ຂອບໃຈຈາກຫົວໃຈ! ອ້າຍນ້ອງທະຫານ ເມືອງວິລະບູລີ ລຸຍນໍ້າຊ່ວຍເຫຼືອປະຊາຊົນເກັບກູ້ເຂົ້າ

ຂອບໃຈຈາກຫົວໃຈ! ອ້າຍນ້ອງທະຫານ ເມືອງວິລະບູລີ ລຸຍນໍ້າຊ່ວຍເຫຼືອປະຊາຊົນເກັບກູ້ເຂົ້າ

17th October 2020 0 By Education

ດັ່ງທີ່ທຸກທ່ານຮັບຮູ້ມາແລ້ວ ວ່າໃນອາທິດຜ່ານມາ ພາກໃຕ້ຂອງລາວຖືກຜົນກະທົບຈາກໄພນໍ້າຖ້ວມ ເຮັດໃຫ້ປະຊາຊົນຫຼາຍຄົວເຮືອນເດືອດຮ້ອນ ຜົນລະປູກເສຍຫາຍ, ເຂົ້າທີ່ກໍາລັງສຸກເຫຼືອງ ຖືກນໍ້າຖ້ວມພັດຖົມຢືນບໍ່ຂຶ້ນ.

ແຕ່ຍາມພົບວິກິດ ແນ່ນອນເຮົາຈະເຫັນເຖິງນໍ້າໃຈຂອງເພື່ອນຮ່ວມຊໍາດ ໂດຍສະເພາະອ້າຍນ້ອງທະຫານ ທີ່ົດ້ຊື່ວ່າເປັນຮົ້ວຂອງຊາດ ຍາມໃດປະຊາຊົນພົບຄວາມທຸກຍາກບໍ່ເຄີຍປະຖິ້ມ, ດັ່ງອ້າຍນ້ອງທະຫານກຸ່ມນີ້ ລົງຊ່ວຍເຫຼືອປະຊາຊົນເກັບກູ້ເຂົ້ານາທີ່ຈົມຢູ່ພື້ນນໍ້າ.

ໃນວັນທີ 17 ຕຸລາ 2020 ທາງກອງບັນຊາການທະຫານເມືອງວິລະບູລີ ແຂວງສະຫວັນນະເຂດ ໄດ້ລົງໄປເກັບກູ້ເຂົ້ານາທີ່ກໍາລັງຖືກນໍ້າຖ້ວມຊ່ວຍປະຊາຊົນ ທີ່ໄດ້ຮັບຜົນກະທົບຈາກໄພນໍ້າຖ້ວມ (ຮອບທີ 2 ໃນປີນີ້)​ ເນື່ອງຈາກໄດ້ມີຝົນຕົກລິນຕິດຕໍ່ກັນຫຼາຍວັນ ຢູ່ບ້ານນາເມືອງແສນ ກຸ່ມບ້ານທີ່ 5 ເຊິ່ງມີຈໍານວນຄົນທັງໝົດ 30 ຄົນ,​ຍິງ 4 ຄົນ.​

ຂໍ້ມູນຈາກ: ທ່ານ ໄຂຄໍາ ແກ້ວມິ່ງເມືອງ