ຂວັນມາລູກເອີຍ! ຫຼານນ້ອຍ 2ປີນັ່ງໄຫ້ປຸກແມ່ຕູ້ຫຼາຍຊົ່ວໂມງ ສຸດທ້າຍເຫດເສົ້າເກີດຂຶ້ນຈົນໄດ້

ຂວັນມາລູກເອີຍ! ຫຼານນ້ອຍ 2ປີນັ່ງໄຫ້ປຸກແມ່ຕູ້ຫຼາຍຊົ່ວໂມງ ສຸດທ້າຍເຫດເສົ້າເກີດຂຶ້ນຈົນໄດ້

7th September 2020 0 By Education

ເລື່ອງລາວທີ່ແອັດມິນກໍາລັງຈະນໍາສະເໜີຕໍ່ໄປນີ້ ເປັນອີກເຫດການສະເທືອນໃຈ ທີ່ມັນຈະມີຜົນຕໍ່ຄວາມຮູ້ສຶກຂອງຫຼາຍໆຄົນ ຕໍ່ການຈາກໄປຂອງຄົນທີ່ຮັກ ໂດຍສະເພາະຜູ້ທີ່ມີຄົນໃນຄອບຄົວພຽງບໍ່ເທົ່າໃດຄົນ ຫາກຮູ້ເລື່ອງນີ້ແລ້ວ ຍິ່ງຈະເສົ້າສຸດໃຈ ແລະ ຂໍໃຫ້ທຸກທ່ານເອົາເລື່ອງນີ້ເປັນອຸທາຫອນ ເຮັດດີກັບຄອບຄົວທ່ານໄວ້ ເພາະຄົນເຮົາທຸກຄົນຮູ້ພຽງມື້ເກີດແຕ່ບໍ່ຮູ້ໄດ້ວ່າມື້ໃດເຮົາຈະຈາກກັນ.

ເຫດການທີ່ແອັດກໍາລັງຈະເວົ້າເຖິງນີ້ແມ່ນເກີດຂຶ້ນທີ່ປະເທດໄທ ເປັນເລື່ອງເສົ້າຂອງ 2ຕູ້ຫຼານທີ່ອາໄສຢູ່ນໍາກັນພຽງ 2ຄົນ ແຕ່ໂຊກຮ້າຍມື້ນີ້ແມ່ຕູ້ບໍ່ຢູ່ນໍາແລ້ວ ໂດຍເຫດເກີດຂຶ້ນເມມື່ອວັນທີ 6 ກັນຍາ 2020 ທີ່ຜ່ານມາ ທີ່ບ້ານຜ່ານເສິກ 1 ໝູ່ 3 ຕໍາບົນບ້ານຕາດ ອໍາເພີເມືອງ ຈັງຫວັດອຸດອນທານີ.

ໂດຍບ່ອນເກີດເຫດພົບຜູ້ເສຍຊີວິດຊື່ ນາງສົມປອງ ດີສະເກດ ອາຍຸ 66ປີ ຕາມຮ່າງກາຍບໍ່ພົບບາດແຜຖືກທໍາຮ້າຍແຕ່ຢ່າງໃດ ຊັບສິນຍັງຢູ່ຄົບ ຄາດວ່າເສຍຊີວິດມາແລ້ວ 10​ຊົ່ວໂມງ ໂດຍພົບວ່າໃນເຮືອນ ຜູ້ເສຍຊີວິດພັກຢູ່ກັບຫຼານອາຍຸ 2 ປີພຽງ 2ຄົນ ເຊິ່ງເພື່ອບ້ານໄດ້ຍິນສຽງເດັກຜູ້ຊາຍຮ້ອງໄຫ້ປຸກໃຫ້ແມ່ເຖົ້າຕື່ນເປັນເວລາດົນຫຼາຍຊົ່ວໂມງ ຈຶ່ງເຂົ້າມາເບິ່ງນໍາ ແຕ່ກໍ່ພົບວ່າຜູ້ກ່ຽວບໍ່ຢູ່ແລ້ວ ຈຶ່ງຮີບຟ້າວໄປແຈ້ງນາຍບ້ານ ແລະ ເຈົ້າໜ້າທີ່ຕໍາຫຼວດ.

ດ້ານ ພໍ່ຕູ້ໂສດາ ຜ່ອງປັນຍາ ອາຍຸ 71 ປີ ຄົນຂ້າງເຮືອນກ່າວວ່າ: ປົກກະຕິ ແມ່ຕູ້ສົມປອງ ມັກຈະພາຫຼານຊາຍມານັ່ງຫຼິ້ນຢູ່ເຮືອນຂອງຕົນເອງ ເຊິ່ງຢູ່ຫ່າງກັນພຽງ 500ແມັດ ສ່ວນລູກຂອງນາງສົມປອງໄດ້ໄປເຮັດວຍກຢູ່ກຸງເທບກັນໝົດ ປ່ອຍໃຫ້ແມ່ຕູ້ສົມປອງລ້ຽງຫຼານຢູ່ເຮືອນຫຼັງນີ້ ໂດຍຢູ່ນໍາກັນພຽງ 2​ຄົນ, ເມື່ອ 3-4 ມື້ກ່ອນໜ້າ ລູກສາວຂອງແມ່ຕູ້ສົມປອງ ຢາກໃຫ້ຜູ້ກ່ຽວຫຼຸດຄວາມອ້ວນຈຶ່ງໄດ້ສົ່ງກາເຟໂສມມາໃຫ້ ເຊິ່ງຫຼັງຈາກກິນກໍ່ເຮັດໃຫ້ບໍ່ຫິວເຂົ້າ.

ແນວໃດກໍ່ຕາມ ມື້ເຊົ້າວັນທີ 6 ກັນຍາ 2020 ບໍ່ເຫັນແມ່ຕູ້ສົມປອງລຸກຂຶ້ນມາແຕ່ງກິນ ແຕ່ຕົນໄດ້ຍິນສຽງເດັກນ້ອຍໄຫ້ຢູ່ດົນຫຼາຍຊົ່ວໂມງ ຈື່ໄດ້ວ່າເປັນສຽງຫຼານຂອງນາງສົມປອງ ຈຶ່ງເຂົ້າມາເບິ່ງກໍ່ເຫັນຫຼາຍຊາຍນັ່ງໄຫ້ຮ່າງໄຮ້ວິນຍານຂອງແມ່ຕູ້ຢູ່ ແຕ່ແມ່ຕູ້ກໍ່ບໍ່ຍອມລຸກ ຕົນຈຶ່ງເຂົ້າໄປເບິ່ງໃກ້ໆ ແລະ ພົບວ່າຜູ້ກ່ຽວເສຍຊີວິດແລ້ວ.

ທັງນີ້ທັງນັ້ນ ດ້ານເຈົ້າໜ້າທີ່ເຜີຍວ່າ ແມ່ຕູ້ສົມປອງມີໂລກປະຈໍາຕົວ ເປັນໂລກຄວາມດັນ ຫຼາຍມື້ກ່ອນໜ້າຜູ້ກ່ຽວມີອາການວູບ ກໍ່ມີຄົນນໍາຕົວສົ່ງໂຮງໝໍ ເມື່ອອາການດີຂື້ນ ໄດ້ກັບມາຢູ່ເຮືອນກັບຫຼານ 2​ຄົນ ແພດລະບຸວ່າ ສາເຫດການເສຍຊີວິດເກີດຈາກພາວະຫົວໃຈລົ້ມເຫຼວກະທັນຫັນ ພີ່ນ້ອງບໍ່ຂ້ອງໃຈຕໍ່ການເສຍຊີວິດ ຈຶ່ງໄດ້ນໍາຮ່າງໄປເຮັດພິທີຕາມສາສະໜາ.

ທີ່ມາ: ຂ່າວສົດ