ເປັນໄປນໍ! ເມຍໜຸ່ມສອນລາມ ຕິດພະນັນໜັກຈົນຕ້ອງຢ່າຮ້າງ

ເປັນໄປນໍ! ເມຍໜຸ່ມສອນລາມ ຕິດພະນັນໜັກຈົນຕ້ອງຢ່າຮ້າງ

7th September 2020 0 By Education

ຄົນເຮົາຕ້ອງໄດ້ລຳບາກຈິ່ງສູ້ຊົນ ຖ້າສະບາຍເກີນໄປກໍ່ມັກຫາແນວໃຊ້ຈ່າຍເງິນບໍ່ເປັນປະໂຫຍດ ຄືເມຍໜຸ່ມສອນລາມ ເທບພິທັກ ພະເອກຕະຫຼອດການທີ່ຫາກໍ່ແຕ່ງງານໄປບໍ່ດົນ ແລະໄດ້ພະຍານຮັກມາ1 ຄົນ ແຕ່ເມຍເພິ່ນກັບຕິດການພະນັນຢ່າງຮຸນແຮງຈົນຕ້ອງເລິກລາກັນ.

ເຊິ່ງຄູ່ນີ້ຫາກໍ່ແຕ່ງງານກັນໄປເມື່ອເດືອນກັນຍາ 2017 ກໍ່ຕ້ອງມາເລີກລາກັນແລ້ວ ຫຼັງແຕ່ງງານກັນ ເມຍສາວຂອງໜຸ່ມສອນລາມ ອາດເປັນຍ້ອນໃຊ້ຊີວິດສຸກສະບາຍເກີນໄປຈິ່ງໄດ້ແຕ່ຈ່າຍເງິນ ແລະຈ່າຍເງິນຈົນໄປຕິດການພະນັນອອນລາຍ ໃຫ້ໜຸ່ມສອນລາມໄດ້ຄອຍໃຊ້ໜີ້ຕະຫຼອດມາ.

ສາວຕິກ ອະດີດເມຍຂອງໜຸ່ມສອນລາມໄດ້ເປີດເຜີຍດ້ວຍຕົວເອງໃນວັນທີ 7 ກັນຍາ 2020 ນີ້ວ່າ ຕະຫຼອດໄລຍະທີ່ແຕ່ງງານກັນມາໜຸ່ມສອນລາມໄດ້ຕາມໃຊ້ໜີ້ໃຫ້ຕົນເອງຕະຫຼອດມາ ຈົນໃນທີ່ສຸດທີ່ຕ້ອງຢ່າກັນເພາະບັນຫາຊ້ຳຊ້ອນມາດົນ ແລະບັນຫາເກົ່າໆແກ້ບໍ່ຕົກ.

ມາຮອດເດືອນເມສາປີ 2020 ທັງສອງຈິ່ງຕ້ອງເຖິງຂັ້ນເຊັນໃບຢ່າຮ້າງກັນ ເພາະຕົນເປັນຕົ້ນເຫດໜູນເງິນຜິດຈົນເຮັດໃຫ້ເກີດໜີ້ ຍ້ອນຕິດການພະນັນອອນລາຍ ແລະຫາເງິນຄືນບໍ່ໄດ້ ສຸດທ້າຍຕ້ອງຂາຍຄຳຂອງລູກສາວນ້ອຍໆທີ່ບໍ່ຮູ້ຈັກຫຍັງ ແລະຕາມມາດ້ວຍການໄປລັກກົດເອທີເອັມຂອງຜົວເປັນເງິນກວ່າ 4 ແສນບາດໂດຍບໍ່ຄອບບໍ່ກ່າວ.

ຈາກນັ້ນ ຍັງໄປລັດເອົາເງິນລ່ວງໜ້າຈາກການເຮັດວຽກຂອງໜຸ່ມສອນລາມມາໃຊ້ຈົນໝົດ ໂດຍທີ່ເຈົ້າຕົວບໍ່ຮູ້ ເທົ່ານັ້ນຍັງບໍ່ພໍ ຍັງມີເຈົ້າໜີ້ໄປຕາມທວງໜີ້ຮອດໜ້າເຮືອນຫຼາຍເທື່ອ ໜຸ່ມສອນລາມຈິ່ງຕັດສິນໃຈຂໍແຍກທາງໃນທີ່ສຸດ ເພາະຊ່ວຍບໍ່ໄຫວແລ້ວ.