ເອົາລູກຫໍ່ຖົງດຳໄປຖີ້ມ ແມ່ແບບໃດເຮັດລົງຄໍ

ເອົາລູກຫໍ່ຖົງດຳໄປຖີ້ມ ແມ່ແບບໃດເຮັດລົງຄໍ

23rd September 2020 0 By Education

ມີເດັກຊາຍໂຊກຮ້າຍທີ່ຖືກແມ່ເອົາໄປຖີ້ມ ໂດຍບັນຈຸໃສ່ຖົງດຳໄປວາງໄວ້ເສີຍໆໃນຕັ່ງສາທາລະນະທ່າມກາງຍາມຝົນ ຍັງດີທີ່ມີຄົນມາເຫັນໄດ້ຍິນສຽງຮ້ອງຈິ່ງຊ່ວຍເດັກໄວ້ທັນ.

ເຫດການດັ່ງກ່າວເກີດຂຶ້ນຕອນເຊົ້າມື້ນີ້ເອງ 23 ກັນຍາ 2020 ທີ່ປະເທດເພື່ອນບ້ານ ມີຄົນໄປພົບເຫັນເຈົ້າຊາຍນ້ອຍເວລາ 6 ໂມງເຊົ້າທີ່ຕັ່ງສາທາລະນະແຫ່ງໜຶ່ງ, ເດັກຊາຍທີ່ຖືກຖີ້ມມີອາຍຸປະມານ 7 ມື້ ແມ່ໄດ້ເອົາມາຖີ້ມພ້ອມຜ້າອ້ອມ ແລະເຄື່ອງເດັກນ້ອຍຈຳນວນໜຶ່ງ.

ຈາກການສອບຖາມຜູ້ເຫັນເຫດການເລົ່າວ່າ ຕອນເຊົ້າປະມານ 6 ໂມງຕົນຍ່າງມາຮອດແຖວນັ້ນພໍດີ ປະກົດວ່າເປັນໄດ້ຍິນສຽງເດັກນ້ອຍຮ້ອງຄ່ອຍໆມາຈາກເຂດໃກ້ຄຽງ ສັງເກດແຕ່ບໍເຫັນຫຍັງມີແຕ່ຖົງສີດຳວາງຢູ່ ຈິ່ງເຂົ້າໄປເບິ່ງໃກ້ໆພົບວ່າມີເດັກນ້ອຍເພຈຊາຍນຳຢູ່ໃນນັ້ນ ຈິ່ງຮີບໂທເອີ້ນເຈົ້າໜ້າທີ່ຕຳຫຼວດມາເອົາຕົວເດັກໄປສົ່ງໂຮງໝໍທີ່ໃກ້ທີ່ສຸດເພື່ອຄວາມປອດໄພ.

ເລື່ອງນີ້ເຖິງບໍ່ເກີດຢູ່ບ້ານເຮົາ ແຕ່ສາມາດນຳມາເປັນອຸທາຫອນໃຫ້ສາວໆ ແລະແມ່ໆທັງຫຼາຍໄດ້ເປັນຢ່າງດີ ການຖືພາລູກຄົນໜຶ່ງບໍ່ແມ່ນເລື່ອງງ່າຍ ເດັກຄົນໜຶ່ງກ່ອນຈະໄດ້ມາເກີດເປັນລູກຕ້ອງຜ່ານຫຍັງມາ ແລະເກີດມາຕ້ອງແລກດ້ວຍຊີວິດເຫດໃດ ຕ້ອງເອົາໄປຖີ້ມ ຖ້າບໍ່ພ້ອມຈະລ້ຽງແທ້ຄວນໄປເກີດຢູ່ໂຮງໝໍໃຫ້ຄົນທີ່ຢາກມີລູກມາຮັບໄປລ້ຽງໃຫ້ເຂົາມີຊີວິດທີ່ດີ ດີກວ່າການເອົາເດັກໄປຖີ້ມຖ້າບໍມີຄົນເຫັນອາດອັນຕະລາຍເຖິງຊີວິດ.

ກ້າຫໍ່ລູກຖີ້ມ