ຕິດໂຄວິດຈົນໄດ້ ຜູ້ນຳມະຫາອຳນາດສະຫະລັດອາເມລິກາ

ຕິດໂຄວິດຈົນໄດ້ ຜູ້ນຳມະຫາອຳນາດສະຫະລັດອາເມລິກາ

2nd October 2020 0 By Education

ເປັນຂ່າວສະເທືອນໂລກ ເມື່ອປະທານາທິບໍດີໂດນັນທຣັ້ມໄດ້ໂພສໃນທະວິດເຕີແຈ້ງຂ່າວຮ້າຍວ່າ ຕົນ ແລະພັນລະຍາໄດ້ກວດພົບວ່າຕິດພະຍາດລະບາດໂຄວິດ 19 ທັ້ງທີ່ປະເທດມະຫາອຳນາດຢ່າງສະຫະລັດອາເມລິກາ ລະດັບການນຳສູງສຸດແບບທຣັ້ມເປັນຢູ່ຍາກທີ່ຄົນທຳມະດາຈະເຂົ້າເຖິງໄດ້.

ທັ້ງນີ້ ກ່ອນທີ່ທຣັ້ມຈະອອກມາປະກາດວ່າຕົນ ແລະພັນລະຍາຕິດໂຄວິດນັ້ນ ໂຮບ ຣິກ ທີ່ປຶກສາຄົນສະໜິດ ຫາກໍ່ປະກາດມີຕົນຕິດເຊື້ອໂຄວິດ-19 ແລ້ວ ທ່ານປະທານາທິບໍດີ ແລະພັນລະຍາຈິ່ງຕ້ອງຮີບກັກຕົວ ແລະເກັບຕົວຢ່າງໄປກວດປະກົດວ່າ ຜົນອອກມາເປັນບວກ ເຊິ່ງຂະນະນີ້ ທັງທຣັ້ມ ແລະສັດຕີໝາຍເລກ1 ຂອງສະຫະລັດຈະເລີ່ມກັກຕົວຢູ່ເຮືອນ ພ້ອມຮັກສາຕົນເອງຕໍ່ໄປ.

ທັ້ງນີ້ມາຮອດປະຈຸບັນ ທົ່ວໂລກມີຜູ້ຕິດເຊື້ອລວມທັງໝົດ 33.517.055 ຄົນ ເສຍຊີວິດແລ້ວ 1.028.194 ຄົນ ໃນນັ້ນຫຼາຍກວ່າໝູ່ແມ່ນສະຫະລັດອາເມລິກາ ມີຍອດຜູ້ຕິດເຊື້ອລວມ 7,4 ລ້ານກວ່າຄົນ, ເສຍຊີວິດແລ້ວ 2 ແສນກວ່າຄົນ, ຮອງລົງມາປະເທດອິນເດຍ 6,3 ລ້ານຄົນ, ເສຍຊີວິດລວມ 99.800 ກວ່າຄົນ.

ສຳລັບມື້ນີ້ຜູ້ຕິດເຊື້ອໃໝ່ສູງສຸດມື້ນີ້ແມ່ນຣັດເຊຍ 9.400 ກວ່າຄົນ, ອິນເດຍ 5.900 ກວ່າຄົນ, ແມັກຊີໂກ 5.099 ຄົນ ອິນໂດເນເຊຍ ແລະຟີລິບປິນປະເທດລະ 4.000 ກວ່າຄົນ ໂດຍລວມຍັງບໍ່ມີທີທ່າຈະຫຼຸດລົງເລີຍເຖິງແມ່ນຫຼາຍປະເທດຈະມີວັກຊິນແລ້ວກໍ່ຕາມ.