ອຸທາຫອນ! ສາວກິນແມງດາທະເລ ດັບສະລົດ ເຕືອນໄພທຸກຄົນລະວັງສັດຊະນິດນີ້ໃຫ້ດີ

ອຸທາຫອນ! ສາວກິນແມງດາທະເລ ດັບສະລົດ ເຕືອນໄພທຸກຄົນລະວັງສັດຊະນິດນີ້ໃຫ້ດີ

6th October 2020 0 By Education

ເລື່ອງລາວທີ່ແອັດກໍາລັງຈະເວົ້າເຖິງນີ້ ຍອມຮັບເລີຍວ່າເປັນເລື່ອງແປກ ແລະ ໃຫ້ຄວາມຮູ້ໃໝ່ສໍາລັບແອັດ ກ່ຽວກັບແມງດາທະເລ ສັດທີ່ມີຮູບຮ່າງຕົນໂຕໜ້າຮັກ ແຕ່ວ່າມັນເປັນອັນຕະລາຍເຖິງຊີວິດ.

ເຫດເກີດທີ່ຈັງຫວັດພູເກັດ ປະເທດໄທ ແຕ່ແອັດຢາກຍົກຂຶ້ນມາເຕືອນໄພ ພ້ອມເຕືອນສະຕິໃນການບໍລິໂພກອາຫານທະເລແກ່ຄົນລາວເຮົາທຸກຄົນເພາະປັດຈຸບັນເຖິງແມ່ນວ່າລາວເຮົາບໍ່ມີຊາຍແດນ ຫຼື ມີທະເລຢູ່ໃນປະເທດຕົນເອງ ແຕ່ການບໍລິໂພກອາຫານທະເລກໍ່ແຜ່ຫຼາຍໃນສັງຄົມລາວ ດັ່ງນັ້ນຈຶ່ງຢາກເຕືອນໄວ້ເພື່ອບໍ່ໃຫ້ໃຜເຄາະຮ້າຍເປັນຄືກັບສາວກໍລະນີນີ້ ກິນແມງດາເບື່ອຈົນຕົນເອງເສຍຊີວິດ.

ໃນວັນທີ 5 ຕຸລາ 2020 ຜູ້ສື່ຂ່າວລາຍງານວ່າ: ພົບຜູ້ເສຍຊີວິດ ຫຼັງກິນແມງດາທະເລເຜົາ ກ່ອນມີອາການຮາກ ວິນວຽນ ຍ່າງເຊ ຮູ້ຊື່ພາຍຫຼັງແມ່ນ ນາງສາວ ວັນທະນາ ອາຍຸ 46ປີ ຂະນະີ້ຍາດໄດ້ທໍາພິທີທາງສາສະໜາແກ່ຜູ້ກ່ຽວແລ້ວ.

ໜ້າຕາແມງດາທະເລ

ຂະນະດຽວກັນ ນາງສົມໃຈ ອາຍຸ 64ປີ ແມ່ຜູ້ເສຍຊີວິດເລົ່າວ່າ ມື້ກ່ອນວັນທີ 4 ຕຸລາ 2020 ລູກສາວໄປຫາຫອຍໃນປ່າແຄມທະເລ ແລະ ພົບແມງດາທະເລ 3ໂຕ ລູກສາວເກັບກັບມາເຮືອນເພື່ອປຸງແຕ່ງອາຫານ ໂດຍເອົາມາເຜົາ 1ໂຕກ່ອນກິນເຂົ້າ ບໍ່ດົນກໍ່ເລີ່ມຮາກ ຍ່າງເຊ ມຶນຫົວ ຄອບຄົວຈຶ່ງຮິບນໍາຕົວສົ່ງໂຮງໝໍ.

ດ້ານທ້າວສອນ ຜູ້ຊໍານານເລື່ອງສັດທະເລ ກ່າວວວ່າ: ຈາກທີ່ເຫັນສັດທະເລໃນຮູບພາບພົບວ່າເປັນແມງດາຖ້ວຍ ຢູ່ຕາມປ່າແຄມທະເລ ໂຕມັນບໍ່ໃຫຍ່ຫຼາຍ ປາຍຫາງມີຂົນທັງສອງຂ້າງ ມີພິດຮ້າຍແຮງ ປະຊາຊົນທີ່ຈະໄປຫາແມງດາມາກິນນັ້ນ ຂໍເຕືອນວ່າແມງດາຖ້ວຍມີພິດ ແລະ ອັນຕະລາຍຫຼາຍ ບໍ່ຄວນນໍາມາກິນເດັດຂາດ.

ທີ່ມາ: ຂ່າວສົດ