ເບິ່ງຊ່ວຍກັນ! ນີ້ຄືສາເຫດຕົ້ນຕໍຂອງນໍ້າຖ້ວມຂັງ ແລະ ກິ່ນເໝັນອົບອວນໄປທົ່ວ

ເບິ່ງຊ່ວຍກັນ! ນີ້ຄືສາເຫດຕົ້ນຕໍຂອງນໍ້າຖ້ວມຂັງ ແລະ ກິ່ນເໝັນອົບອວນໄປທົ່ວ

1st October 2020 0 By Education

ເຊື່ອວ່າຫຼາຍທ່ານທີ່ໃຊ້ຊີວິດຢູ່ໃນຕົວເມືອງນະຄອນຫຼວງວຽງຈັນ ບໍ່ຫຼາຍກໍ່ໜ້ອຍ ຈະປະສົບກັບສິ່ງເຫຼົ່ານີ້ນັ້ນກໍ່ຄື ຮ່ອງລະບາຍນໍ້າຕັນ ສົ່ງກິ່ນເໝັນໄປທົ່ວ ຍິ່ງໄປກວ່ານັ້ນ ເວລາຝົນຕົກ ຖະໜົນຫົນທາງກໍ່ກາຍເປັນແມ່ນໍ້າ ມີນໍ້າໂຫ້ງຂັງ ເຮັດໃຫ່ການສັນຈອນຕິດຂັດຫຍຸ້ງຍາກຫຼາຍ, ຫຼ້າສຸດ ໜ່ວຍງານກ່ຽວຂ້ອງເຂົ້າມາແກ້ໄຂສາເຫດຕົ້ນຕໍຂອງເລື່ອງນີ້ແລ້ວ.

ສິ່ງເສດເຫຼືອຄ້າງຫຼາຍອັນເປັນສາເຫດຂອງກິ່ນເໝັນ ແລະ ນໍ້າໂຫ້ງທາງ

ວັນທີ 24-28 ກັນຍາ 2020 ຫ້ອງການ ຄຸ້ມຄອງ ແລະ ບໍລິຫານຕົວເມືອງ (ຄບຕ) ນະຄອນຫຼວງວຽງຈັນ ໄດ້ອະນາໄມລ່ວງຮ່ອງລະບາຍນຳ້ຖະໜົນສຸພານຸວົງແຕ່ຫນ້າໂຮງແຮມ ລາວເທລ (ເມີກ້ຽວ ເກົ່າ) ຫາ ຫນ້າຮ້ານຂາຍລົດຟອດ ເຊີ່ງມີຄວາມຍາວປະມານ 300 ແມັດ.


ວັນທີ 29 ກັນຍາ 2020 ຫ້ອງການ ຄບຕ ໄດ້ອະນາໄມລ່ວງຮ່ອງລະບາຍນໍ້າາທາງເຂົ້າຫ້ອງການປົກຄອງເມືອງສີສັດຕະນາກ ນັບແຕ່ເຂດໂຮງຮຽນ ວິຣິລາມົງແຕສໂຊຮີ ເຂົ້າໄປຫາຫ້ອງການປົກຄອງເມືອງ ເຊີ່ງມີຄວາມຍາວປະມານ 150 ແມັດ.

ເພື່ອແກ້ໄຂບັນຫານໍ້າຖ້ວມອັ່ງຂັງ ແລະ ຮັບປະກັນໃຫ້ນໍ້າໄຫຼສະດວກດີໃນເວລາຝົນຕົກ; ພ້ອມນີ້ ຮຽກຮ້ອງມາຍັງພໍ່ແມ່ປະຊາຊົນທີ່ອາໃສຢູ່ໃນນະຄອນຫລວງວຽງຈັນ ຈົ່ງເປັນເຈົ້າການຮ່ວມກັນໃນການຮັກສາຄວາມສະອາດ ໂດຍບໍຖີ້ມສີ່ງເສດເຫຼືອຕ່າງໆຊະຊາຍ ແລະ ສີ່ງເສດເຫຼືອລົງຮ່ອງລະບາຍນໍ້າເດັດຂາດ.