ສານໃນຈີນຕັດສິນລົງໂທດໜັກ ຄູໂຮງຮຽນອະນຸບານ ຫຼັງກໍ່ເຫດສະລົດກັບເດັກນ້ອຍໝົດຫ້ອງ ເພື່ອແກ້ແຄ້ນ!!

ສານໃນຈີນຕັດສິນລົງໂທດໜັກ ຄູໂຮງຮຽນອະນຸບານ ຫຼັງກໍ່ເຫດສະລົດກັບເດັກນ້ອຍໝົດຫ້ອງ ເພື່ອແກ້ແຄ້ນ!!

30th September 2020 0 By Education

ສໍານັກຂ່າວ ຟັອກນິວ ລາຍງານວ່າ ສານທ້ອງຖິ່ນເມືອງຈຽວຈົ່ວໃນມົນທົນເຫີໜານຂອງຈີນ ມີຄໍາພິພາກສາຕັດສິນໃນວັນຈັນທີ 28 ກັນຍາ 2020 ທີ່ຜ່ານມາ ວ່າໃຫ້ລົງໂທດເຖິງຊີວິດ ນາງ ຫວັງ ຫຍຸນ ອາດີດຄູໂຮງຮຽນອະນຸບານແຫ່ງໜຶ່ງ ຜູ້ກໍ່ເຫດວາງຢາເດັກນ້ອຍເຖິງ 25 ຄົນ ເຮັດໃຫ້ໜຶ່ງໃນນັ້ນ ເສຍຊີວິດ ເພື່ອແກ້ແຄ້ນເພື່ອຮ່ວມງານທີ່ບໍ່ເຫັນດີນໍາໃນການຈັດການດູແລນັກຮຽນ.

ເດັກນ້ອຍລົ້ມປ່ວຍຈໍານວນຫຼາຍ

ເຫດການນີ້ເກີດຂຶ້ນໃນເດືອນມີນາຄົມ 201ໍ9 ນາງ ຫວັງ ຫຍຸນ ລັກໃສ່ສານພິດເຊິ່ງອັນຕະລາຍເຖິງຊີວິດໄດ້ຫາກຮັບປະທານໃນປະລິມານທີ່ຫຼາຍ ລົງໃນອາຫານເຊົ້າຂອງເດັກນັກຮຽນ ເຮັດໃຫ້ເດັກນ້ອຍ 23​ຄົນລົ້ມປ່ວຍ ບາງຄົນໝົກສະຕິ ແລະ ໜຶ່ງໃນນັ້ນ ເຖິງຂັ້ນເສຍຊີວິດ ກ່ອນທີ່ຜູ້ກ່ຽວຈະຖືກຈັບຕົວໄດ້.

ນອກຈາກນັ້ນ ນາງຫວັງ ຍັງມີປະຫວັດພະຍາຍາມໃຊ້ສານເຄມີຕົວດຽວກັນ ວາງຢາສາມີຂອງຕົນເອງ ແຕ່ສາມີກໍ່ລອດມາໄດ້ໂດຍມີອາການປ່ວຍເລັກນ້ອຍ.

ຜູ້ພິພາກສາສານເມືອງຈຽວຈົ່ວ ລະບຸລະຫວ່າງການພິພາກສາວ່າ: ພຶດຕິກໍາຂອງນາງຫວັງນັ້ນຊົ່ວຮ້າຍ ຜົນທີ່ຕາມມາຈາກການກໍ່ອາດຊະຍາກໍາຂອງລາວນັ້ນ ຮຸນແຮງຫຼາຍ ແລະ ລາວສົມຄວນຖືກລົງໂທດຢ່າງໜັກ ຂະນະທີ່ສື່ທ້ອງຖິ່ນຄາດວ່ານາງຫວັງຈະຖືກລົງໂທດດ້ວຍຮູບການຕ່າງໆ.

ທີ່ມາ: ໄທລັດ