ອຸທາຫອນ! ຕັດຫຍ້າຢູ່ດີໆ ໃບມີດກະທົບຫີນຟົ້ງຝັງເລິກໃນຕາ ແພດບອກສ່ຽງຕິດເຊື້ອ ແລະ ຕາບອດ

ອຸທາຫອນ! ຕັດຫຍ້າຢູ່ດີໆ ໃບມີດກະທົບຫີນຟົ້ງຝັງເລິກໃນຕາ ແພດບອກສ່ຽງຕິດເຊື້ອ ແລະ ຕາບອດ

14th September 2020 0 By Education

ສະບາຍດີແຟນເພຈທີ່ຮັກແພງ ມື້ນີ້ແອັດມິນມີຫົວຂໍ້ມາເຕືອນໄພທຸກຄົນອີກແລ້ວ ເຊິ່ງເປັນເລື່ອງໃກ້ຕົວຄືເກົ່າ ໂດຍສະເພາະແມ່ນຜູ້ຊາຍ ຜູ້ເຮັດວຽກກັບຮົ້ວສວນ ນັ້ນກໍ່ຄືການຕັດຫຍ້າ ໂດຍມີຜູ້ໂພສເຕືອນໄພໄວ້ໃຫ້ລະວັງໃບມີດກະທົບກັບຫີນ ຈະກໍ່ໃຫ້ເກີດອັນຕະລາຍກັບທ່ານໄດ້ ດັ່ງນັ້ນຕ້ອງລະມັດລະວັງໃຫ້ດີ.

ແນວໃດກໍ່ຕາມ ເຫດການທີ່ແອັດກໍາລັງຈະກ່າວເຖິງນີ້ແມ່ນເກີດຂຶ້ນທີ່ປະເທດໄທ ແຕ່ແອັດເຫັນວ່າມັນເປັນເລື່ອງໃກ້ຕົວ ຈຶ່ງຍົກຂຶ້ນມາເປັນອຸທາຫອນໃຫ້ທຸກຄົນໃນມື້ນີ້ ໂດຍຜູ້ໃຊ້ເຟສບຸກຊື່  Arak Wongworachat ໄດ້ໂພສຂໍ້ຄວາມເຕືອນໄວ້ວ່າ: ເສດເຫຼັກຟົ້ງທະລຸຝັງເລິກໃນດວງຕາ ຕັດຫຍ້າແບບພາຍຈັກໃສ່ບ່າ ໃບມີດກະທົບກ້ອນຫີນ ໃບມີດແຕກຟົ້ງເຂົ້າຕາຢ່າງໄວ ຂະນະຕັດຫຍ້າໃສ່ເຄື່ອງມືຄົບປົກຫຸ້ມໃບໜ້າດວງຕາໄວ້ບໍ່ດີພໍ ໃບມີດກະທົບໃສ່ກ້ອນຫີນ ຈົນຮູ້ສຶກຄືມີຫຍັງຟົ້ງເຂົ້າຕາ ປວດເຈັບທີ່ດວງຕາເບື້ອງຊ້າຍ ຈົນຕ້ອງຢຸດຕັດ.

ເມື່ອແຍງແວ່ນເບິ່ງກໍ່ພົບວ່າມີເລືອດອອກທີ່ເຍື່ອຕາຂາວ ຮູ້ສຶກເຄືອງຕາຢູ່ຕະຫຼອດ ເວລາຫຼັບຕາຈະປວດໃນເບົ້າຕາຫຼາຍ ສຸດທໍລະມານ ເວລາຜ່ານໄປແປບໜຶ່ງຮູ້ສຶກຕາມົວລົງຄືມີເງົາດໍາໃນຕາ ຈຶ່ງຮີບໄປໂຮງໝໍ ແພດສົ່ງເຂົ້າສ່ອງໄຟຟ້າພົບຊິ້ນສ່ວນໂລຫະສີຂາວຕາມລູກສອນຢ່າງຊັດເຈນໃນດວງຕາ.

ພົບແບບນີ້ອັນຕະລາຍຫຼາຍ ຕ້ອງເຂົ້າຜ່າຕັດດ່ວນ ເພື່ອເອົາຊິ້ນສ່ວນໂລຫະອອກມາໃຫ້ໄວທີ່ສຸດ ແຕ່ທີ່ສໍາຄັນຊິ້ນວັດສະດຸອັນນ້ອຍນິດທີ່ປົນເປື້ອນມານໍາ ລວມເຖິງເຊື້ອໂລກ ທັ້ງແບັກທີເຮຍ, ໄວຣັດ, ເຊື້ອລາ ມີໂອກາດຕິດມານໍາສູງຫຼາຍ ສ່ຽງຕາບອດ ຫຼື ຕິດເຊື້ອມີໜອງໃນຕາ ໃນບາງກໍລະນີອາດຈໍາເປັນຕ້ອງເອົາໜ່ວຍຕາອອກໃນທີ່ສຸດ ຫາກຄຸມອາການຕິດເຊື້ອບໍ່ສໍາເລັດຢ່າປະໝາດ ແມ້ແຕ່ການໄປຍ່າງໃກ້ໆບໍລິເວນທີ່ກໍາລັງຕັດຫຍ້າ ຫຼື ຂັບລົດຜ່ານຈຸດທີ່ກໍາລັງຕັດຫຍ້າກໍ່ອັນຕະລາຍຫຼາຍ.

ແນວໃດກໍ່ຕາມ ດ້ວຍຄວາມຫວັງດີ ແອັດມິນສຶກສາ-ໄອທີ ຂໍໃຫ້ເລທາອງນີ້ເປັນອຸທາຫອນແກ່ທຸກຄົນທັງຜູ້ທີ່ຢູ່ກັບວຽກນີ້ ຫຼື ຜູ້ຢູ່ໃກ້ຄຽງໃຫ້ມີສະຕິລະມັດລະວັງຢູ່ຕະຫຼອດເດີ້.