ປື້ມໃຈນໍາ ໂຊກດີໃນໂຊກຮ້າຍແທ້ໆ! ຊາວເນັດແຫ່ຊ່ວຍເຫຼືອບໍລິຈາກເງິນໃຫ້ສາວໃຈເດັດຂັບລົດຕໍາໂຈນ

ປື້ມໃຈນໍາ ໂຊກດີໃນໂຊກຮ້າຍແທ້ໆ! ຊາວເນັດແຫ່ຊ່ວຍເຫຼືອບໍລິຈາກເງິນໃຫ້ສາວໃຈເດັດຂັບລົດຕໍາໂຈນ

23rd October 2020 0 By Education

ຈາກກໍລະນີທີ່ເລື່ອງວລາວຂອງສາວນັກສຶກສາໃຈເດັດ ຕັດສິນໃຈຂີ່ລົດຕໍາລົດໂຈນທີ່ດຶງກະເປົາຕົນເອງຈົນສາມາດຈັບໂຈນໄດ້ ແຕ່ສາວໂຊກຮ້າຍຄົນນີ້ກໍ່ໄດ້ຮັບບາດເຈັບຫຼາຍສົມຄວນ.

ໃນຄວາມໂຊກຮ້າຍຂອງສາວຄົນນີ້ ຟ້າກໍ່ເຫັນໃຈ ຫຼັງຈາກຄລິບເລື່ອງລາວຂອງນ້ອງຄົນນີ້ ຖືກເຜີຍແຜ່ອອກໄປ ກໍ່ເຮັດໃຫ້ຫຼາຍຄົນເຫັນໃຈ, ຫຼ້າສຸດ ຄົນລາວໃຈດີຮ່ວມກັນບໍລິຈາກ ໂອນເງິນເຂົ້າບັນຊີຂອງນ້ອງ ເຮັດໃຫ້ຍອດບໍລິຈາກໃນຕອນເຊົ້າຂອງວັນທີ 23 ຕຸລາ 2020 ເກືອບຮອດ 30ລ້ານກີບແລ້ວ.

ຂໍ້ມູນຈາກ ຫົວທຽນບອດ ໃຫ້ຮູ້ວ່າ:  ອັບເດດຂ່າວຕອນເຊົ້າສາວໃຈເດັດ, ຍອດການຊ່ວຍເຫຼືອສາວນັກຮຽນໃຈເດັດ ຂີ່ລົດໄລ່ຕຳໂຈນດຶງກະເປົ໋າຈົນໄດ້ຮັບບາດເຈັບມາຮອດຕອນເຊົ້າວັນທີ 23/10/2020 ເວລາ 07:17 ນາທີ ມີຍອດຊ່ວຍເຫຼືອຈາກສັງຄົມອອນໄລ
ມີທັງໝົດ: 29.000.000 ກີບ ດີໃຈນຳນ້ອງຫຼາຍໆເດີ ນ້ອງເປັນຄົນດີ ຄົນໃຈກ້າ ແລະ ບຸນຮັກສາ ສັງຄົມຍ້ອງຍໍ ຂໍໃຫ້ນ້ອງເປັນຄົນດີໃນສັງຄົມ ແລະ ຄອບຄົວພໍ່ແມ່ເດີ.

ແນວໃດກໍ່ຕາມ ສິ່ງທີ່ເກີດຂຶ້ນສະແດງໃຫ້ເຫັນເຖິງຄວາມມີນໍ້າໃຈຂອງຄົນລາວ ທີ່ເມື່ອເຫັນເພື່ອນຮ່ວມຊາດຕົກທຸກໄດ້ຍາກ ຫຼື ເດືອດຮ້ອນກໍ່ພ້ອມໃຈກັນໃຫ້ຄວາມຊ່ວຍເຫຼືອ ບໍ່ປະຖິ້ມ; ແບບນີ້ແຫຼະທີ່ເອີ້ນວ່າຄົນລາວຄົນໃຈດີ ມີນໍ້າໃຈ.