ໄວລຸ້ນຮັກຮ້ອນແຮງໂດດກອດແຟນຈັງຫວະຖືມີດ ເຈັບສາຫັດ

ໄວລຸ້ນຮັກຮ້ອນແຮງໂດດກອດແຟນຈັງຫວະຖືມີດ ເຈັບສາຫັດ

7th September 2020 0 By Education

ຊາຍໜຸ່ມຖືກມີດປັກຄາເອີກບາດເຈັບ ພາຍໃນຫໍພັກແຫ່ງໜຶ່ງ ເຜີຍສາເຫດຍ້ອນຫຼິ້ນຢອກກັບແຟນລະຫວ່າງຖືມີດ ແລະໂຕແລ່ນເຂົ້າມາກອດຈິ່ງຖືກມີດສຽບຈົນໄດ້ຮັບບາດເຈັບ.


ເລື່ອງລາວນີ້ເກີດຂຶ້ນທີ່ປະເທດໄທ ຈັງຫວັດປະທຸມມທານີ ໃນວັນທີ 6 ກັນຍານີ້ເອງ ຜູ້ໄດ້ຮັບບາດເຈັບເປັນຊາຍໄວ 19 ປີ ຖືກແທງສຽບດ້ວຍຂອງມີຄົມ ເຂົ້າເອີກຂ້າງຊ້າຍໃນສະພາບມີດຍັງສຽບຄາຢູ່ ເຈົ້າໜ້າທີ່ກູ້ໄພຈິ່ງຮີບເອົາອອກ ແລະສົ່ງຜູ້ກ່ຽວໄປໂຮງໝໍ.

ຈາກການສອບສວນ ນາງສາວເອ ອາຍຸ 22 ປີ ແຟນສາວຂອງຜູ້ໄດ້ຮັບບາດເຈັບຊາບວ່າ ຕົນກັບແຟນຫຼິ້ນກັນໃນຫ້ອງ ແລະຕົນຖືມີດຢູ່ໃນມືໃນຈັງຫວະທີ່ແຟນໂດດເຂົ້າມາກອດ ຈິ່ງຖືກມີດສຽບເອີກຂ້າງຊ້າຍຢ່າງຈັງ ເຊິ່ງບໍ່ມີເຈຕະນາໃຫ້ແຟນໄດ້ຮັບບາດເຈັບເລີຍ.

ຈັ່ງໃດກໍ່ແຟນເຮົາເຮັດຈັ່ງໃດຟ້າວແທ້ ຄ່ອຍໆກອດກໍໄດ້ຕື່ນເຕັ້ນຫຍັງກະດໍ້ຕ້ອງໂດດກອດຈົນບາດເຈັບ ເກັບໄວ້ເປັນອຸທາກອນເດີ້ບ່າວສາວທັງຫຼາຍ