ໂລງໃຫ້ລູກ ຕ້ອງໄດ້ໄປຂໍນໍາເຈົ້າໜ້າທີ່ກູ້ໄພ.

ໂດຍແມ່ຕ້ຂວນ ເພັງພະເນົາ ມີອາຍຸໄດ້​ 68ປີ ມີລູກ 2ຄົນ ຜູ້ລູກສາວກົກໄປເຮັດວຽກຢູ່ຕ່າງແຂວງ ບໍ່ໄດ້ຕິດຕໍ່ມາດົນແລ້ວ ຕົນເອງໄດ້ອາໄສຢູ່ກັບລູກຊາຍພິການຊື່ ສົມຊາຍ ອາຍຸ 42ປີ. ຕະຫຼອດມາ ລູກຊາຍຂອງແມ່ຕູ້ຮູ້ມາໂດຍຕະຫຼອດວ່າເງິນທີ່ໄດ້ມາມັນບໍ່ພຽງພໍ ຊ່ວງທ້າຍເດືອນກໍ່ຈະບໍ່ມີເຂົ້າສານກິນ ຕ້ອງອົດມື້ກິນມື້ ຈຶ່ງບໍ່ຍອມກິຍເຂົ້າ ເພື່ອໃຫ້ແມ່ຜູ້ແກ່ຊະລາໄດ້ອີ່ມທ້ອງ ກ່ອນທີ່ຕົນເອງຈະໝົດແຮງ ຄານເຂົ້າຫ້ອງນໍ້າ ເປັນລົມຫົວຈົມຖັງພລາສຕິກ ເຈົ້າໜ້າທີ່ອາສາກູ້ໄພ ຈຶ່ງຕັດສິນໃຈ ອາສາຈັດພິທີໃຫ້ແບບຟຣີໆ ແລະ ເປີດຮັບບໍລິຈາກ ເພື່ອໃຫ້ແມ່ຕູ້ ມີບັ້ນປາຍຊີວິດທີ່ດີ.

ກະທັ້ງມີຜູ້ໃຈບຸນເຂົ້າມາບໍລິຈາກຫຼາຍກວ່າ 2ລ້ານບາດ ໂດຍເອົາປື້ມບັນຊີໄປເກັບຮັກສາໄວ້ທີ່ອໍາເພີ ມີຜູ້ເປັນຫຼັກຖານພະຍານ ແລະ ລີສລາຍຈ່າຍເງິນທຸກກີບທຸກໝັນ. ແມ່ຕູ້ໃຊ້ເງິນໃນການສ້າງເຮືອນໝົດໄປ 5ແສນ ແຕ່ໂຊກຮ້າຍບໍ່ທັນໄດ້ເຂົ້າຢູ່ເຮືອນຊໍ້າກັບໃມາສິ້ນໃຈເສຍຊີວິດກ່ອນ ແລະ ຍັງມີເງິນເຫຼືອ 1,5ລ້ານບາດ

ຫຼ້າສຸດ ເມື່ອອາທິດທີ່ຜ່ານມາຕມີຕູ້ມີພີ່ນ້ອງແລ້ວ ໂດຍອ້າງວ່າຕົນເປັນນ້ອງຂອງແມ່ຕູ້ຈໍານວນ 6ຄົນ ໄດ້ຍື່ນເລື່ອງຕໍ່ສານ ພ້ອມແຕ່ງຕັ້ງຜູ້ຈັດການມໍລດົກດູແລເງິນທີ່ຜູ້ໃຈບຸນຮ່ວມກັນບໍລິຈາກໃຫ້ແມ່ຕູ້ ແລະ ໄດ້ນໍາຄໍາຕັດສິນຂອງສານ ໄດ້ນໍາຄໍາຕັດສິນຂອງສານ ມາຂໍເບີກເງິນຈໍານວນ 1,5ລ້ານບາດ ອອກຈາທະນາຄານ ນໍາໄປແບ່ງກັນເປັນທີ່ຮຽບຮ້ອຍແລ້ວ. ໂດຍທັງ 6ຄົນ ມີນ້ອງສາແທ້ໆ ຂອງແມ່ຕູ້ພຽງ 1ຄົນ ທີ່ເຫຼືອ 5ຄົນ ເປັນຄົນຊ່ວຍແລ່ນເຕັ້ນເລື່ອງນີ້ໃຫ້ໂດຍບໍ່ແມ່ນພີ່ນ້ອງແຕ່ຢ່າງໃດ

ແຫຼ່ງທີ່ມາ: tnews.co.th , thailandstack.com