ມີແຕ່ແນວກິນແລ້ວຈຸກ ພົບປາມືກແຊ່ສານດອງສົບເຄິ່ງໂຕນ

ມີແຕ່ແນວກິນແລ້ວຈຸກ ພົບປາມືກແຊ່ສານດອງສົບເຄິ່ງໂຕນ

2nd October 2020 0 By Education

ອາຫານການກິນແຊ່ສານດອງສົບ ຫຼື ຟໍມາລິນ ສິ່ງນີ້ທຸກຄົນຕ້ອງຮູ້ ເຮົາບໍ່ມີທະເລປາມຶກກ່ອນຈະມາຮອດບ້ານເຮົາບໍຮູ້ຜ່ານຈັກຂັ້ນຕອນ ແລະຍັງມາວາງຂາຍເປັນເວລາຫຼາຍວັນໄດ້ແບບບໍ່ມີສະທົກສະທ້ານ ນັ້ນສະແດງວ່າມີແນວກັນບູດກັນເໜົ່າປົນເປື້ອຍຢູ່ນຳ  ແຕ່ຫຼາຍຄົນກໍ່ອົດບໍໄດ້ຢູ່ດີເພາະຂອງມັນມັກລະຈະເຮັດຈັ່ງໃດລະນໍ!!!! ແນວໃດກໍ່ຕາມແອັດ ສຶກສາ-ໄອທີ ຂໍໃຫ້ຫຼີກໆແນ່ກໍ່ດີເພື່ອສຸຂະພາບຕົວທ່ານເອງ.

ເພາະບໍ່ວ່າການລົງກວດເທື່ອໃດລ້ວນພົບທັ້ງນັ້ນ ປາມຶກແຊ່ສານເຄມີ ປະເພດຟໍມາລິນ(ດອງສົບ) ຫຼ້າສຸດການຄ້ານະຄອນຫຼວງ ໄດ້ຢືດປາມືກຈຳນວນຫຼາຍເຖິງ 500 ກວ່າກິໂລໄປທຳລາຍຖີ້ມເນື່ອງຈາກເປັນຫ່ວງຄວາມບໍ່ປອດໄພຂອງຜູ້ບໍລິໂພກ.

ພິທີທຳລາຍປາໝຶກແຊ່ໂຊດາໄຟ ແລະ ມີສານຟໍມາລີນປົນເປື້ອນ ມີຂຶ້ນທີ່ສະໜາມຂີ້ເຫຍື້ອຫຼັກ 32 ໃນວັນທີ 2 ຕຸລາ 2020 ນີ້ເອງ ເຊິ່ງເຈົ້າໜ້າທີ່ກ່ຽວຂ້ອງໃຫ້ຮູ້ວ່າ: ການຍຶດປາໝຶກແຊ່ໂຊດາໄຟ ແລະ ມີສານຟໍມາລີນປົນເປື້ອນ ຊຸດນີ້ແມ່ນສືບເນື່ອງມາຈາກການລາຍງານຂອງພົນລະເມືອງດີ ໃນວັນທີ 30 ກັນຍາ 2020  ເຈົ້າໜ້າທີ່ກວດກາການຄ້າ ພະແນກ ອຄ.ນວ ຈິ່ງໄດ້ສົມທົບກັບ ຫ້ອງການອຸດສາຫະກໍາ ແລະ ການຄ້າເມືອງນາຊາຍທອງ ແລະ ອົງການປົກຄອງບ້ານນາງ່າ ລົງກວດກາສະຖານທີ່ປຸງແຕ່ງປາໝຶກແຊ່ ເຊິ່ງເປັນຂອງ ນາງ ພຸດທະສອນ ອາຊີບຄ້າຂາຍ, ປັດຈຸບັນຢູ່ ບ້ານນາງ່າ, ເມືອງນາຊາຍທອງ ຜ່ານການກວດກາພົບເຫັນປາໝັກແຊ່ໂຊດາໄຟ ຈໍານວນ 560 ກິໂລ ຄິດເປັນມູນຄ່າ 6,9 ລ້ານກີບ.


ອີງຕາມການສອບຖາມຜູ້ກ່ຽວໄດ້ຍອມຮັບວ່າຕົນເອງແມ່ນໄດ້ຊື້ປາໝຶກມາຈາກປະເທດເພື່ອນບ້ານ ຂົນສົ່ງໃສ່ລົດເມ ມາລົງຄີວລົດ 13 ໃຕ້ ໂດຍບໍ່ມີເອກະສານຢັ້ງຢືນແຫຼ່ງທີ່ມາເປັນຕົ້ນ: ໃບແຈ້ງເສຍພາສີ ແລະ ໃບຢັ້ງຢືນສຸຂານາໄມສັດ ມາປຸງແຕ່ງເປັນປາໝັກແຊ່ໂຊດາໄຟ ເພື່ອນຳສົ່ງຂາຍໃຫ້ລູກຄ້າຢູ່ບັນດາຕະຫຼາດ, ສ່ວນສະຖານທີ່ປຸງແຕ່ງປາມຶກແຊ່ໂຊດາໄຟ ແມ່ນບໍ່ມີອະນຸຍາດຈາກພາກສ່ວນທີ່ກ່ຽວ.

ສະນັ້ນ, ທາງເຈົ້າໜ້າທີ່ກວດກາການຄ້ານະຄອນຫຼວງວຽງຈັນ ຈຶ່ງໄດ້ເຮັດບົດບັນທຶກ, ຍຶດເອົາປາໝັກແຊ່ໂຊດາໄຟມາມາເກັບຮັກສາເພື່ອລໍຖ້າທຳລາຍຖີ້ມພ້ອມສຶກສາອົບຮົມຜູ້ກ່ຽວໃຫ້ຢຸດເຊົາ ພ້ອມດຽວກັນຍັງໄດ້ນຳເອົາຕົວຢ່າງໄປກວດຫາສານຕົກຄ້າງ ປະກົດວ່າ ພົບເຫັນສານເຄມີຟໍມາລິນປົນເປື້ອນ ບໍ່ສາມາດບໍລິໂພກໄດ້. ດັ່ງນັ້ນ, ຈຶ່ງໄດ້ອອກຂໍ້ຕົກລົງຮິບເປັນຂອງລັດ ແລະ ທຳລາຍຖິ້ມຕາມລະບຽບກົດໝາຍ.