ເດ ຢູໂຣບແທ້ໆຍັງຖືພຸດກັນ ເມືອງພຸດຄືເຮົາຕ້ອງພູມໃຈ

ເດ ຢູໂຣບແທ້ໆຍັງຖືພຸດກັນ ເມືອງພຸດຄືເຮົາຕ້ອງພູມໃຈ

5th September 2020 0 By Education

ສາສະໜາພຸດບໍ່ວ່າໄປທາງໃດຢູ່ທາງໃສຖ້າເຮົາຖືເພິ່ນໃນໃຈກໍ່ມີຄວາມສຸກໄດ້  ນັ້ນຈິ່ງບໍ່ແປກໃຈທີ່ຊາວຕ່າງຊາດເມື່ອໄດ້ຊືມຊັບສາສະໜາພຸດແລ້ວເພິ່ນຈິ່ງມີຄວາມເຫຼື້ອມໃສສັດທາບໍ່ຕ່າງຈາກຊາວພຸດເຮົາ ມື້ນີ້ ແອັດມິນຈະນຳເອົາເລື່ອງລາວດີໆຂອງຊາວຢູໂຣບທີ່ອົດສະຕາຣີ ເພິ່ນມາຖືພຸດນຸ່ງຜ້າເຫຼືອງເຫັນແລ້ວສຸກໃຈແທ້!

ເຟສບຸກ ຂອງ ດຣ ປະຖົມພົງ ໂພປະສິດທິນັນ ໄດ້ໂພສວ່າ ອະນາຄົດປະເທດອົດສະຕາຣີ ຈະເປັນເມືອງພຸດທະສາສະໜາ ໂດຍສະເພາະໃນເມືອງເພີດນັ້ນມີວັດສ້າງຢູ່ກາງປ່າ ແລະມີພະທີ່ເປັນຊາວອົດສະຕາຣີແທ້ໆບວດຢູ່ທີ່ນັ້ນຈຳນວນບໍ່ໜ້ອຍເລີຍ!!!

ໂດຍຢູ່ອົດສະຕາຣີໃນພາກຕາເວັນອອກທີ່ເປັນຫາດ, ທະເລ ແລະ ມີພູຢູ່ ແມ່ນມີການສ້າງວັດໄວ້ຢ່າງສະຫງ່າງາມ ພະສົງທີ່ມາບວດຢູ່ວັດນັ້ນຕ່າງກໍ່ມີຄວາມເຫຼື້ອມໃສສັດທາໃນສາສະໜາພຸດ ພວກເພິ່ນບວດເປັນພະ ແລະພ້ອມກັນເຜີຍແຜ່ພຸດທະສາສະໜາທີ່ນັ້ນເລີຍ ເຫັນວ່າປະຊາຊົນກໍ່ໃຫ້ການສະໜັບສະໜູນດີ.

ຂະນະທີ່ຢູ່ເມວເບີ້ນ,  ແລະໂອດແລນຂອງນີວຊີແລນ ສ່ວນໃຫຍ່ພະສົງທີ່ເປັນຊາວອົດສະຕາຣີ ແມ່ນນິຍົມຊົມຊອບພະກຳມະຖານເປັນພິເສດ ຍິ່ງປະສົບການທາງຈິດສູງໆ ສອນສະມາທິໄດ້ລະອຽດຊາວບ້ານຍິ່ງສັດທາທະວີຄູນຂຶ້ນ.

ເບິ່ງຈາກເລື່ອງລາວຜູ້ໄປພົບເຫັນວ່າແລ້ວ ທີ່ຊາວຢູ່ໂຣບເຫຼື້ອມໃສໃນພຸດທະສາສະໜາແມ່ນເພິ່ນ ສັດທາໃນການສ້າງສະມາທິ ທ່າມກາງທີ່ສັງຄົມໂລກນັບມື້ວຸ້ນວາຍ ເຊິ່ງຕ້ອງການໃຫ້ຈິດໃຈມີຄວາມສະຫງົບສຸກນັ້ນເອງ ບໍ່ຕ່າງຈາກພວກເຮົາທີ່ເອົາພຸດທະສາສະໜາເປັນເບົ້າຫຼໍ່ຫຼອມຈິດໃຈ ເພື່ອສຸກສະບາຍໃຈໃນຊີວິດນັ້ນເອງ.

ໂດຍສາສະໜາພຸດແມ່ນກຳເນີດໃນປະເດທອິນເດຍປະມານກ່ອນພຸດທະສັກກະລາດ 45 ປີ (ພຸດທະສັກກະລາດເລີ່ມແຕ່ພະພຸດທະເຈົ້າສະເດັດສູ່ປະລິບນິພານ)  ຫຼັງຈາກນັ້ນໄດ້ແຜ່ຂະຫຍາຍມາສູ່ດິນແດນສຸວັນນະພູມໄດ້ແກ່ປະເທດມຽນມາປະມານປີ ພສ 300 ແລ້ວຈິ່ງຂະຫຍາຍໄປສູ່ປະເທດອື່ນໆລວມທັງລາວເຮົາໃນເວລາຕໍ່ມາ.