ສາລະວັນກໍ່ໜັກ! ແມ່ນໍ້າຫຼາຍສາຍຍັງສູງຂຶ້ນຕໍ່ເນື່ອງ ເຕືອນປະຊາຊົນເຝົ້າລະວັງໃກ້ຊິດ

ສາລະວັນກໍ່ໜັກ! ແມ່ນໍ້າຫຼາຍສາຍຍັງສູງຂຶ້ນຕໍ່ເນື່ອງ ເຕືອນປະຊາຊົນເຝົ້າລະວັງໃກ້ຊິດ

19th September 2020 0 By Education

ດັ່ງທີ່ຫຼາຍທ່ານຮັບຮູ້ແລ້ວວ່າໃນວັນທີ 18 ກັນຍາ 2020 ເຂດພາກໃຕ້ຂອງລາວປະສົບໄພພິບັດນໍ້າຖ້ວມຫຼາຍເຂດ ເຫດມາຈາກພາຍຸໂນອຶນພັດຖະຫຼົ່ມເຂົ້າມາ, ເຊິ່ງສະຖານະການໜ້າຫ່ວງຫຼາຍ ລະດັບນໍ້າຫຼາຍສາຍຍັງສູງຂຶ້ນຢ່າງຕໍ່ເນື່ອງ ໂດຍສະເພາະຢູ່ເມືອງຕະໂອ້ຍ ແຂວງສາລະວັນ.

ສະພາບນໍ້າໜັກໜາຫຼາຍ

ວິທະຍຸກະຈາຍສຽງແຫ້ງຊາດລາວ ລາຍງານໃຫ້ຮູ້ວ່າ: ໃນວັນທີ18.9.2020 ຍ້ອນຝົນຕົກບໍ່ຂາດສາຍຕິດຕໍ່ກັນເປັນເວລາຫລາຍຊົ່ວໂມງຕິດຕໍ່ກັນ ເນື່ອງຈາກພະຍຸຫມຸນເຂດຮ້ອນໂນອຶນ(Noul)ຫົວທີ່ 11 ປະຈຳປີ 2020 ເຮັດໃຫ້ນໍ້າເຊລະນອງ ແລະ ນໍ້າສາຍຕ່າງໆ ທົ່ວເມືອງຕະໂອ້ຍ ເພີ່ມຂື້ນຢ່າງຕໍ່ເນື່ອງ ແລ້ວໄຫລຖ້ວມ ເນື້ອທີ່ນາ ແລະ ຫນອງປາຂອງປະຊາຊົຍພາບໃນເມືອງຕະໂອ້ຍຫລາຍບ່ອນເຮັດໃຫ້ເສຍຫາຍຫລາຍພໍສົມຄວນ.

ລະດັບນໍ້າສູງຂຶ້ນເລື້ອຍໆ

ນອກຈາກນີ້ ຍັງໄດ້ສົ່ງຜົນກະທົບພົບຄວາມຫຍຸ້ງຍາກຕໍ່ການສັນຈອນເຄື່ອນ ໄຫວໄປມາຂອງປະຊົນ ຍ້ອນເສັ້ນທາງບາງສາຍ ແລະ ຂົວບາງບ່ອນຖືກຕັດຂາດ ແລະ ຖືກນໍ້າຖ້ວມຢ່າງຫນັກ.

ເຕືອນປະຊາຊົນເຝົ້າລະວັງຢ່າງໃກ້ຊິດ


ເຕືອນປະຊາຊົນທຸກທົ່ວຫນ້າພາຍໃນເມືອງຕະໂອ້ຍ ຈົ່ງມີສະຕິລະມັດລະວັງ, ຄວນຕິດຕາມແຈ້ງການ ແລະ ການລາຍງານສະພາບອາກາດຈາກເຈົ້າຫນ້າທີ່ກ່ຽວຂ້ອງຢ່າງຕໍ່ເນື່ອງ ເພື່ອຫລີກລ້ງງຈາກຜົນກະທົບຈາກນໍ້າຖ້ວມທີ່ອາດຈະເກີດຂື້ນ.

Cr: ສີສະຫວາດ