ກ່ອນຊື້ຕ້ອງສຶກສາໃຫ້ດີ! 7 ວິທີເລືອກຊື້ຄອມໃຫ້ເຂົ້າກັບປີ 2020

ກ່ອນຊື້ຕ້ອງສຶກສາໃຫ້ດີ! 7 ວິທີເລືອກຊື້ຄອມໃຫ້ເຂົ້າກັບປີ 2020

28th January 2020 1 By Education

ໃກ້ໝົດເດືອນແລ້ວສໍາລັບເດືອນທໍາອິດຂອງປີ 2020 ຂໍໃຫ້ເປັນປີທີ່ດີຂອງທຸກໆຄົນ ບໍ່ວ່າຈະເປັນການໃຊ້ຊີວິດ, ໜ້າທີ່ການງານ, ຄວາມຮັກ, ສຸຂະພາບ ຫຼື ກະທັ້ງການຈັບຈ່າຍໃຊ້ສອຍຊື້ເຄື່ອງຂອງໃຊ້ຕ່າງໆ ກໍ່ຂໍໃຫ້ພົບແຕ່ແນວດີມີຄຸນນະພາບທັນຍຸກທັນສະໄໝ ໂດຍສະເພາະແມ່ຄອມພິວເຕີຕ້ອງເລືອກລຸ້ນທີ່ເໝາະສົມກັບການໃຊ້ງານໃນແຕ່ລະຍຸກສະໄໝ ເຊິ່ງມື້ນີ້ແອັດມິນໄດ້ຫາຂໍ້ມູນການເລືອກຊື້ຄອມໃຫ້ເຂົ້າກັບປີ 2020 ມາຝາກແຟນເພສທຸກທ່ານ.

1 ເລືອກ CPU GEN ຫຼ້າສຸດ: CPU GEN ຄ້າຍ INTEL ມີຫຼາຍຊະນິດໃຫ້ເລືອກເຊັ່ນ 8th Gen, 9th Gen ແລະ ໂຕຫຼ້າສຸດ 10th Gen ສ່ວນ 7th Gen ລົງໄປຈະບໍ່ຄ່ອຍຜະລິດອອກມາແລ້ວ ແນະນໍາໃຫ້ເລືອກຊື້ຕົວທີ່ສູງໄວ້ກ່ອນ ເພາະວ່າ GEN ສູງຈະເຮັດໃຫ້ຕົວເຄື່ອງເຮັດວຽກໄດ້ດີ, ເຄື່ອງແຮງ ແລະ ບໍ່ຕົກລຸ້ນໄວອີກ.


2 ເລືອກລະຫັດຂອງ CPU: CPU ແຕ່ລະລຸ້ນຈະມີລະຫັດລົງທ້າຍ ເຊິ່ງຈະບົ່ງບອກເຖິງຄຸນສົມບັດຂອງ CPU ຕົວນັ້ນ, ຕົວຢ່າງ Core i5-8265U, Core i7-9750H ເປັນລະຫັດທີ່ເຫັນໄດ້ຫຼາຍທີ່ສຸດໃນ Notebook. ລະຫັດ H ເປັນລະຫັດທີ່ເນັ້ນຄວາມແຮງໃນການໃຊ້ງານເໝາະສໍາລັບສາຍອອກແບບ, ຫຼິ້ນເກມ; ສ່ວນລະຫັດ U ເປັນລະຫັດເນັ້ນການປະຢັດພະລັງງານ, ເໝາະສໍາລັບສາຍເຮັດວຽກທົ່ວໄປ, ເບິ່ງໜັງ, ຟັງເພັງ.


3 ເລືອກປະເພດທີ່ເກັບຂໍ້ມູນ: ໂຕເກັບຂໍ້ມູນຂອງໂນດບຸກ ຈະແບ່ງອອກເປັນ 2ແບບຄື Harddisk(HDD) ແລະ Solid State Drives(SSD) ສອງຢ່າງນີ້ມີຄຸນສົມບັດຕ່າງກັນຄື HDD ເນື້ອທີ່ຫຼາຍແຕ່ຂຽນຊ້າກວ່າ SSD; ສ່ວນ SSD ເນື້ອທີ່ນ້ອຍແຕ່ຂຽນໄວກວ່າ HDD ແນະນໍາໃຫ້ເລືອກເປັນ SSD


4 ເລືອກປະເພດຂອງ RAM: ແຣມໂນດບຸກທີ່ນິຍົມໃຊ້ຫຼ່າຍໃນຕອນນີ້ແມ່ນ RAM DDR4 ເຊິ່ງຈະມີ BUS ຍ່ອຍອອກມາຄື DDR4(2133), DDR4(2400), DDR4(2666) ປັດຈຸບັນແຣມທີ່ມາກັບເຄື່ອງຈະມີຕັ້ງແຕ່ 4GB, 8GB, 16GB ຂຶ້ນໄປ ແຕ່ເວລາຊື້ມາແລ້ວເຮົາສາມາດເສີມແຣມຕາມຫຼັງໄດ້. ຖ້າຊື້ຄອມນໍາໃຊ້ທົ່ວໄປ ແນະນໍາເປັນ 4 to 8 GB BUS 2133-2400, ສ່ວນສາຍອອກແບບ, ຫຼິ້ນເກມ, ເຮັດວຽກໜັກ ແນະນໍາເປັນ 8GB BUS 2666-3000


5 ເລືອກຈາກກາດຈໍ GPU: ກາດຈໍໃນໂນດບຸກ ຈະແບ່ງອອກເປັນ 2ແບບຄື ກາດຈໍທີ່ມີ Chipset ໃນຕົວ(ກາດຈໍອອນບ໋ອດ) ແລະ ແຍກ Chipset (ກາດຈໍແຍກ), ເຊິ່ງບໍລິສັດທີ່ຜະລິດກາດແຍກຈໍອອກມາຈະມີແຕ່ NVIDIA ແລະ AMD ແຕ່ລະຄ້າຍກໍ່ຈະມີຊື່ເອີ້ນທີ່ແຕກຕ່າງກັນ. ສ່ວນການເລືອກ ຫາກນໍາໄປໃຊ້ງານໜັກ ໃຫ້ເລືອກກາດຈໍແຍກ 4GB ຂຶ້ນໄປ


6 ເລືອກຈາກໜ້າຈໍ: ໜ້າຈໍຂອງໂນດບຸກທີ່ນິຍົມກັນຈະມີ 14,15.6, 17.3 ນິ້ວ, ສໍາລັບການເລືອກຊື້ແນະນໍາໃຫ້ເບິ່ງຄວາມລະອຽດໜ້າຈໍພ້ອມເຊັ່ນ: ຈໍ HD(720p), Full HD (1080p), 2k ແລະ ຈໍ 4k, ເວລາເລືອກຊື້ເຮົາສາມາດສັງເກດຢູ່ຂອບຈໍໄດ້ວ່າເຄື່ອງໂຕນັ້ນຄວາມລະອຽດຈໍເທົ່າໃດ ຫາກຄວາມລະອຽດສູງເທົ່າໃດການສະແດງຜົນໜ້າຈໍແຮງຄົມຊັດເທົ່ານັ້ນ


7 ເລືອກຈາກ Port ເຊື່ອມຕໍ່: ພ໋ອດເຊື່ອມຕໍ່ຂອງເຄື່ອງກໍ່ສໍາຄັນຄືກັນໃນການເລືອກຊື້ໂນດບຸກ ແນະນໍາໃຫ້ເລືອກຊື້ເຄື່ອງທີ່ມີ Port USB 3.0, USB Type-C 3.1 ມາພ້ອມ ຈະເຮັດໃຫ້ການຖ່າຍໂອນຂໍ້ມູນໄວຂຶ້ນກວ່າ Port USB 2.0

ຂໍ້ມູນ ແລະ ພາບ: ຮ້ານຄອມຄອມ com.com