ສຸດສົງສານ! ນັກສຶກສາໃກ້ຮຽນຈົບ ເລັ່ງຫາເງິນທ້ອນໄວ້ກຽມຮັບປະລິນຍາ ແຕ່ຖືກໂຈນໃຈດໍາລັກໜີຈ້ອຍ

ສຸດສົງສານ! ນັກສຶກສາໃກ້ຮຽນຈົບ ເລັ່ງຫາເງິນທ້ອນໄວ້ກຽມຮັບປະລິນຍາ ແຕ່ຖືກໂຈນໃຈດໍາລັກໜີຈ້ອຍ

4th October 2020 0 By Education

ການໃຊ້ຊີວິດໃນສັງຄົມປັດຈຸບັນນີ້ຕ້ອງມີສະຕິຢ່າງສູງ ໂດຍສະເພາະການຮັກສາຊັບສິນ ຂອງມີຄ່າຂອງຕົນໃຫ້ຢູ່ໃນຄວາມປອດໄພ ແລະບໍ່ປະໝາດ ບໍ່ດັ່ງນັ້ນທ່ານອາດໂຊກຮ້າຍຄືໜຸ່ມຄົນນີ້ ອອກເຮືອນແຕ່ບໍ່ລັອກກະແຈ ຖືກໂຈນຫຼອຍເຂົ້າລັກເງິນໜີຈົນໝົດ.

ເຫດການທີ່ແອັດກໍາລັງກ່າວເຖິງຢູ່ນີ້ແມ່ນເກີດຂຶ້ນຢູ່ທີ່ປະເທດໄທ ແຕ່ຍ້ອນເຫັນວ່າມັນເປັນເລື່ອງໃກ້ຕົວ ແລະ ພົບເຫັນເກີດຂຶ້ນຫຼາຍໃນປັດຈຸບັນ ຈຶ່ງຢາກຍົກເອົາມາເຕືອນສະຕິໃຫ້ທຸກຄົນລະມັດລະວັງໃຫ້ຫຼາຍຂຶ້ນ ຢ່າວາງໃຈກັບທຸກເລື່ອງໃນຊີວິດ ຕ້ອງມີສະຕິຕະຫຼາດ ຢ່າເຫຼີງໃຈເດັດຂາດ.

ກ່າວມາຂະໜາດນີ້ ແອັດຂໍຍົກເອົາວິທີການຂອງໂຈນ ແລະ ບົດຮຽນຈາກຜູ້ເສຍຫາຍໃນຄັ້ງນີ້ມາໃຫ້ແຟນເພຈໄດ້ຮູ້ເພື່ອເປັນບົດຮຽນນໍາກັນ, ໂດຍເຫດການນີ້ເກີດຂຶ້ນເມື່ອວັນທີ 3 ຕຸລາ 2020 ທີ່ຜ່ານມາ; ໃນບ່ອນເກີດເຫດເປັນເຮືອນປູນຊັ້ນດຽວ ພົບຜູ້ເສຍຫາຍຊື່ ທ້າວທະນັນຊະກູນ ຍຸພານິດ ອາຍຸ 22ປີ, ເປັນພະນັກງານສົ່ງອາຫານ ພາຍໃນຫ້ອງນອນພົບຮ່ອງຮອຍຄົນຮ້າຍຄົ້ນຕູ້ເຄື່ອງນຸ່ງ ລັກເງິນສົດມນກະປຸກອອມສິນ 5.200 ບາດ, ພົບເງິນຫຼຽນ 3ບາດວາງຢູ່ເທິງບ່ອນນອນ, ສ່ວນຫ້ອງນອນຕິດກັນ ເຊິ່ງເປັນຫ້ອງຂອງພໍ່ແມ່ ຄົນຮ້າຍເຂົ້າໄປງັດຕູ້ເຄື່ອງນຸ່ງ ແຕ່ບໍ່ມີຊັບສິນມີຄ່າ.

ຂະນະດຽວກັນ ຜູ້ເສຍຫາຍເລົ່າວ່າ: ເມື່ອຮູ້ວ່າເງິນທີ່ເກັບທ້ອນມາຖືກລັກໄປ ເຖິງຂັ້ນເຂົ່າອ່ອນ ເພາະເປັນເງິນທີ່ທີ່ຈະເກັບໄວ້ຮັບປະລິນຍາໃນທ້າຍປີນີ້ ເຮັດໃຫ້ໝົດກໍາລັງໃຈ ເພາະທຸກມື້ນີ້ ເຮັດວຽກຫາເງິນກວ່າຈະໄດ້ແຕ່ລະບາດນັ້ນແສນລໍາບາກ ໃນຍຸກເສດຖະກິດແບບນີ້, ຂະນະດຽວກັນກໍ່ຍອມຮັບວ່າປະໝາດເອງທີ່ບໍ່ໃສ່ກະແຈລັອກເຮືອນໄວ້ດີໆ.

ແນວໃດກໍ່ຕາມ ດ້ານເຈົ້າໜ້າທີ່ຕໍາຫຼວດ ເຜີຍວ່າຄົນຮ້າຍອາດຮູ້ການເຄື່ອນໄຫວຂອງຜູ້ເສຍຫາຍ ແລະ ຄອບຄົວເປັນຢ່າງດີ ຈຶ່ງຶາໄສຊ່ວງເວລາທີ່ທຸກຄົນອອກໄປເຮັດວຽກ ເຂົ້າມາລັກເຄື່ອງ. ເຖິງຢ່າງໃດກໍ່ຕາມ ເຈົ້າໜ້າທີ່ຈະເລັ່ງເຮັດວຽກຕິດຕາມຫາຕົວໂຈນມາດໍາເນີນຄະດີຕໍ່ໄປ.

ທີ່ມາ: ໄທລັດ