ອຸທາຫອນ ຈູດພຸສະຫຼອງແຕກໃສ່ໜ້າເສຍຄາທີ່

ອຸທາຫອນ ຈູດພຸສະຫຼອງແຕກໃສ່ໜ້າເສຍຄາທີ່

3rd October 2020 0 By Education

ໜຸ່ມໃຫຍ່ອຸບົນຕັ້ງວົງສັງສັນກັບໝູ່ ຊື້ພຸມາຈູດສະຫຼອງບຸນອອກພັນສາ ແຕ່ໂຊກຮ້າຍສະເບີດໃສ່ໜ້າ ສະໝອງແຕກກະຈາຍ ເສຍຄາທີ່ ໝູ່ໄດ້ແຕ່ນັ່ງເບິ່ງຊ່ວຍຫຍັງບໍ່ທັນ.

ເຫດການເກີດຂຶ້ນເວລາ 19:20 ໂມງຂອງວັນທີ 2 ຕຸລາ 2020 ຈັງຫວັດອຸບົນຣາດຊະທານີ ຈາກການກວດສອບຂອງເຈົ້າໜ້າທີ່ກູ້ໄພພົບຜູ້ສູນເສຍຈາກເຫດການຄັ້ງນີ້ເປັນຊາຍໄວ 40 ປີ, ເພິ່ນນອນເສຍຢູ່ບໍລິເວນຂ້າງເຮືອນໃກ້ກັບທໍ່ຈູດພຸຂະໜາດໃຫຍ່ທີ່ຍິງອອກໄປແລ້ວ.

ສະພາບຂອງຊາຍໜຸ່ມຜູ້ໂຊກຮ້າຍຖືກແຮງພຸລະເບີດໃສ່ແຕ່ຫົວລົງຮອດໜ້າ ສະໝອງກະແຈກກະຈາຍ ເຊິ່ງໝູ່ທີ່ມາຮ່ວມສະຫຼອງບອກວ່າໃນວັນເກີດເຫດ ພາກັນໄປຊື້ອາຫານສົດມາແຕ່ຕະຫຼາດສົດ ເພື່ອມາແຕ່ງກິນສະຫຼອງອອກພັນສາ ໂດຍຜູ້ເສຍຊີວິດໄດ້ແຍກຈາກໝູ່ໄປຊື້ພຸດອກໄມ້ໄຟຂະໜາດໃຫຍ່ ເພື່ອສ້າງບັນຍາກາດໃຫ້ວົງກິນດື່ມ

ຊ່ວງເກີດເຫດຜູ້ເສຍຊີວິດໄດ້ນຳເອົາພຸໄປຈູດເປັນຊຸດສຸດທ້າຍ ເຊິ່ງຂະນະນັ້ນກຳລັງມີຝົນໂປຍລົງມາ ປະກົດວ່າບັ້ງພຸບໍ່ເຮັດວຽກ ແລະຕົວທໍ່ອຽງຈາກພື້ນຜູ້ກ່ຽວຈິ່ງເອົາມືໄປຈັບຕັ້ງໃຫ້ຕົງພ້ອມຍື່ນໜ້າໄປສ່ອງທໍ່ປາກ ທັນໃດນັ້ນພຸໄດ້ລະເບີດໃສ່ຈົນໜ້າຈີກເປັນຊິ້ນໆສະໝອງແຕກກະຈາຍ ແລະໄດ້ເສຍຊີວິດໃນທີ່ສຸດ.