ປາດໂທ ເກັ່ງກະດໍ້! ເລາະດາວລົດຊະຊາຍ ແລ້ວບໍ່ຍອມຈ່າຍຄ່າງວດ ສຸດທ້າຍກໍາຕາມສະໜອງແລ້ວ

ປາດໂທ ເກັ່ງກະດໍ້! ເລາະດາວລົດຊະຊາຍ ແລ້ວບໍ່ຍອມຈ່າຍຄ່າງວດ ສຸດທ້າຍກໍາຕາມສະໜອງແລ້ວ

21st September 2020 0 By Education

ສານຂັ້ນຕົ້ນ ນະຄອນຫຼວງວຽງຈັນ ຕັດສິນຄະດີຂອງ ນາງ ພິດສາຄອນ ອາຍຸ 37 ປີ ຢູ່ບ້ານທາດຫຼວງກາງ ເມືອງໄຊເສດຖາ ນະຄອນຫຼວງວຽງຈັນ ໃຫ້ຈຳຄຸກ 2 ປີ 6 ເດືອນ ປັບໃໝ 4.000.000 ກີບ ຂໍ້ຫາສໍ້ໂກງ ຊັບພົນລະເມືອງດ້ວຍຮູບການຊື້ລົດ ດ້ວຍການຜ່ອນບໍ່ຈ່າຍຄ່າງວດ, ພ້ອມໃຊ້ໜີ້ຄືນໃຫ້ໂຈດທາງແພ່ງຕາມຈໍານວນທີ່ສໍ້ໂກງ ໃນວັນທີ 15 ກັນຍາ ນີ້.

ເລື່ອງລາວຂອງສາວຄົນນີ້ ຫາກເວົ້າແລ້ວຍາວຫຼາຍ ມີຫຼາຍຄະດີຕິດຕົວ ເລາະດາວລົດທັງລົດໃຫຍ່ ແລະ ລົດຈັກ ດາວໄປໜ້າຕິກໆແຖມສ້າງໜີ້ເພີ່ມດ້ວຍການເອົາລົດໄປຈໍານໍາ ແລະ ກູ້ຢືມເງິນຕໍ່.

ຜູ້ກໍ່ເຫດ

ແນວໃດກໍ່ຕາມ ເລື່ອງນີ້ຖ້າຫາກແອັດນໍາມາລົງລາຍລະອຽດທັງໝົດແມ່ນຍາວຫຼາຍ ດັ່ງນັ້ນ ຂໍແຈ້ງໃຫ້ແຟນເພຈຮູ້ໂດຍລວມເທົ່ານັ້ນ ແຕ່ສໍາລັບໂທດທີ່ຜູ້ກ່ຽວໄດ້ຮັບຈາກການກໍ່ເຫດທັງໝົດນັ້ນມີຄື ການກະທໍາຜິດຂອງ ຈຳເລີຍ ເປັນການກະທຳຜິດໂດຍເຈດຕະນາ ເນື່ອງຈາກວ່າ ຈໍາເລີຍ ໄດ້ໃຊ້ເລ່ລ່ຽມດ້ວຍຮູບການຊື້ລົດຈັກ 2 ຄັນ ແລະ ຕົວະຊື້ລົດເກ໊ງຍີ່ຫໍ້ຮຸນໄດ ແລະ KIA ທັງທີ່ຈຳເລີຍ ກໍຮູ້ດີວ່າ ລົດຍັງຕ້ອງໄດ້ຈ່າຍເງິນໃຫ້ຄ່າງວດທຸກເດືອນ ແລະ ແອບອ້າງວ່າຈະຮັບຜິດຊອບຈ່າຍເງິນສ່ວນທີ່ເຫຼືອ ເມື່ອໄດ້ລົດໄປແລ້ວ ໄດ້ຈ່າຍຄ່າງວດລົດພຽງ 2-3 ງວດ ເທົ່ານັ້ນ ແລະ ຍັງໄດ້ເອົາລົດຂອງຄົນອື່ນໄປແອບອ້າງເພື່ອຈຳເອົາເງິນ.

ລາຍລະອຽດສາມາດອ່ານເພີ່ມເຕີມໄດ້

ດັ່ງນັ້ນໂທດທີ່ຜູ້ກ່ຽວໄດ້ຮັບແມ່ນ ໃຫ້ຈຳຄຸກ 2 ປີ 6 ເດືອນ ປັບໃໝ 4.000.000 ກີບ ຂໍ້ຫາສໍ້ໂກງ ຊັບພົນລະເມືອງດ້ວຍຮູບການຊື້ລົດ ດ້ວຍການຜ່ອນບໍ່ຈ່າຍຄ່າງວດ, ພ້ອມໃຊ້ໜີ້ຄືນໃຫ້ໂຈດທາງແພ່ງຕາມຈໍານວນທີ່ສໍ້ໂກງ.