ໃກ້ຈົບລະ ເລື່ອງລາວວັດໜອງພະຍາ ແມ່ໃຫຍ່ເພິ່ນຍອມຮັບເປັນການໃສ່ຮ້າຍ

ໃກ້ຈົບລະ ເລື່ອງລາວວັດໜອງພະຍາ ແມ່ໃຫຍ່ເພິ່ນຍອມຮັບເປັນການໃສ່ຮ້າຍ

5th September 2020 0 By Education

ຂ່າວຄາວເລື່ອງວັດໜອງພະຍາ ດັງທະລຸປຸໂປ່ງທົ່ວເຟສບຸກ ບອກວ່າເຈົ້າອາວາດວັດເຮັດຜິດວິໄນສົງຂັ້ນຮ້າຍແຮງ ຈົນແອັດເອງກໍ່ເຊື່ອຢ່າງສະໜິດໃຈວ່າ ເຖິງຂະໜາດອັດປະຕູຕີແມວຕ້ອງແມ່ນເລື່ອງລາວຮ້າຍແຮງ ບາດຄູບາເວົ້າພັດວ່າໄປແນວໃໝ່ ແລະຫຼ້າສຸດກໍ່ມີເອກະສານຖອນແຈ້ງຄວາມອອກມາ ບອກວ່າເປັນການໃສ່ຮ້າຍປ້າຍສີ ໂອ້ຍໆ!!!!

ຢູ່ບໍຢູ່ຄູບາກໍ່ມີໂທດ

ຜູ້ທີ່ແທນນາມກ່ອນໜ້ານີ້ວ່າຄູ່ກໍລະນີ ກັບເຈົ້າອາວາດຊື່ວ່າ ທ່ານເຂັມຄຳ ສີຫາລາດ ແລະທ່ານນາງ ຈັນທະພອນ ສີຫາລາດ(ແມ່ໃຫຍ່) ມື້ນີ້ອອກມາຖອນແຈ້ງຄວາມເລື່ອງເອກະສານຄຳຮ້ອງຟ້ອງກ່ຽວກັບພະອາຈານສົມປອງ ທອງພຽນ ທີ່ໄດ້ໃສ່ຮ້າຍປ້າຍສີເພິ່ນ.

ໂດຍເນື້ອໃນຄຳຊີ້ແຈງລະບຸວ່າ: ທີ່ໄດ້ໃສ່ຮ້າຍປ້າຍສີແມ່ນບໍ່ມີມູນຄວາມຈີງ ເປັນການແຕ່ງຂຶ້ນຈາກຜູ້ເປັນນ້ອງຊາຍ ແລະນ້ອງສາວ (ຕົວລະຄອນທີ 4-5 ປະກົດຂຶ້ນມາຕື່ມ) ໄດ້ສົມທົບກັບພາກສ່ວນທີ່ບໍ່ຫວັງດີຕໍ່ພະອາຈານ ສົມປອງ ແລະຫຼອກໃຊ້ ຍ້ອນຄວາມຮູ້ເທົ້າບໍ່ເຖິງການໃຫ້ເຊັນເອກະສານຄຳຮ້ອງຟ້ອງດັ່ງກ່າວ.

ເມື່ອຮູ້ຂ່າວຈິ່ງຂໍຊີ້ແຈງວ່າ ບໍ່ມີມູນຄວາມຈີງຕາມທີ່ຮ້ອງຟ້ອງນັ້ນ ແລະຂໍລົບລ້າງຄຳກ່າວຫາພະອາຈານ ສົມປອງ ທອງພຽນ ພ້ອມຂໍຂະມາພະອາຈານດ້ວຍ!!!