ປາດໂທ! ສິງກະໂປເຕັມທີ່ ກຽມມອບເງິນກ້ອນໃຫຍ່ກະຕຸ້ນປະຊົນຊົນປໍ້າລູກຫຼາຍໆ

ປາດໂທ! ສິງກະໂປເຕັມທີ່ ກຽມມອບເງິນກ້ອນໃຫຍ່ກະຕຸ້ນປະຊົນຊົນປໍ້າລູກຫຼາຍໆ

6th October 2020 0 By Education

ສິງກະໂປໃຫ້ເງິນໂບນັດຜູ້ປົກຄອງທີ່ມີລູກໃນຊ່ວງໂຄວິດ-19 ລະບາດ ຫຼັງປະຊາຊົນກັງວົນດ້ານການເງິນກະທົບອັດຕາການເກີດ ສວນທາງກັບຟິລິປິນທີ່ອັດຕາການມານລູກສູງຂຶ້ນຊ່ວງລັອກດາວ.

ເມື່ອວັນທີ 5ຕຸລາ 2020 ເວັບໄຊ້ ບິວຊີເນສສແຕນດາດ ລາຍງານວ່າ ສິງກະໂປກຽມມອບເງິນກ້ອນໃຫຍ່ເພື່ອກະຕຸ້ນໃຫ້ຄູ່ຮັກມີລູູກໃນຊ່ວງໂຄວິດ-19ລະບາດ ຫຼັງພົບວ່າປະຊາຊົນກັງວົນການມີລູກ ແລະ ປະເຊີນກັບຄວາມກົດດັນທາງການເງິນ ຫຼື ຖືກໄລ່ອອກຈາກວຽກ ໂດຍຈະປະກາດຈໍານວນເງິນຢ່າງເປັນທາງການໃນອີກບໍ່ດົນ.

ສິງກະໂປເປັນໜຶ່ງໃນປະເທດທີ່ມີອັດຕາການເກີດຕໍ່າ ແລະ ປະເຊີນກັບຄວາມຍາກລໍາບາກໃນການພະຍາຍາມເພີ່ມອັດຕາການເກີດໃນປະເທດມາຍາວນານກວ່າ 10ປີ ໂດຍມີມາດຕະການມອບເງິນໂບນັດຊ່ວຍເຫຼືອຜູ້ປົກຄອງທີ່ມີຄຸນສົມບັດກົງຕາມກໍານົດຈໍານວນ 10.000ໂດລາສິງກະໂປ ຂະນະທີ່ປີ 2018 ທີ່ຜ່ານມາ ພົບອັດຕາການເກີດໃນປະເທດຕໍ່າທີ່ສຸດໃນຮອບ 8ປີ ໂດຍມີອັດຕາການເກີດຢູ່ທີ່ 1,14ຕໍ່ແມ່ຍິງ 1ຄົນ.

ການແຜ່ລະບາດຂອງພະຍາດໂຄວິດ-19 ໄດ້ຊໍ້າເຕີມບັນຫາການເກີດໃນຫຼາຍປະເທດ ໜຶ່ງໃນນັ້ນ ຄືປະເທດຈີນ ທີ່ເມື່ອຕົ້ນປີທີ່ຜ່ານມາ (2020) ມາພົບອັດຕາການເກີດຕໍ່າທີ່ສຸດຕັ້ງແຕ່ມີການກໍ່ຕັ້ງປະເທດຈີນມາເມື່ອ 70ປີທີ່ແລ້ວ.

ຂະນະດຽວກັນອັດຕາການເກີດຊ່ວງໂຄວິດລະບາດກັບສວນທາງກັບປະເທດໃນອາຊຽນຢ່າງອິນໂດເນເຊຍ ແລະ ຟິລິປິນ ທີ່ອັດຕາການມານລູກພຸ່ງສູງຂຶ້ນຢ່າງກ້າວກະໂດດໃນຊ່ວງລັອກດາວ.

ທີ່ມາ: BS , BBC