ຢາກໃຫ້ລູກໆໄດ້ອ່ານ, ການດູແລພໍ່ແມ່ເປັນບຸນສູງສຸດ

ຢາກໃຫ້ລູກໆໄດ້ອ່ານ, ການດູແລພໍ່ແມ່ເປັນບຸນສູງສຸດ

30th November 2019 0 By Education

ລູກຊາຍອາຍຸໄດ້ 10 ປີພໍ່ແມ່ກໍ່ແຍກທາງກັນ ໃຫ້ແມ່ລູກຢູ່ພຽງລຳພັງ ບໍ່ມີຮອດບ່ອນຈະລີ້ແດດລີ້ຝົນ ຈິ່ງໄປອາໄສວັດເປັນທີ່ເພິ່ງພາ ແລະບວດຮຽນແຕ່ອາຍຸ 13 ປີ ແລະຢູ່ໃນວັດນັ້ນອາໄສຊ່ວຍວຽກວັດໃນສິ່ງທີ່ຊ່ວຍໄດ້ ສ່ວນແມ່ກໍ່ເຮັດໜ້າທີ່ເປັນແມ່ຄົວອາຫານເຈໃຫ້ຄູບາສັນ.

ທີ່ກຳລັງກ່າວເຖິງນີ້ແມ່ນຜູ້ຊາຍຄົນໜຶ່ງຊື່ວ່າ: ສິດ ອະດີດ ຊ່າງຜົມກອງນັກສະແດງໜັງຟອມຍັກຂອງເມືອງໄທ, ຜູ້ຊາຍຄົນນີ້ເລົ່າວ່າ ພໍບວດໄດ້ 10 ປີ ຕອນນັ້ນອາຍຸ 23 ປີແລ້ວຈິ່ງຄິດວ່າຈະສິກອອກມາ ເພື່ອຫາຮຽນແນວອື່ນໃຊ້ຊີວິດຕາມປົກກະຕິ ເຊິ່ງມີສອງທາງເລືອກຄືພາສາອັງກິດກັບຊ່າງຜົມ.

ສຸດທ້າຍກໍ່ຕັດສິນໃຈເລືອກຮຽນຊ່າງຜົມ ເພື່ອໃຫ້ມີອາຊີບຕິດຕົວ ຫຼັງຮຽນຊ່າງຜົມສຳເລັດໄດ້ຮູ້ພື້ນຖານ ສິດກໍ່ສະໝັກໄປເປັນລູກນ້ອງຂອງຊ່າງໃຫຍ່ໃນກອງຖ່າຍ ແລະພັດທະນາສີມືໄປເລື້ອຍໆຈົນໄດ້ເປັນຊ່າງໃຫຍ່ປະຈຳກອງຖ່າຍ ແລະເຮັດໜ້າທີ່ດູແລເບິ່ງແຍງດາລາລວມທັງຕົວປະກອບນັບຮ້ອຍໆຄົນ.

ຫຼັງຈາກທີ່ສິດມີວຽກເຮັດປະຈຳ ຕອນທີ່ແມ່ມີສຸຂະພາບແຂງແຮງກໍ່ເຮັດໜ້າທີ່ເຮັດວຽກເຮືອນການຊານຖ້າລູກຊາຍ ບໍ່ດົນຕໍ່ມາສິດກໍ່ເປີດຮ້ານເປັນຂອງຕົນເອງ ແລະເອົາແມ່ໄປຢູ່ນຳ ເພື່ອໃຫ້ມີແມ່ຢູ່ທຸກຊ່ວງເວລາ.

ສິດບອກວ່າ ແຕ່ຈຳຄວາມໄດ້ແມ່ນຢູ່ກັບແມ່ຕະຫຼອດບໍ່ວ່າໄປຕະຫຼາດ, ໄປທ່ຽວ, ເລາະຕະຫຼາດຕາມຫ້າງຊັບພະສິນຄ້າ, ຕົນເອງກໍ່ສັງເກດໄດ້ ມີຄົນເບິ່ງຕົນ ແລະແມ່ໃນສາຍຕາແປກໆແຕ່ຕົນບໍ່ໄດ້ໃສ່ໃຈ ເພາະແມ່ບໍ່ມີໃຜ.

ມາຮອດປີ 2018 ແມ່ຂອງສິດໄດ້ເກີດເປັນພະຍາດເສັ້ນເລືອດໃນສະໝອດແຕກ ແລະກາຍເປັນອຳມະພາດຢູ່ເບື້ອງຊ້າຍບໍ່ສາມາດໃຊ້ງານໄດ້ອີກເຊັ່ນເຄີຍ ສິດຈິ່ງຕ້ອງດູແລແມ່ໃຫ້ດີກວ່າເກົ່າ ຈາກທີ່ແມ່ເຄີຍຍ່າງໄດ້ ຕອນນີ້ຕ້ອງອຸ້ມເອົາບໍ່ວ່າຈະໄປເຮັດກິດຈະກຳໃດ ເຂົ້າຫ້ອງນ້ຳກໍ່ຕ້ອງຊ່ວຍ.

ຫຼັງຈາກທີ່ແມ່ລົ້ມປ່ວຍລົງ ທັງສິດ ແລະອ້າຍຕ້ອງປ່ຽນກັນດູແລແມ່ຢ່າງໃກ້ສິດ 24 ຊົ່ວໂມງ ແຕ່ດ້ວຍວາມຮັກແມ່ເຮັດໃຫ້ອຸປະສັກຕ່າງໆກາຍເປັນເລື່ອງງ່າຍ ແລະບອກຕົວເອງຕ້ອງເຮັດໜ້າທີ່ລູກໃຫ້ດີທີ່ສຸດ ໃຫ້ແມ່ມີຄວາມສຸກຮ່ວມກັນໃນທຸກໆວັນ.

ໜຶ່ງປີມາແລ້ວ ທີ່ແມ່ຂອງສິດເປັນອຳມະພາດ ສິດແລະອ້າຍຍັງຄົງເຮັດໜ້າທີ່ດູແລແມ່ຄືເກົ່າ ແລະດີກວ່າເກົ່າ ສິດຖືເປັນຜູ້ເຮັດໜ້າທີ່ຫຼັກໃນການເບິ່ງແຍງບໍ່ວ່າຈະອາບນ້ຳ, ແຕ່ງຕົວ, ກິນເຂົ້າ ຢາກກິນຢາກທ່ຽວລູກຊາຍກໍ່ຕ້ອງພາໄປ ຄວາມຫວັງດຽວຄືຢາກໃຫ້ແມ່ມີຄວາມສຸກ.

ສິດບອກວ່າ ຕ້ອງຂອບໃຈໂລກອຳມະພາດທີ່ເຮັດໃຫ້ຕົນມີຄວາມອົດທົນຫຼາຍຂຶ້ນ ເຂັ້ມແຂງຂຶ້ນໃນທຸກໆວັນ ເລື່ອງໃຫຍ່ໆກໍ່ຕ້ອງເບິ່ງເປັນເລື່ອງນ້ອຍ ເວລາໃນແຕ່ລະວັນມີຄຸນຄ່າຫຼາຍຂຶ້ນທຸກວັນຈົນຮູ້ສຶກວ່າ ຕົນໄດ້ໃຊ້ທຸກເວລາຢ່າງຄຸ້ມຄ່າ, ກາຍເປັນຄົນທີ່ໃຈເຢັນລົງຄຸມສະຕິໄດ້ດີ ຄວາມຊຸ່ມຊ່າມຫໜ້ອຍລົງ ແລະເຫັນຄ່າຂອງຄຳວ່າ ຂະນະນີ້ຕອນນີ້ຫຼາຍຂຶ້ນ.

ດ້ວຍຄວາມຮັກທີ່ມີຕໍ່ແມ່ຕົນເອງໄດ້ຖ່າຍຮູບ ຖ່າຍວີດີໂອ ໄລສົດຢູ່ກັບແມ່ລົງເລື້ອຍໆຜ່ານໜ້າເຟສບຸກຕົນເອງ ກາຍເປັນວ່າຮ້ານຜົມທີ່ເປີດໄວ້ເຕີບໂຕຢ່າງວ່ອງໄວ ຕອນນີ້ເວົ້າໄດ້ວ່າປະສົບຜົນສຳເລັດໃນອາຊີບນີ້ ຕົນຈິ່ງຖືວ່າການດູແລພໍ່ແມ່ເປັນມຸງຄຸນສູງສຸດໃນຊີວິດ.

.

.