ສະເທືອນໃຈ! ເດັກນ້ອຍກໍ່ເຫດປິດຊີບຕົນເອງ ຫຼັງຖືກແມ່ລົງໂທດຕໍ່ໜ້າໝູ່ ຍ້ອນເຮັດຜິດມາ

ສະເທືອນໃຈ! ເດັກນ້ອຍກໍ່ເຫດປິດຊີບຕົນເອງ ຫຼັງຖືກແມ່ລົງໂທດຕໍ່ໜ້າໝູ່ ຍ້ອນເຮັດຜິດມາ

2nd October 2020 0 By Education

ຈາກການລາຍງານຂອງສໍານັກຂ່າວຈີນ ລະບຸວ່າ: ເດັກນ້ອຍນັກຮຽນ 14ປີ ຈາກເມືອງອູຮັ່ນ ປະເທດຈີນ ໄດ້ໂດດລົງຈາກຕຶກອາຄານຮຽນຊັ້ນທີ 5 ຫຼັງຈາກທີ່ຖືກແມ່ຕີຕໍ່ໜ້າໝູ່ຫຼາຍຄົນ.


ສ່ວນສາເຫດທີ່ແມ່ຕີນັ້ນ ເປັນຍ້ອນລາວຖືກອາຈານຈັບໄດ້ວ່າລັກໄປຫຼິ້ນໄພ້ນໍາໝູ່ ອາຈານຈຶ່ງໂທແຈ້ງຜູ້ປົກຄອງໃຫ້ຮູ້ ແລະ ຖືກລົງໂທດໃຫ້ມາຢືນຢູ່ບໍລິເວນທາງຍ່າງໃນອາຄານ.


ເມື່ອແມ່ຂອງເດັກຄົນນີ້ມາຮອດ ຜູ້ກ່ຽວມາດ້ວຍຄວາມໂມໂຫໃຈຮ້າຍໃສ່ລູກຊາຍໃນບໍລິເວນທາງຍ່າງອາຄານຮຽນ ກ່ອນທີ່ຈະຕົບໜ້າລູກຊາຍຕໍ່ໜ້າໝູ່ຂອງລູກໆ ແລະ ອາຈານຈຶ່ງໄດ້ພາແມ່ຂອງລາວອອກຈາກຈຸດນັ້ນ.

ເຫດການຫຼັງຈາກນັ້ນບໍ່ດົນຄືເດັກຊາຍຢືນມິດຢູ່ປະມານ 3ນາທີ ກ່ອນຈະຕັດສິນໃຈປິດຊີວິດຕົນເອງ.