ອ່ານດ່ວນ! ລາຍລະອຽດເພີ່ມເຕີມ ການໄປເຝິກອົບຮົມທາງລົດໄຟຢູ່ ສປ ຈີນ

ອ່ານດ່ວນ! ລາຍລະອຽດເພີ່ມເຕີມ ການໄປເຝິກອົບຮົມທາງລົດໄຟຢູ່ ສປ ຈີນ

16th January 2020 0 By Education

ແອັດເຄີຍນໍາສະເໜີໄປກ່ອນໜ້ານີ້ແລ້ວກ່ຽວກັບການນໍາເອົາຄົນລາວຈໍານວນ 600ຄົນ ໄປເຝິກອົບຮົມກ່ຽວກັບທາງລົດໄຟ ຢູ່ ສປ ຈີນ, ເຊິ່ງມື້ນີ້ມີຂໍ້ມູນມາອັບເດດເພີ່ມຕື່ມ ເປັນຕົ້ນແມ່ນຕົວເລກດັ່ງກ່າວມຸ່ງໃສ່ກຸ່ມຄົນໃດ ແລະ ຕ້ອງມີເງື່ອນໄຂແນວໃດແດ່ ໂດຍມີລ່ຍລະອຽດຕາມລຸ່ມນີ້.

ທ່ານ ໜູພັນ ອຸດສາ, ຫົວໜ້າກົມ ເຕັກນິກ ວິຊາຊີບ ກະຊວງສຶກສາ ແລະ ກິລາ ກ່າວວ່າ ເງື່ອນໄຂພື້ນຖານຂອງຜູ້ສະໝັກ ແມ່ນຕ້ອງສາມາດ ເວົ້າພາສາຈີນ ຂັ້ນພື້ນຖານໄດ້, ມີລະດັບການສຶກສາຂັ້ນວິທະຍາໄລຂຶ້ນໄປ, ໂດຍສະເພາະຜູ້ທີ່ຮຽນໃນສາຂາ ວິສະວະກໍາສາດ, ສ່ວນສາຂາທັກສະອື່ນໆທີ່ຕ້ອງການ ລວມມີ ເຕັກນິກ ຊ່າງໄຟຟ້າ, ການຄຸ້ມຄອງການຂົນສົ່ງ ແລະ ການສ້ອມແປງກົນຈັກ.

ຕາມແຜນ ແມ່ນຈະມີການຮັບສະໝັກ ຄົນລາວທັງໝົດ 600 ຄົນ ເພື່ອສົ່ງໄປຝຶກອົບຮົມທີ່ ສປ ຈີນ ໂດຍແບ່ງອອກເປັນ 3 ໄລຍະ. ລາຍລະອຽດ ແລະ ປະກາດ ກ່ຽວກັບການຮັບສະໝັກ ແມ່ນຈະໄດ້ເລີ້ມປະກາດ ໃນເດືອນກຸມພາ 2020 ຢູ່ທີ່ ເວັບໄຊທ໌ : www.lcrc.ltd ຫຼື ທ່ານສາມາດຕິດຕາມລາຍລະອຽດໄດ້ທີ່ ເຟສບຸກເພສ:​ Lao China Railway Company.

ໃນໄລຍະທໍາອິດ ແມ່ນຈະໄດ້ຈັດສົ່ງຄົນລາວ ໄປຮຽນຢູ່ ເມືອງ ຂຸນມິງ ສປ ຈີນ ຈໍານວນ 200 ຄົນ ໃນໄລຍະເດືອນມີນາ ຫຼື ເດືອນເມສາ ໂດຍຈະໃຊ້ເວລາຮຽນທັງໝົດ 15-18 ເດືອນ.

ຂໍ້ມູນຈາກ: ໜັງສືພິມ ວຽງຈັນທາຍ