ສາວແຄ້ນໂຈນດືງກະເປົາ ກັດແຂ້ວໄລ່ຕາມຈົນໄດ້

ສາວແຄ້ນໂຈນດືງກະເປົາ ກັດແຂ້ວໄລ່ຕາມຈົນໄດ້

22nd October 2020 0 By Entertain

ແຄ້ນສຸດຄືເງິນທີ່ຫາມາຢ່າງລຳບາກ ແຕ່ຖືກໃຜບໍຮູ້ຈັກມາຈົກໄປແບບໜ້າດ້ານໆ ດ້ວຍເຫດນີ້ສາວນັກສືກສາຈິ່ງແຄ້ນໃຈແຮງໄລ່ຕາມຂີ້ເຫຍື້ອສັງຄົມທີ່ດືງກະເປົາລາວໄປຕໍ່ໜ້າຈົນຈົມມຸມລົ້ມປະລ່າງງ່າງກາງທາງໃຫຍ່ ແລະ​ມີີພົນລະເມືອງມາຊ່ວຍຈັບໄດ້.


ເລື່ອງລາວນີ້ເກີດຂື້ນຕອນເຊົ້າວັນທີ 22​ ຕຸລາ​ 2020 ແຖວບ້ານໂພນປະເປົ້າ ເມືອງສີສັດຕະນາກ ນະຄອນຫລວງວຽງຈັນ.​
ໂດຍສາວນັກສຶກສາເມື່ອຖືກໂຈນດືງກະເປົາ ນາງຕັ້ງສະຕິຢ່າງດີຕັດສິນໃຈຂີ່ລົດໄລ່ຕຳລົດໂຈນລົ້ມ ແລ້ວພົນລະເມືອງດີຊ່ວຍກັນຈັບໂຈນໄວ້ໄດ້ ໃນທີ່ສຸດ.


ເມື່ອເລື່ອງລາວນີ້ຖືກເຜີຍແຜ່ລົງໃນສື່ສັງຄົມອອນລາຍ​ ປະຊາຊົນຕ່າງກໍຊົມເຊີຍໃນຄວາມກ້າຫານຂອງນັກສືກສາຜູ້ໂຊກຮ້າຍທີ່ຕັດສິນໃຈໄລນຳໂຈນຈົນໄດ້​ ເຖິງຕົນຈະເຈັບໂຕກໍ່ຕາມ.


ແນວໃດກໍ່ຕາມ ຫລາຍຄົນກໍ່ມີຄວາມເປັນຫ່ວງ​ເນື່ອງຈາກຄວາມເດັດດ່ຽວຄືດັ່ງກ່າວແມ່ນມີຄວາມສ່ຽງຫລາຍທີ່ຈະເຈັບໂຕເຖິງຊີວິດໄດ້​ໃນຂະນະທີ່ເງິນຄຳຖ້າເສຍໄປແຕ່ຊີວິດຍັງເຮົາຍັງມີໂອກາດຫາໄດ້ຫລາຍກວ່ານັ້ນ.


ຈັ່ງໃດກໍ່ດີ ແອັດຂໍຊົມເຊີຍໃນຄວາມສາມາດ ແລະຈິດໃຈທີ່ເຂັ້ມແຂງເດັດດ່ຽວຂອງສາວເຈົ້າຂອງກະເປົາ ຢ່າງໜ້ອຍເລື່ອງລາວຄັ້ງນີ້ຈະເປັນການບອກໃຫ້ພວກສວຍໂອກາດຮູ້ວ່າ ການຫາກິນກັບຜູ້ອ່ອນແອບາງຄັ້ງກໍ່ບໍໄດ້ງ່າຍຢ່າງທີ່ຄິດ….