ເຕືອນເຊກອງລະວັງໃຫ້ດີ ພາຍຸລິນຟາຈະເຂົ້່່าຖະຫຼົ່ມຈົນຮອດ 13ຕຸລານີ້

ເຕືອນເຊກອງລະວັງໃຫ້ດີ ພາຍຸລິນຟາຈະເຂົ້່່าຖະຫຼົ່ມຈົນຮອດ 13ຕຸລານີ້

11th October 2020 0 By Education

ໄພນໍ້າຖ້ວມຫາກໍ່ເຂົ້າມາຄຸກຄາມປະຊາຊົນເຂດພາກໃຕ້ໃຊ່ວງຕົ້ນເດືອນຕຸລາທີ່ຜ່ານມາ ເຊິ່ງເຮັດໃຫ້ຫຼາຍເຂດໄດ້ຮັບຄວາມເສຍຫາຍຈໍານວນຫຼາຍ, ແຕ່ຫຼ້າສຸດ ພາຍຸກຽມເຂົ້າມາອີກ ເຕືອນໃຫ້ທຸກຄົນລະວັງ ໂດຍສະເພາະແມ່ນແຂວງເຊກອງ.

ເນື່ອງຈາກພະຍຸໝຸນເຂດຮ້ອນລິນຟາ (Linfa) ມີຈຸດສູນກາງຢູ່ເສັ້ນຂະຫນານ 14,7 ອົງສາເໜືອ ແລະເສັ້ນແວງທີ 109,5 ອົງສາຕາເວັນອອກ ພວມເຄື່ອນທີ່ໄປທາງທິດຕາເວັນຕົກ ດ້ວຍຄວາມໄວ 30 ກິໂລແມັດຕໍ່ຊົ່ວໂມງ, ຄາດວ່າພະຍຸຫົວນີ້ຈະເຄື່ອນທີ່ຂຶ້ນຝັ່ງທາງເຂດພາກໃຕ້ຂອງ ສສ ຫຼວຽດນາມ ແລະຈະເຄື່ອນທີ່ຜ່ານທາງພາກໃຕ້ຂອງປະເທດລາວ ໂດຍສະເພາະແມ່ນແຂວງເຊກອງ ທີ່ມີຊາຍແດນຕິດຈອດກັບພາກໃຕ້ຂອງ ສສ ຫວຽດນາມ.

ຈາກທ່າອ່ຽງຂອງການເຄື່ອນທີ່ພະຍຸຫົວນີ້ ຈະເຮັດໃຫ້ມີຝົນຕົກໜັກ ຫາ ໜັກຫຼາຍ ພ້ອມທັງມີລົມພັດແຮງຢູ່ບາງທ້ອງຖິ່ນ, ຈາກສະພາບການດັ່ງກ່າວຈະເຮັດໃຫ້ ລະດັບນໍ້າ-ນໍ້າເຊກອງ ແລະສາຂາຂອງມັນ ມີປະລິມານນໍ້າສູງຂຶ້ນຢ່າງກະທັນຫັນ.

ດັ່ງນັ້ນ, ພະແນກຊັບພະຍາກອນທໍາມະຊາດ ແລະສິ່ງແວດລ້ອມແຂວງເຊກອງ ຈຶ່ງໄດ້ອອກແຈ້ງເຕືອນໄພ ແຕ່ວັນທີ 11-14 ຕຸລາ, ສະບັບເລກທີ 99/ພຊສ, ລົງວັນທີ 11 ຕຸລາ 2020 ເຖິງອໍານາດການປົກຄອງ ແລະອົງການຈັດຕັ້ງທຸກພາກສ່ວນ ອ້ອມຂ້າງແຂວງ ແລະ 4 ຕົວເມືອງ ຕະຫລອດຮອດປະຊາຊົນບັນດາເຜົ່າຊາວແຂວງເຊກອງ.

ທີ່ຕັ້ງຖິ່ນຖານ ແລະທໍາມາຫາກິນຢູ່ລຽບຕາມແຄມແມ່ນໍາເຊກອງ ແລະບັນດາສາຂາ ຈົ່ງມີສະຕິລະມັດລະວັງຈາກສະພາບການດັ່ງກ່າວ ທີ່ອາດຈະເກີດຂຶ້ນໄດ້, ພ້ອມນີ້ກໍໃຫ້ຕິດຕາມຂ່າວສະພາບອາກາດ ແລະນໍ້າ ຈາກພະແນກຊັບພະຍາກອນທໍາມະຊາດ ແລະສິ່ງແວດລ້ອມແຂວງ ໂດຍອອກຈ່າວທາງສະຖານີວິທະຍຸ-ໂທລະພາບຂອງແຂວງ ເປັນປະຈໍາ.