ບອກ 5 ພຶດຕິກຳປ່ຽນຊີວິດ, ລອງເບິ່ງທ່ານຄວນປັບປຸງຈຸດໃດ

ບອກ 5 ພຶດຕິກຳປ່ຽນຊີວິດ, ລອງເບິ່ງທ່ານຄວນປັບປຸງຈຸດໃດ

28th September 2020 0 By Education

ໃນຍຸກນີ້ມີໂຊຊຽວເປັນສັງຄົມຂອງຄົນໝູ່ມາກ ຄົນສ່ວນໜຶ່ງຈິ່ງເລືອກໃຊ້ຊີວິດໂຊຫຼູຢາກໃຫ້ໝູ່ເຫັນ ຫາແນວເດັດໆແພງໆມາອວດ ບາງຄັ້ງຈົນຕົກໃຈ ຈາກກັນບໍ່ເທົ່າໃດໝູ່ປ່ຽນໄປເປັນຄົນລະຄົນມີເງິນຖານະດີໃຊ້ຂອງແພງຢ່າງຜິດຫູຜິດຕາຈົນແອບອິດສາພຸ້ນລະ ຖ້າເປັນແບບນັ້ນແທ້ໃນຊີວິດຈີງດີຂຶ້ນກໍ່ເປັນສິ່ງທີ່ດີ ແຕ່ຖ້າຫາກເປັນການສ້າງພາບຕິດຫຼູຊີວິດອາດມີບັນຫາໄດ້ ສຳຄັນກໍ່ແມ່ນບັນຫາເລື່ອງການເງິນທີ່ລາຍຮັບບໍ່ກຸ້ມລາຍຈ່າຍ. ເຮົາມາຮູ້ກັນວ່າ ພຶດຕິກຳແບບໃດທີ່ເຮັດໃຫ້ສູນເສຍເງິນແບບບໍ່ກຸ້ມຄ່າກັບການເຮັດວຽກຫາເງິນ

ເສື້ອຜ້າ, ເຄື່ອງປະດັບ: ເຊື່ອເລີຍວ່າຫຼາຍໆຄົນເວລາໄປກິນເຂົ້າສວາຍ, ໄປເລາະທາງໃດມັກຈະຝາກສາຍຕາໄປຍັງບັນດາຮ້ານຂາຍເຄື່ອງປະດັບ, ຮ້ານເສື້ອຜ້າ ເຊິ່ງປຽບເໝືອນແຂກບໍໄດ້ຮັບເຊີນ ແຕ່ທຸກຄົນມັກຈະສິ້ນເປືອງໄປກັບເຄື່ອງພວກນີ້ຫຼາຍ ເພາະສ່ວນໃຫຍ່ກໍແມ່ນວັດຖຸຕັດສິນຈິດໃຈ ຖ້າຄິດດີໆເຄື່ອງພວກນີ້ຈະເກີນຄວາມຈຳເປັນສະເໝີຍິ່ງຖ້າຄົບໝູ່ທີ່ມັກອັບເດດກັບແຟຊັນກໍ່ຍິ່ງສິ້ນເປືອງໄປໃຫຍ່ ໝູ່ປ່ຽນເຮົາຕ້ອງຕາມ….


ທາງອອກສຳລັບນັກຊັອບທັງຫຼາຍ  ຄວນຈຳກັດວົງເງິນໃນແຕ່ລະເດືອນເລີຍວ່າ ຈະຊື້ເສື້ອຜ້າໃຫ້ໄດ້ເທົ່າໃດ ຫຼື ຖ້າເປັນໄປໄດ້ໃຫ້ນຳເງິນສົດຕິດຕົວໜ້ອຍລົງໃຫ້ພໍປະມານ ເພື່ອບໍເຫຼືອເງິນຊື້ເສື້ອຜ້າ ເຄື່ອງປະດັບອີກ.
ກິນກາເຟຍີ່ຫໍ້ດັງ:  ລາຍໄດ້ໜ້ອຍຄ່ານິຍົມສູງ ມັກຈະເຫັນຫຼາຍໃນປະຈຸບັນຄົນທີ່ມີລາຍໄດ້ໜ້ອຍແຕ່ນິຍົມກິນກາເຟຍີ່ຫໍ້ດັງທີ່ມີລາຄາຈອກລະຫຼາຍສິບພັນ ເຊິ່ງບໍ່ໄດ້ກິນມື້ດຽວແຕ່ກິນເກືອບທຸກວັນ ເມື່ອສະເລ່ຍຕໍ່ເດືອນກໍ່ຕົກເປັນເງິນຈຳນວນບໍ່ໜ້ອຍເລີຍ.

ທາງອອກສຳລັບຜູ້ມີນິໄສແບບນີ້ ລອງມາປ່ຽນມາບໍລິໂພກກາເຟທີ່ມີລາຄາຖຶກລົງ ບາງຄັ້ງກໍບໍໄດ້ໝາຍເຖິງວ່າກາເຟທີ່ແພງເທົ່ານັ້ນຈິ່ງໄດ້ລົດຊາດ ບາງຄັ້ງກາເຟແຄມທາງລາຄາຖືກກໍ່ໄດ້ລົດຊາດເຊັ່ນດຽວກັນ ຍັງຊ່ວຍປະຢັດຄ່າໃຊ້ຈ່າຍໄດ້ອີກ.

3. ໜີ້ຈາກການຜ່ອນສິນຄ້າ: ຍຸກນີ້ມັກມີສິນຄ້າລໍ້ໃຈ ໂດຍສະເພາະພວກເຄື່ອງໃຊ້ຂອງສອຍ, ເຄື່ອງໄຟຟ້າ, ອີເລັກໂຕນິກຕ່າງໆ ເມື່ອເງິນເດືອນອອກກໍ່ຈະໄປຖົມກັບໜີ້ພວກນັ້ນຈົນໝົດ ແຕ່ບາງຄັ້ງສິ່ງທີ່ເປັນໜີ້ຢູ່ທຸກເດືອນອາດບໍ່ແມ່ນສິ່ງທີ່ຈຳເປັນ ພຽງແຕ່ເປັນສິນຄ້າຟຸມເຟືອຍເຊັ່ນ: ມືຖືອອກໃໝ່, ລົດຫຼູ ຕ່າງໆ.

ເຖິງແມ່ນການຜ່ອນສິນຄ້າຈະຊ່ວຍແບ່ງເບົາຄວາມຕ້ອງການໃຊ້ເງິນໄດ້ລະດັບໜຶ່ງແຕ່ຖ້າຫາກທ່ານມີຖານະການເງິນບໍ່ໝັ້ນຄົງ ຫຼື ບໍ່ມີເງິນເກັບເລີຍ ອາໄສເງິນເດືອນທີ່ພໍກຸ້ມກິນມາຜ່ອນສິນຄ້າ ແນະນຳວ່າບໍ່ຄວນເລືອກຜ່ອນດີກວ່າເພາະຖ້າຫາກວັນໜຶ່ງທ່ານຕ້ອງໃຊ້ເງິນທັງໝົດລວມທັງສ່ວນທີ່ຕ້ອງຈ່າຍຜ່ອນ ທ່ານອາດຕ້ອງໄດ້ຂາຍທຸກຢ່າງມາໃຊ້ໜີ້ ເນື່ອງຈາກເຈົ້າໜີ້ກໍ່ຄືເຈົ້າໜີ້.

4. ດື່ມສະຫຼອງທຸກອາທິດ: ການເຮັດວຽກຢ່າງອິດເມື່ອຍຕະຫຼອດທັ້ງອາທິດ ຄວນທີ່ຈະນອນ ຫຼື ຫາໂອກາດພັກຜ່ອນ ປ່ຽນບັນຍາກາດ ແຕ່ບໍ່ຈຳເປັນດື່ມສະຫຼອງດ້ວຍການດື່ມຈົນລືມຄິດເຖິງເງິນໃນຖົງ ແບບວ່າໄດ້ເງິນວັນສຸກຖອນເງິນວັນເສົາກິນດື່ມວັນອາທິດຈົນກ້ຽງ ວັນຈັນເມົາຄ້າງຄອບພັກວຽກ ເປັນແບບນີ້ບໍ່ລ້ຽງບໍ່ໃຫຍ່ແນ່ນອນ.

ເພາະການປາຕິີ້ເຮຮານັ້ນເປັນການສິ້ນເປືອງເງິນຢ່າງບໍ່ຄຸ້ມຄ່າທີ່ສຸດ ດັ່ງນັ້ນ, ຈິ່ງຄວນຫາວິທີການຜ່ອນຄາຍວັນພັກທີ່ເໝາະສົມກວ່າເຊັ່ນ ເບິ່ງໜັງຟັງເພງ ອ່ານໜັງສື ຊວນຄົນໃກ້ຊິດມາແຕ່ງກິນສົນທະນາເລື່ອງລາວຕ່າງໆໂດຍປາສະຈາກການກິນຈະສາມາດປະຢັດຄ່າໃຊ້ຈ່າຍໄດ້ບໍ່ໜ້ອຍເລີຍ.

5. ຊື້ຫວຍ: ການຊື້ຫວຍສ່ຽວໂຊກ ຮູ້ວ່າເປັນທຳນອງຄອງທຳຂອງຄົນຈຳນວນບໍ່ໜ້ອຍ ເຖິງແມ່ນຈະຊື້ເສຍເງິນມື້ລະໜ້ອຍແຕ່ກໍ່ເປັນການເສຍລາຍວັນທີ່ບໍ່ມີປະໂຫຍດຫຍັງເລີຍ ຖ້າຊື້ເສື້ອຜ້າຍັງພໍໄດ້ໃສ່, ກາເຟຍັງໄດ້ກິນ ການສະຫຼອງຢ່າງໜ້ອຍກໍ່ຍັງມ່ວນ ແຕ່ເຮົາເອົາມາຊື້ເລກ 100 ວັນພັນມື້ຖືກຈັກເທື່ອ ນອກຈາກເຈ້ຍໃບດຽວທີ່ລໍລຸ້ນຜົນການຈັກສະຫຼາກ.

ສະນັ້ນຕ້ອງຕັ້ງໃຈເກັບເງິນ ແຕ່ບໍແມ່ນໃຊ້ເງິນໄປກັບການສ່ຽງໂຊກ ເພາະໂອກາດທີ່ຈະຖືກຫວຍເຖິງຂັ້ນພິກຊີວິດມີພຽງ 1 ໃນລ້ານເທົ່ານັ້ນ ແຕ່ເງິນທີ່ເຮົາຫາມາໄປຊື້ຫວຍຕ້ອງແລກມາດ້ວຍຢາດເຫື່ອ ແຮງກາຍ ແລະວັນເວລາ ເຮົາເຮັດວຽກເພື່ອແລກມັນມາ.