ລາວເຮົາຕ້ອງຄິດ ແລະປັບປ່ຽນຄົນຍຸກໃໝ່ ລົບອອກຈາກທ້າຍຕາຕະລາງ

ລາວເຮົາຕ້ອງຄິດ ແລະປັບປ່ຽນຄົນຍຸກໃໝ່ ລົບອອກຈາກທ້າຍຕາຕະລາງ

26th January 2020 0 By Education

ຂ່າວນີ້ເຊື່ອວ່າຈະເຮັດໃຫ້ຫຼາຍໆຄົນຕື່ນຍຸບ ແລະລຸກຂຶ້ນມາທົບທວນ ຄົນບ້ານເຮົາສ່ວນໃຫຍ່ແລ້ວບໍ່ນິຍົມຮຽນພາສາຕ່າງປະເທດເພາະວ່າມັນຍາກຜູ້ໄດ້ຮຽນກໍ່ຮຽນພໍແລ້ວຕາມຂະບວນການ ຫຼາຍຄົນຈົບພາສາອັງກິດຂຽນບໍໄດ້ເວົ້າບໍ່ໄດ້ໃຊ້ງານແຫ່ງບໍ່ໃຫ້ວ່າ (ເວົ້າສະເພາະຜູ້ທີ່ບໍ່ຕັ້ງໃຈຮຽນ)  ອັນສຳຄັນກວ່ານັ້ນຄົນສ່ວນຫຼາຍຍັງທຸກຍາກເຂົ້າບໍ່ເຖິງໂຮງຮຽນລະດັບອິນເຕີ ເຮັດໃຫ້ລະດັບການສຶກສາເຮົາດ້ອຍຫຼາຍຖ້າທຽບໃສ່ຕ່າງປະເທດ.

ອີງຕາມໜັງສືພິມອອນ Japan Times ຂອງປະເທດຍີ່ປຸ່ນ ລາຍງານ ໃນວັນທີ 21 ມັງກອນ 2020 ວ່າ ລາວ ມີຄະແນນໂທໂຟ້ ຕິດທ້າຍໝູ່ໃນອາຊີ ສປປ ລາວ ຢູ່ໃນອັນດັບທີ 28 ໃນຈຳນວນທັງໝົດ 29 ປະເທດໃນອາຊີທີ່ມີການຈັດລຳດັບຄະແນນໂທໂຟ້ (TOEFL-Test of English as a Foreign Language). ໂດຍສາມອັນດັບທ້າຍສຸດໃນອາຊີມີ ຍີ່ປຸ່ນ, ລາວ ແລະ ທາຈິກິສະຖານ.

 

ເພື່ອປັບປຸງ ຄວາມສາມາດ ໃນການໃຊ້ພາສາອັງກິດ,​ ເລີ້ມເດືອນເມສາ 2020, ປະເທດຍີ່ປຸ່ນ ຈະ ນໍາໃຊ້ລະບົບພາກບັງຄັບ ການຮຽນພາສາອັງກິດ ໃນລະດັບມັດທະຍົມສຶກສາ  ໂດຍນັກຮຽນ ຊັ້ນມັດທະຍົມຕົ້ນ ທຸກຄົນຕ້ອງໄດ້ຮຽນພາສາອັງກິດ 35 ຊົ່ວໂມງຕໍ່ປີ ຫຼື ທຽບເທົ່າກັບ 1-2 ຊົ່ວໂມງຕໍ່ອາທິດ. ສ່ວນນັກຮຽນ ຊັ້ນມັດທະຍົມປາຍ ທຸກຄົນ ຕ້ອງໄດ້ຮຽນພາສາອັງກິດ 70 ຊົວໂມງຕໍ່ປີ ໂດຍຕັ້ງເປົ້າໝາຍໃຫ້ສາມາດ ອ່ານ ຂຽນ ເຂົ້າໃຈ ແລະ ເວົ້າພາສາອັງກິດໄດ້ ແລະ ຮູ້ຄໍາສັບ ພາສາອັງກິດ ຢ່າງໜ້ອຍ 600-700 ຄໍາ.​

 

ອີກຄັ້ງໜຶ່ງການເສັງໂທໂຟ້ຄືການເສັງວັດລະດັບພາສາອັງກິດການອ່ານ, ເວົ້າ, ການຂຽນ, ແລະຟັງ ຫຼາຍປະເທດໃນໂລກ ຖ້າຈະຮັບນັກສຶກສາໄປຮຽນຢູ່ບ້ານເຂົາ ຕ້ອງເບິ່ງທີ່ຜົນການສອບເສັງວັດລະດັບນີ້ ແລະບ້ານເຮົາຄິດວ່າຍັງມີບໍ່ຫຼາຍ, ຈະມີແຕ່ຜູ້ທີ່ຢາກໄປຮຽນຕໍ່ເທົ່ານັ້ນທີ່ພະຍາຍາມເສັງໃຫ້ໄດ້.

ແອັດເອງກໍ່ເຫັນໄດ້ວ່າການຮຽນ ແລະເສັງລະບົບດັ່ງກ່າວນີ້ມີຄວາມສຳຄັນຫຼາຍ ຖ້າຜູ້ມີຄວາມປະສົງຢາກໄປຮຽນຕໍ່ຕ້ອງຮຽນໃຫ້ເຂົ້າໃຈລະບົບ, ເຂົ້າໃຈພາສາແຕ່ຕົ້ນ ເພື່ອບໍ່ໃຫ້ຫຍຸ້ງຍາກໃນການຮຽນຕາມພາຍຫຼັງ ເຫັນຫຼາຍໆຄົນດັນທຸລັງຢາກໄປຮຽນຕ່າງປະເທດແຕ່ພາສາບໍໄດ້ເວລາໄປຮຽນກໍ່ສ່ຽງທີ່ຈະກັບມືເປົ່າ! ດ້ວຍຄວາມຫວັງດີ

 

Source: https://www.japantimes.co.jp/opinion/2020/01/21/commentary/japan-commentary/japan-going-wrong-way-english-education-reform/#.XixnE1gxWDY