ສາກໂທລະສັບຟັງເພງໄປເພີນໆລາໂລກໃນສະພາບນັ້ນເລີຍ

ສາກໂທລະສັບຟັງເພງໄປເພີນໆລາໂລກໃນສະພາບນັ້ນເລີຍ

25th September 2020 0 By Education

ເຄື່ອງມືອຸປະກອນດ້ານເຕັກໂນໂລຊີແມ່ນວ່າຫຼິ້ນແລ້ວມັນມີແລ້ວມ່ວນ ຍີ້ມນຳມັນໄດ້ທຸກວັນຫຼາຍຄົນຈົນຂາດບໍໄດ້ຮ້າຍກວ່າຄົນຕິດຝິ່ນສະໄໝແຕ່ກີ້ ແຕ່ທ່ານຄວນຮູ້ຈຳກັດເວລາໃນການຫຼິ້ນ ເພື່ອຮັກສາສຸຂະພາບຕາ ແລະສຸຂະພາບຈິດ, ອັນສຳຄັນໄປກວ່ານັ້ນ ຕ້ອງຖະໜອມຊີວິດໂຕເອງເມື່ອເຄື່ອງກຳລັງສາກຄວນປະໃຫ້ເຕັມກ່ອນຈິ່ງຫຼິ້ນ ບໍ່ຄວນຫຼິ້ນລະຫວ່າງສາກເພາະຖ້າເຜີຫຼັບໄປ ຫຼື ໄຟຮົ່ວຈະເກີດການຜິດພາດເຖິງຊີວິດໄດ້.

ມື້ນີ້ແອັດເອົາເລື່ອງລາວເຕືອນໃຈມາຝາກຫຼາຍໆຄົນທີ່ກຳລັງພາຕົນເອງໄປຕາມທາງສາຍນັ້ນຄື ໃສ່ສາຍສະເບົ້າຟັງໃນຂະນະນອນຫຼັບຄາສາຍສາກ ຫຼາຍເທື່ອທີ່ແອັດເອົາຂ່າວແບບນີ້ລົງກໍ່ມີຄົນມາຕອບບອກວ່າຖ້າສາຍຂອງແທ້ບໍ່ເປັນຫຍັງ ແຕ່ເຖິງຈະເປັນຂອງແທ້ຫຼືປອມຂະນະທີ່ສາກຢູ່ບໍ່ຄວນຫຼິ້ນ ຍິ່ງສາກ ແລະນອນຫຼິ້ນນອນຟັງຍິ່ງບໍ່ຄວນເຮັດເພາະຫຼັບໄປແລ້ວບໍ່ຮູ້ອັນຕະລາຍຈະເກີດຂຶ້ນເມື່ອໃດ.

ຊາຍໜຸ່ມຜູ້ເຄາະຮ້າຍລາຍນີ້ເປັນຊາວຊາວໄທ ໄວ 32 ປີ ເປັນຄົນຈັງຫວັດອຸບົນ ແຕ່ມາເສຍທີ່ນະຄອນປະຖົມ ເຊິ່ງເພິ່ນໄດ້ຈາກໄປຢ່າງສະຫງົບໃນຫ້ອງເຊົ່າແຫ່ງໜຶ່ງ ໃນສະພາບບໍ່ນຸ່ງເສື້ອ ມີແຕ່ໂສ້ງຂາສັ້ນຄາຄີງ ແລະ ມີມືຖືຢູ່ຂ້າງຕົວຍັງຄາສາຍສະເບົ້າຟັງຫູຢູ່ ສ່ວນສາຍສາກພາດຢູ່ຄໍຍັງສຽບຄາປັກໄຟ.

ເທິງຫົວບ່ອນນອນຍັງມີໂທລະສັບອີກເຄື່ອງສາກໄຟໄວ້ຢູ່, ເຈົ້າໜ້າທີ່ເຂົ້າກວດແລ້ວບໍ່ພົບຮ່່ອງຮອຍການຕໍ່ສູ້ທຳຮ້າຍຮ່າງກາຍແຕ່ຢ່າງໃດ ນອກຈາກຮ່ອງຮອຍໄຟ ຈິ່ງຄາດວ່າຜູ້ກ່ຽວເສຍຍ້ອນໄຟຊັອດລະຫວ່າງນອນຟັງເພງ ແລະສາກໄປນຳ ເຊິ່ງໄດ້ຈາກໄປແລ້ວຢ່າງໜ້ອຍ 5-6 ຊົ່ວໂມງກ່ອນມີຄົນໄປພົບເຫັນ.