ສຸດສົງສານ! ເດັກຊາຍປະສົບອຸບັດເຫດເສຍແຂນ ຕ້ອງໄປຫາໝໍດ່ວນ ແຕ່ຫ່ວງແມ່ຕາບອດພໍ່ຫູໜວກຖ້າຢູ່ເຮືອນ

ສຸດສົງສານ! ເດັກຊາຍປະສົບອຸບັດເຫດເສຍແຂນ ຕ້ອງໄປຫາໝໍດ່ວນ ແຕ່ຫ່ວງແມ່ຕາບອດພໍ່ຫູໜວກຖ້າຢູ່ເຮືອນ

6th October 2020 0 By Education

ໂລກອອນລາຍມີການແຊເລື່ອງລາວຂອງນ້ອງແມນຢູ ຊີວິດສຸດລັນທົດ ມີແມ່ຕາບອດ ພໍ່ຫູໜວກ ສ່ວນຕົວນ້ອງເອງຕາເບິ່ງເຫັນພຽງຂ້າງດຽວ ຖານະຂອງເຮືອນຍາກຈົນ ນ້ອງເປັນເດັກກະຕັນຍູ ຫາເງິນຊ່ວຍພໍ່ແມ່ ແຕ່ໂຊກຮ້າຍພົບອຸບັດເຫດຈົນເສຍແຂນ ແຕ່ໂຊກດີທີ່ມີການຊ່ວຍເຫຼືອໄວ ແລະ ຖືກຕ້ອງ ເຮັດໃຫ້ແພດໝໍສາມາດຕໍ່ແຂນນ້ອງຄືນໄດ້ ແຕ່ວິນາທີກ່ອນໄປໂຮງໝໍນັ້ນ ຍັງເປັນຫ່ວງ ແລະ ຖາມຫາພໍ່ແມ່ທີ່ລໍຖ້າຢູ່ເຮືອນ.

ເລື່ອງລາວທີ່ແອັດກ່າວມາຂ້າງເທິງນັ້ນແມ່ນເກີດຂຶ້ນທີ່ປະເທດໄທ ແຕ້ຍ້ອນເຫັນວ່າເປັນເລື່ອງລາວດີສື່ໃຫ້ເຫັນເຖິງຄວາມກະຕັນຍູຮູ້ຄຸນພໍ່ແມ່ ພ້ອມເປັນບົດຮຽນໃນການສູ້ຊີວິດໃຫ້ກັບຜູ້ທີ່ກໍາລັງທໍ້ຖອຍຢູ່ໄດ້ລຸກຂຶ້ນສູ້ ແລະ ເບິ່ງໂລກຄືນວ່າຄົນທີ່ໂຊກຮ້າຍກວ່າຕົວທ່ານຍັງມີອີກຫຼາຍ ດັ່ງນັ້ນ ເມື່ອຊີວິດບໍ່ສິ້ນກໍ່ຕ້ອງດີ້ນກັນຕໍ່ໄປ.

ແນວໃດກໍ່ຕາມ ຂໍກ້ຽວເຂົ້າມາຫາເລື່ອງນ້ອງແມນຢູອີກຄັ້ງ ທີ່ຫຼັງເກີດອຸບັດເຫດກໍ່ໄດ້ເຂົ້າຮັບການປິ່ນປົວ ແຕ່ດັ່ງທີ່ຮູ້ວ່າການຕໍ່ແຂນ ແມ່ນຕ້ອງມີຄ່າໃຊ້ຈ່າຍມະຫາສານ 1ແສນກວ່າບາດ ເຊິ່ງນ້ອງຕ້ອງຈ່ານຍເອງເພາະຄູ່ກໍລະນີບອກຝ່າຍເຂົາເຈົ້າບໍ່ຜິດ ເຊິ່ງນັ້ນໝາຍຄວາມວ່ານ້ອງຕ້ອງຈ່າຍເອງທັງໝົດ.

ແຕ່ທັງນີ້ທັງນັ້ນ ບຸນນ້ອງມີ ປັດຈຸບັນເລີ່ມມີຜູ້ໃຈບຸນເຂົ້າມາຊ່ວຍເຫຼືອ ຊ່ວຍແລ່ນເອກະສານ ຂໍຄວາມຊ່ວຍເຫຼືອຕໍ່ໂຮງໝໍທີ່ນ້ອງປີ່ນປົວຢູ່, ພ້ອມນີ້ສັງຄົມກໍ່ຍື່ນມືໃຫ້ຄ່າປິ່ນປົວຊ່ວຍ ເຊິ່ງນ້ອງແມນຢູຂອບໃຈທຸກຄົນເຫຼົ່ານີ້ເປັນທີ່ສຸດ.

ນອກນີ້ຍັງມີຜູ້ເລົ່າເຫດການຕອນເກີດອຸບັດເຫດ ແລະ ລໍຖ້າໄປໂຮງໝໍໃຫ້ຟັງວ່າ ນ້ອງແມນຢູໜ້າຮັກ ແລະ ໃຈດີ ຄິດເຫັນຄົນອື່ນກ່ອນສະເໝີ ຂະນະລໍຖ້າໄປໂຮງໝໍ ນ້ອງບອກໃຫ້ຄົນທີ່ມາຊ່ວຍນ້ອງວ່າໃຫ້ໄປເບິ່ງແມ່ ເພາະເພິ່ນຈະເປັນລົມ ແມນຢູບໍ່ເປັນຫຍັງ ແມ້ກະທັ້ງຕອນໄປອຸດອນ ກໍ່ຍັງຫ່ວງຫາແມ່ຕະຫຼອດທາງ.

ແຟນເພຈທີ່ໜ້າຮັກ ເລື່ອງລາວນີ້ຖືເປັນອີກເລື່ອງລາວເຕືອນສະຕິ ແລະ ໃຫ້ຂໍ້ຄິດໄດ້ຫຼາຍແງ່ມຸມ ແອັດຫວັງວ່າຜູ້ທີ່ອ່ານບົດຄວາມນີ້ຈະໄດ້ຂໍ້ຄິດ ຫຼື ປະໂຫຍດບາງຢ່າງຈາກເລື່ອງນີ້ບໍ່ຫຼາຍກໍ່ໜ້ອຍ.