ບົດແນະນຳດີໆຊ່ວຍ ມະນຸດຫ້ອງແອບໍ່ໃຫ້ຕົກຕັ່ງ

ບົດແນະນຳດີໆຊ່ວຍ ມະນຸດຫ້ອງແອບໍ່ໃຫ້ຕົກຕັ່ງ

17th January 2020 0 By Education

ທີ່ຜ່ານມາມີຂ່າວໃຫ້ເຫັນມາໂດຍຕະຫຼອດເລື່ອງບໍລິສັດປິດ ພະນັກງານນັບຮ້ອຍຕົກວຽກສາຍຟ້າແລບ ແຕ່ນັ້ນສ່ວນໃຫຍ່ຍັງເກີດຂຶ້ນຢູ່ຕ່າງປະເທດ, ສ່ວນບ້ານເຮົາຍັງບໍ່ມີຂ່າວລາຍງານການປິດຕົວຂອງບໍລິສັດ ຫາກມີກໍລະນີການພະນັກງານຕົກວຽກຫຼາຍ ຍ້ອນສະພາບເສດຖະກິດລາຍຮັບບໍ່ກຸ້ມລາຍຈ່າຍ ທຸກອົງກອນທີ່ກຸ້ມຕົນເອງຈິ່ງຕ້ອງຄັດສັນພະນັກງານທີ່ບໍ່ມີຄຸນນະພາບອອກ ແລະຮັກສາໄວ້ເທົ່າທີ່ຈຳເປັນເທົ່ານັ້ນ.

 

ເວົ້າໄດ້ວ່າທຸກວັນນີ້ພະນັກງານກິນເງິນເດືອນ ຫຼື ທີ່ເວົ້າກັນວ່າມະນຸດຫ້ອງແອນັ້ນມີຄວາມສ່ຽງຕໍ່ການຕົກວຽກໄດ້ຕະຫຼອດ ສະນັ້ນບາງຂໍ້ແນະນຳເຫຼົ່ານີ້ສາມາດນຳມາເປັນບົດຮຽນໃຫ້ຫຼາຍໆຄົນທີ່ກຳລັງຢູ່ໃນພາວະສ່ຽງຕົກວຽກໄດ້ນຳໄປຄິດພິຈາລະນາ ແລະກຽມການແຕ່ເນີ້ນໆກ່ອນທີ່ທຸກຢ່າງຈະສວາຍເກີນໄປ.

ອາຈານກາບແກ້ວ ທຳມະວົງ ນັກຂຽນໜຸ່ມ, ນັກສ້າງແຮງບັນດານໃຈໄດ້ຝາກຂໍ້ຄິດດີໆໄວ້ວ່າ ຖ້າບໍ່ຢາກຕົກວຽກເປັນຄົນໄຮ້ຍາດຂາດມິດໃນປະຕິບັດຕົນດັ່ງນີ້

1. ຈົ່ງຫຼຸດຜ່ອນການຫຼິ້ນເຟັສບຸກ ແລະ ເບິ່ງຄລິບຢູທູບທີ່ເຮຮາໄຮ້ສາລະ ເຖິງຈະມ່ວນ ແຕ່ກໍເສຍເວລາ ເຮັດວຽກ ແຖມຍັງສ້າງຄວາມເບື່ອໜ່າຍໃຫ້ຫົວໜ້າເຫັນ

2. ເຮັດວຽກໃຫ້ໜັກຂຶ້ນກວ່າເກົ່າສອງເທົ່າ ເພື່ອບໍ່ໃຫ້ເປັນເປົ້າຖືກເຕະອອກຈາກວຽກ ແລະ ບໍ່ຄວນຈົ່ມ ຈົ່ງຊ່ວຍວຽກຫົວໜ້າທຸກຢ່າງ ບໍ່ສະເພາະແຕ່ວຽກໃນບໍລິສັດ ຄວນຊ່ວຍວຽກສ່ວນຕົວພ້ອມ ເພາະດຽວນີ້ ຫົວໜ້າກຳລັງຫົວປັ່ນ ຈິ່ງຕ້ອງການທີ່ເພິ່ງ

3. ເລີ່ມກັບຄືນໄປໂຮງຮຽນ ຫຼື ເຂົ້າຮ່ວມຝຶກອົບຮົມໃນຫຼັກສູດຕ່າງໆ ເພື່ອເສີມຄວາມຮູ້ວິຊາສະເພາະ, ແຕ່ຢ່າລືມສອງວິຊາທີ່ຂາດບໍ່ໄດ້ ກໍຄືພາສາ ແລະ ໄອທີ.

4. ປະຢັດຄ່າໃຊ້ຈ່າຍ ໂດຍການເພີ່ມພູນຜະລິດຜົນ ເຮັດສວນຄົວ ພ້ອມທັງເລີ່ມສຶກສາທຸລະກິດເສີມ ຫຼື ວຽກເສີມ ເພາະການເປັນພຽງແຕ່ລູກນ້ອງ ມັນຍາກທີ່ຈະມີເງິນພຽງພໍ ເມື່ອເຖົ້າແກ່ມາ ແຕ່ສຳຄັນວຽກເສີມ ຕ້ອງເປັນວຽກທີ່ຕົນມັກ ຫຼື ຊຳນານແທ້