ເປັນໄປແລ້ວ! ຕໍາຫຼວດລົງມືເປັນພໍ່ຄ້າສິ່ງຜິດກົດໝາຍດ້ວຍຕົນເອງ

ເປັນໄປແລ້ວ! ຕໍາຫຼວດລົງມືເປັນພໍ່ຄ້າສິ່ງຜິດກົດໝາຍດ້ວຍຕົນເອງ

4th September 2020 0 By Education

ສັງຄົມນີ້ຢູ່ຍາກຂຶ້ນນັບມື້ ຜູ້ທີ່ຂຶ້ນຊື່ວ່າເປັນຜູ້ປະຕິບັດກົດໝາຍ ກັບມາເຮັດຜິດເອງ ແຖມເປັນຄະດີຮ້າຍແຮງ ຄ້າຂາຍສິ່ງທີ່ບໍ່ດີ ອັນຈະພາປະເທດຊາດບ້ານເມືອງໄປສູ່ຈຸດຕໍ່າສຸດ. ການທີ່ໄດ້ເປັນບຸກຄົນທີ່ຖືກຍົກຍ້ອງສັນລະເສີນ ເປັນຜູ້ຜະດຸງຄວາມຍຸຕິທໍາ ປາບປາມສິ່ງຊົ່ວຮ້າຍ ຫຼື ອະບາຍຍະມຸກຕ່າງໆ ກັບມາເປັນຂົວຕໍ່ ເປັນຜູ້ນໍາພາເອົາສິ່ງບໍ່ດີເຫຼົ່ານັ້ນເຂົ້າມາກະຈາຍໃນປະເທດຂອງຕົນ ຄົນປະເພດນີ້ ສົມຄວນໄດ້ຮັບການປະນາມຈາກສັງຄົມ.

ເຈົ້າຫນ້າທີ່ ຕຳຫລວດ ປກສ ເມືອງຫາດຊາຍຟອງ ສະແດງຜົນງານລໍ້ຊື້ສິ່ງຜິດກົດໝາຍ ສາມາດຈັບຜູ້ຖືກຫາ ໄດ້ 1 ຄົນ ເຊີ່ງເປັນຕຳຫລວດ ໄດ້ຊັ້ນໃຫຍາ່ເຖິງພັນໂທ.

ຕາມການໃຫ້ຂໍ້ມູນຂອງປກສ ເມືອງ ຫາດຊາຍຟອງ ໄດ້ມີການຕິດຕາມພຶດຕິກຳຂອງຜູ້ຖືກຫາລາຍນີ້ ເຊີ່ງຜູ້ກ່ຽວຊື່ວ່າ ວັນນະເລດ ອາຍຸ 49 ປີ ເປັນເຈົ້າຫນ້າທີ່ຕຳຫລວດ ຊັ້ນພັນໂທ ພົວພັນກັບສິ່ງຜິດກົດໝາຍ ເຈົ້າຫນ້າທີ່ໄດ້ຂໍ້ມູນຈາກແຫ່ລງຂ່າວຫລັງຈາກນັ້ນຈຶ່ງໄດ້ຈັດກຳລັງເຂົ້າຈັບກຸມຕົວ ຢູ່ບ້ານດົງໂພນແຮ່ ເມືອງຫາດຊາຍຟອງ ນະຄອນຫລວງວຽງຈັນ ໃນຄັ້ງວັນທີ 31 ສິງຫາ 2020 ເວລາ 15:00.

ເຊິ່ງສາມາດຈັບໄດ້ຂອງກາງຈໍານວນໜຶ່ງ ພ້ອມເງິນ 550.000 ກີບ, ໂທລະສັບ 3 ໜ່ວຍ, ລົດຈັກ ສະກຸບປີ້ສີແດງ 1ຄັນ ແລະ ປື້ມບັນຊີທະນາຄານ 1 ຫົວ. ປັດຈຸບັນເຈົ້າຫນ້າທີ່ກຳລັງທຳການສືບສວນ ຫາພັກພວກທີ່ຮ່ວມຂະບວນການນຳກັນເພື່ອເອົາມາລົງໂທ້ດຕາມກົດຫມາຍບ້ານເມືອງ