ເປັນຫູເປັນຕາຊ່ວຍກັນ! ເຈົ້າໜ້າທີ່ແຈ້ງຕາມລ່າໂຈນ ໃຊ້ມີດກໍ່ເຫດທໍາຮ້າຍ 3ຄົນ ບາດເຈັບສາຫັດ ທີ່ເມືອງນາໝໍ້

ເປັນຫູເປັນຕາຊ່ວຍກັນ! ເຈົ້າໜ້າທີ່ແຈ້ງຕາມລ່າໂຈນ ໃຊ້ມີດກໍ່ເຫດທໍາຮ້າຍ 3ຄົນ ບາດເຈັບສາຫັດ ທີ່ເມືອງນາໝໍ້

4th September 2020 0 By Education

ລາຍງານຈາກ ປກສ ເມືອງນາໝໍ້ ແຂວງອຸດົມໄຊ ໃຫ້ຮູ້ວ່າ ໃນເວລາ 00:11 ນາທີ ວັນນທີ 1 ກັນຍາ 2020 ປກສ ເມືອງນາໝໍ້ ໄດ້ຮັບການລາຍງານທາງໂທລະສັບ ຈາກ ສະຫາຍ ຮທ ຄໍາແກ້ວ ທູນປະເສີດ ຮັກສາການ ຫົວໜ້າ ປກສ ກຸ່ມບ້ານປາງທອງ ວ່າໄດ້ມີເຫດການທໍາຮ້າຍຮ່າງກາຍກັນເກີດຂຶ້ນ ໂດຍມີຜູ້ບາດເຈັບສາຫັດ 3ຄົນ.

ໂດຍເຫດການມີດັ່ງນີ້ ທ້າວ ຈາຍ ອາຍຸ 28 ປີ ອາຊີບປະຊາຊົນ ບ້ານນໍ້າແດງກາງ, ເມືອງນໍ້າທາ, ແຂວງຫຼວງນໍ້າທາ ໃຊ້ອມີດທໍາຮ້າຍ ທ້າວກຣະ ອາຍຸ 59 ປີ ອາຊີບຊາວນາ ບ້ານຫ້ວຍຊາງ ເມືອງນາໝໍ້ ແຂວງອຸດົມໄຊ, ຖືກທ້ອງ ເບື້ອງຊ້າຍ ເຈັບສາຫັດ. ພາຍຫຼັງກໍ່ເຫດທໍາຮ້າຍທ້າວກຣະ ແລ້ວ ກໍ່ໄດ້ໃຊ້ມີດດັ່ງກ່າວ ທໍາຮ້າຍ ທ້າວອ່ອງ ອາຍຸ 33 ປີ ອາຊີບຊາວນາ ບ້ານຫ້ວຍຊາງ ເມືອງນາໝໍ້ ແຂວງອຸດົມໄຊ ເຈັບສາຫັດ ບາດເຈັບສາຫັດອີກຄົນ. ຫຼັງຈາກນັ້ນ ກໍ່ທໍາຮ້າຍ ທ້າວບຸນມີ ອາຍຸ 25 ປີ ອາຊີບ ຊາວນາ ບ້ານຫ້ວຍຊາງ ເມືອງນາໝໍ້ ແຂວງອຸດົມໄຊ ບາດເຈັບສາຫັດອີກຄົນ.

ເມື່ອທາງ ປກສ ເມືອງນາໝໍ້ ຈິ່ງໄດ້ລົງກວດສອບທີ່ເກີດເຫດ ເພືືອເກັບກັນຂໍ້ມູນ ແລະ ສັນນະສູດ, ເຫັນວ່າມີມູນຄວາມຈິງແທ້ ຈິ່ງນໍາເອົາຄົນເຈັບທັງສາມ ໄປປິ່ນປົວ, ສ່ວນຜູ່ກໍ່ເຫດ ແມ່ນເອົາຕົວຫຼົບໜີ ແລະ ເຈົ້າໜ້າທີ່ແມ່ນໄດ້ປະກາດຕາມຈັບຕົວ ມາດໍາເນີນຄະດີຕາມຂັ້ນຕອນຂອງກົດໝາຍ, ສ່ວນສາເຫດ ແລະ ແຮງຈູງໃຈຂອງການກໍ່ເຫດຄັ້ງນີ້ ແມ່ນບໍ່ທັນຮູ້ເທື່ອ, ຈະແຈ້ງໃຫ້ຊາບພາຍຫຼັງ.