ໂຮງໝໍກະເສມຣາດ ຜິດແຜນຫຼາຍຢ່າງຍ້ອນໂຄວິດ ດ້ານຜູ້ລົງທຶນບອກ ໃຫ້ທຸກຄົນອົດໃຈລໍຖ້າ

ໂຮງໝໍກະເສມຣາດ ຜິດແຜນຫຼາຍຢ່າງຍ້ອນໂຄວິດ ດ້ານຜູ້ລົງທຶນບອກ ໃຫ້ທຸກຄົນອົດໃຈລໍຖ້າ

7th October 2020 0 By Education

ໂຮງໝໍກະ​ເສມຣາດ ອິນ​ເຕີ​ເນ​ຊັ້ນ​ແນວ ວຽງຈັນ ທີ່ມີງົບປະມານການລົງທຶນເຖິງ 480 ຕື້ກີບ ດ້ວຍຄວາມໃຫຍ່ 254 ຫ້ອງນອນ ເຊິ່ງເລີ່ມລົງມືກໍ່ສ້າງມາແຕ່ເດືອນພຶດສະພາ 2018 ຕອນນີ້ ໜ້າວຽກຫຼາຍຢ່າງຊ້າລົງຍ້ອນໂຄວິດ-19 ດ້ານເຈົ້າຂອງໂຄງການບອກ ຫາກທຸກຢ່າງລົງຕົວອາດໄດ້ເປີດບໍລິການປີໜ້າແນ່ນອນ

ການກໍ່ສ້າງທຸກຢ່າງ ແລະ ແຜນທີ່ວາງໄວ້ຊ້າລົງ

ໂຮງໝໍກະເສມຣາດ ໄດ້ເລີ່ມລົງມືກໍ່ສ້າງມາແຕ່ເດືອນພຶດສະພາ ປີ 2018 ໂດຍແບ່ງອອກເປັນ 2 ໄລຍະການກໍ່ສ້າງ, ດ້ານງົບລົງທຶນ 60 ລ້ານໂດລາສະຫະລັດ ຫຼື ປະມານ 480 ຕື້ກີບ, ມີອາຄານທັງໝົດ 4 ຫຼັງ ມີ 38 ຫ້ອງກວດ, 254 ຕຽງນອນ, ເຈົ້າຂອງໂຄງການຢືນຢັນທ້າຍປີ 2020 ນີ້ຈະໃຫ້ສຳເລັດ ແລະ ຄາດວ່າຈະເປີດໃຫ້ບໍລິການຕົ້ນປີ 2021.

ການກໍ່ສ້າງຍັງຄົງສືບຕໍ່ແຕ່ກໍ່ຜິດແຜນ

ແຕ່ທັງນີ້ທັງນັ້ນ ຍ້ອນການລະບາດຂອງພະຍາດໂຄວິດ-19 ຈຶ່ງເຮັດໃຫ້ການດໍາເນີນງານຫຼາຍຢ່າງຂັດຂ້ອງ ແລະ ຊ້າລົງອາດບໍ່ໄດ້ຕາມແຜນການ ແຕ່ເຈົ້າຂອງໂຄງການກໍ່ຢືນຢັນວ່າປີ 2021.

ດ້ານທ່ານ ນາງ ວາລີ ເວດສະພົງ ຜູ້ຮ່ວມລົງທຶນຝ່າຍລາວ ກໍ່ໄດ້ອອກມາເຜີຍຄວາມຄືບໜ້າການກກໍ່ສ້າງໂຮງໝໍດັ່ງກ່າວໃນັວນທີ 7 ຕຸລາ 2020 ຜ່ານເຟສບຸກສ່ວນຕົວວ່າ: ໂຄ້ງສຸດທ້າຍແລ້ວ ອີກອຶດໃຈດຽວ ສູ້ໆ;  ຖ້າບໍ່ຄາໂກວິດ ເດືອນນີ້ຄົງໄດ້ເລີ່ມຕິດຕັ້ງເຄື່ອງມືແພດແລ້ວ ເລີ່ມຮັບເອົາພະນັກງານຈຳນວນນຶ່ງໄປຝຶກວຽກຢູ່ໂຮງຫມໍກະເສມລາດທີ່ປະເທດໄທແລ້ວ ລະບົບ IT ຕ່າງໆອາດເກືອບແລ້ວຫມົດແລ້ວ ແລະຄົງໄດ້ທົດສອບລະບົບຄົບຊຸດຕາມແຜນແລ້ວ ແລະຄົງອາດໄດ້ເປີດບໍລິການໄດ້ຕາມແຜນ.

ແຕ່ທ້າວໂກວິດ ມາໃສ່ດີສເບກເຮົາຢ່າງແຮງ ເຮັດໃຫ້ທຸກຢ່າງຊ້າອອກໄປຫມົດ ປັບແຜນນຳກາບໍ່ທັນ ເຖິງແນວໃດກໍ່ຕາມຖ້ານາຍຊ່າງໃຫຍ່ເຂົ້າມາໄດ້,  HR ເຂົ້າມາສຳພາດຮັບພະນັກງານໄດ້ ປີຫນ້າໄດ້ເປີດບໍລິການແນ່ນອນ ອົດໃຈຖ້າເດີ້ພີ່ນ້ອງ