ສ່ອງ​ ສອງບັນດິດໃບປະກາດແດງ ຈາກກົດໝາຍອາຍາ! ພິເສດເຄີຍເປັນສິດເກົ່າໂຮງຮຽນດຽວກັນ

ສ່ອງ​ ສອງບັນດິດໃບປະກາດແດງ ຈາກກົດໝາຍອາຍາ! ພິເສດເຄີຍເປັນສິດເກົ່າໂຮງຮຽນດຽວກັນ

12th October 2020 0 By Education

ກ່ອນໜ້ານີ້ ແອັດເຄີຍນໍາສະເໜີໄປແລ້ວກ່ຽວກັບ ທ້າວ ບຸນລ້ອມ ໄຊຍະສອນ (ອ້າຍ) ນັກສຶກສາກຽດນິຍົມ ຈາກພາກວິຊາກົດໝາຍອາຍາ ຄະນະນິຕິສາດ ແລະ ລັດຖະສາດ, ຫຼ້າສຸດ ມື້ນີ້ແອັດຈະພາໄປສ່ອງຜູ້ກ່ຽວ ແລະ ນັກສຶກສາໃບປະກາດແດງຈາກພາກວິຊານີ້ອີກຄົນ ເຊິ່ງພິເສດທັງສອງເປັນສິດເກົ່າໂຮງຮຽນດຽວກັນ.

ດັ່ງທີ່ແອັດເຄີຍນໍາສະເໜີໄປກ່ອນໜ້ານີ້ວ່າບຸນລ້ອມ ເປັນນັກຮຽນເກັ່ງມາຈາກແຂວງຫຼວງພະບາງ, ເຊິ່ງແນ່ນອນວ່າຊື່ສຽງດ້ານນັກຮຽນເກັ່ງຊອງໂຮງຮຽນີ້ແມ່ນບໍ່ທໍາມະດາ ໂດຍສະເພາະໂຮງຮຽນພອນສະຫວັນທີ່ມີລູກສິດມາຄວ້າລາງວັນນັກຮຽນເກັ່ງລະດັບຊາດມາແລ້ວຫຼາຍຄົນ ລວມເຖິງ ທ້າວສອນທະລີ ວິໄລສັກ ກໍ່ເປັນໜຶ່ງໃນນັ້ນ.

ທັງສອງຄົນຈົບມາຈາກໂຮງຮຽນດຽວກັນ ຂະນະທີ່ມາຮຽນຕໍ່ລະດັບມະຫາວິທະຍາໄລກໍ່ຮຽນຢູ່ພາກວິຊາດຽວກັນ ແລະ ທີ່ສໍາຄັນຄວ້າກຽດນິຍົມຈາກພາກວິຊານີ້ໄດ້ຄືກັນ, ເຊິ່ງສອນທະລີເປັລຸ້ນອ້າຍທີ່ຈົບພ້ອມກຽດນິະຍົມອອກໄປກ່ອນ ແຕ່ປີນີ້ ນ້ອງຊາຍບຸນລ້ອມກໍ່ຕາມມາຕິດໆ ຄວ້າໃບປະກາດແດງໄປຄູອງໄດ້ ເຊິ່ງແນ່ນອນວ່າຜູ້ເປັນອ້າຍກໍ່ບໍ່ພາດທີ່ຈະມາສະແດງຄວາມຍິນດີນໍາພ້ອມເກັບພາບໜ້າປະທັບໃຈນີ້ໃຫ້ພວກເຮົາໄດ້ຊົມນໍາກັນໃນມື້ນີ້.

ຫຼັງສອນທະລີໄປສະແດງຄວາມຍິນດີກັບບຸນລ້ອມກໍ່ໄກ້ໂພສພາບພ້ອມຂໍ້ຄວາມລຸບຸວ່າ: ຄວາມສໍາເລັດ ບໍ່ເຄີຍປະຖິ້ມ ຄົນທີ່ມີຄວາມພະຍາຍາມ; ສົມຫວັງດັ່ງໃຈມຸ່ງໝາຍ; ອະດີດເຄີຍພົບຄວາມທຸກ, ຄວາມຍາກມາພຽງໃດ ເມື່ອຍສໍ່າໃດ, ແຕ່ເຮົາບໍ່ເຄີຍຫວັ່ນ, ຄວາມພະຍາຍາມ ຄວາມມຸ່ງຫວັງທີ່ມີ ເຮັດໃຫ້ເຮົາສູ້ຊົນຜ່ານຜ່າມັນມາໄດ້ຫຼາຍສະໜາມ.

ເສັ້ນທາງຂ້າງໜ້າຍັງຍາວໄກ ຮັກສາມູນເຊື້ອ ແລະ ບຸກບືນແບບນີ້ຕໍ່ໄປ ເປົ້າໝາຍໃຫມ່ຍັງລໍຖ້າໃຫ້ເຮົາໄດ້ພິຊິດ, ອວຍພອນໃຫ້ໄດ້ວຽກງານຕາມຄວາມມຸ່ງມາດປາຖະໜາ ຂະນະດຽວກັນກໍ່ບອກໃຫ້ຮູ້ເຖິງທີ່ມາຂອງທັງສອງຄົນວ່າ: ເດັກຫຼວງພະບາງ; ເດັກພອນສະຫວັນ; ເດັກພາສາລາວ; ເດັກອາຍາ ແລະ ເດັກກຽດນິຍົມ.